Oqaluuserisassani immikkoortoq 15 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ullut
ataatsimiiffiusut aappaat, marlunngorneq 17. december 2002 nal. 10:45
Oqaluuserisassani
immikkoortoq 15
Inatsisartut
Ombudsmandissaanik qinersineq.
(Inatsisit
Atortinneqarnerannut Ataatsimiititaliaq)
Ataatsimiinnermik
aqutsisoq: Jonathan Motzfeldt, Inatsisartut Siulittaasuat,
Siumut.
Jonathan
Motzfeldt, ataatsimiinnermik aqutsisoq, Inatsisartut
Siulittaasuat, Siumut.
Maannakkut oqaluuserisassamut immikkoortoq
15-mut tikippugut tassalu Inatsisartut Ombudsmandissaanik qinersineq.
Inatsisartut Inatsisit
Atortinneqarnerannut Ataatsimiititaliaata nalunaarfigaanga Vera Leth
toqqagaaqqittussatut ataatsimiititaliap inassutigigaa. Tamatuma peqatigisaanik
ataatsimiititaliap erseqqissaatigaa 2001-imut Ombudsmandip ukiumoortumik
nalunaarusiaa maleruagassat atuuttut naapertorlugit 2002-mi Inatsisartut
ukiakkut ataatsimiinnerannut atatillugu Inatsisartunut agguaanneqartoq.
Qinersisoqarnissaatali
nalunaarutigineqarnera pissutigalugu ukiumoortumik nalunaarusiaq Inatsisartut
ukiakkut ataatsimiinneranni Inatsisartut ataatsimiittarfianni
oqaluuserineqanngitsoorpoq. Taamaammat ukiumoortumik nalunarusiaq upernaakkut
ataatsimiinnissami oqaluuserineqarumaarpoq.
Maannakkut Inatsisartut
ataatsimiinneranni Inatsisartuni ilaasortat nutaat ukiumoortumik nalunaarusiaq
pissarsiaraat. Tassanilu inatsisip atortinneqarneranut ataatsimiititaliap
inassuteqaataa allanik siunnersuutissaqartoqarnersoq apeqqutigissavara.
Taamaammanngilaq. Maannalu taasissaagut.
Allamik
siunnersuutissaqartoqanngimmat Vera Lethip toqqarneqarnissaanut isumaqataasut
qinnuigissavakka nukueqqullugit.
31.
Taamaalillutik Inatsisartunut
ilaasortat tamarmik akuersissutigaat Vera Lethip Ombudsmanditut toqqarneqarnissaa.
Taavalu taamaalilluni apeqqut taanna naammassivoq.
Vera Leth pilluaqqussavara. Inatsisartut sinnerlugit aamma
suleqatigilluarnissaanik pisarnitsitut neriuffigalugu. Qujanaq.