Kalaallit Nunaanni Inatsisartut

Oqaluuserisassani immikkoortoq 09-1		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Ulloq ataatsimiiffiusoq siulleq,  marlunngorneq 11. februar 2003, nal. 09:45

 

 

Oqaluuserisassani immikkoortoq 9         

 

 

Ilinniagaqartut ilinniarnerminnik naammassinninnermik kingorna sivikinnerpaamik ukiuni pingasuni Kalaallit Nunaanni sulisimanngitsut ilinniarnersiutinik tigusimasaminnik utertitsillutik akiliisarnissaat pillugu malittarisassanik atulersitsinissaq anguniarlugu Naalakkersuisut suliniuteqaqqullugit peqquneqarnissaannik Inuusuttut Inatsisartui aalajangiiffigisassaattut siunnersuut.

(Inuusuttut Inatsisartuinut ilaasortaq Juliane Henningsen aamma Ib Uldum, Avannaani Ilinniarnertuunngorniarfik, Aasiaat)

 

 

Ataatsimiinnermik aqutsisoq: Jonathan Motzfeldt, Inatsisartut Siulittaasuat, Siumut.

 

 

Juliane Henningsen, Avannaani Ilinniarnertuunngorniarfik, Aasiaat.

Ilinniagaqartut ilinniarnerminnik naanaammassinninnermik kingorna sivikinnerpaamik ukiuni pingasuni Kalaallit Nunaani sulisimanngitsut ilinniarnersiutinik tigusimasaminnik utertitsillutik akiliisarnissaat pillugu malittarisassanik atulersitsinissaq anguniarlugu Naalakkersuisut suliniuteqaqqullugit peqquneqarnissaannik Inuusuttut Inatsisartuinut aalajaangiiffigisassatut siunnersuut.

 

Jonathan Motzfeldt, Inatsisartut Siulittaasuat, Siumut.

Juliane Henningsenip aammalu allat saqqummiussaat taanna Suliffissaqartitsiniarnermut Ataatsimiititaliamut suliassanngorlugu ingerlatinneqassaaq. Tulliuppoq Hans Lars Mathiassen, taava tulliutissaaq Qaavigaq Kristensen.