Oqaluuserisassani immikkoortoq C |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ulloq ataatsimiiffiusoq siulleq, marlunngorneq 11. februar 2003, nal. 09:20
Ataatsimiinnermik aqutsisoq: Jonathan Motzfeldt, Inatsisartut
Siulittaasuat, Siumut.
Jonathan Motzfeldt, Inatsisartut Siulittaasuat, Siumut.
Taava tulliullugu tikipparput oqaluuserisassani
immikkoortoq C, tassa Inuusuttut Inatsisartuisa siunnersuutaat taakkulu
ataatsimiititaliaanni suliarineqartussat. Taava siunnersuutigissavara
saqqumiussisussat ilaatigut inuit arlaliusarmata taava tamanna
isumaqatigiissutigineqareersimammat, maanngalu ilisimatitsissutigineqarluni
kina saqqummiussisuussasoq, tassa immikkoortoq siulleq, tullia taamaalillugit ingerlatissavagut
atillu taaneqartut maannga oqaluttarfimmukarlutik saqqummiussassaq taanna
qulequtaq atuartassagaat kissaatigineqarpoq aammalu taamaalilluni
aaqqinneqarsimalluni.
Siulliullugu qinnuigissavara Juliane Henningsen
immikkortoq 1 pillugu – meeqqat atuarfianut tunngasoq – saqqummiussassaq maani
nalunaarutigeqqullugu. Taava tulliulluni oqaaseqartussaq maannga qanillisarlutik
ingittarmata immikkortumi tullermi saqqummiussisussasoq nalunaarutigineqarpoq
Ib Uldum. Taanna tulliulluni maani piareersimassaqq.
Juliane Henningsen, Iliniarnertuunngorniarfik, Aasiaat.
Siunnersuuterput siulleq: Meeqqat atuarfianni atuartsiinerup ukiumik ataatsimik sivikkillineqarnissaa anguniarlugu Naalakkersuisut suliuteqaqqullugit peqquneqarnissaannik Inuusuttut Inatsisartuini aalajangiiffigisassatut siunnersuutigaarput.
Jonathan Motzfeldt, Inatsisartut Siulittaasut, Siumut.
Qujanaq. Juliane Henningsennip aammalu allat siunnersuutigisaat tassunga tunngasoq Kultureqarnermut Atuartitaanermullu Ataatsimiititaliamut ingerlateqqinneqassaaq, tassnilu suliarineqassalluni. Tulliuppoq immikkortoq 2, tassani oqaaseqassaaq Ib Uldum, tulliuppoq Poul Olsen.
Ib Uldum, Avannaani Ilinniarnertuunngorniarfik, Aasiaat.
Siunnersuutit tullii: Tuluttoornerup danskisoornerullu meeqat atuarfianni siusinnerusukkut eqqunneqarnissaa anguniarlugu Naalakkersuisut suliniuteqaqqullugit peqquneqarnissaannik siunnersuut.
Jonathan Motzfeldt, Inatsisartut Siulittaasut.
Tulliuppoq Poul Olsen immikkoortoq 31. Taava tulliutissaaq
Poul Olsen.