Kalaallit Nunaanni Inatsisartut

Oqaluuserisassani immokkoortoq 05-2		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Attaasinngorneq 20. oktober 1997 nal. 18.00

 

 

Oqaluusserisassani immikkoortoq 5.

 

 

Kalaallit Nunaata nunap immikkoortuinut kommuninullu aggorneqarsimanera pillugu Inatsisartut inatsisaata allanngortinneqarsimaneranik Inatsisartut inatsisissaannut siun-nersuut.

(Naalakkersuisut Siulittaasuat)

Aappassaaneerneqarnera.

 

 

 

Ataatsimiinnermik aqutsisoq: Inatsisartut Siulittaasuat Anders Andreassen.

 

Jonathan Motzfeldt, Naalakkersuisut Siulittaasuat:

Kalaallit Nunatta nunap immikkoortuinut kommuninullu aggortneqarnera pillugu Inatsisartut inat-sisaata allanngortinneqarneranik inatsisartut inatsisissaannut siunnersuut aappassaaneerin­ninnermi Kalaallit Nunaata nunap immikkoortuinut kommunillu aggorneqarnera pillugu Inatsi­sartut inatsisartut inatsisaata allanngortinneqarneranik inatsisartut inatsisissaannut siunnersuutip siuller-meerneqarnerani Inatsisartuni oqallinneq naapertorlugu maanna siunnersuummi nunap assinganik ilanngussisoqarpoq kommunit killeqarfiinik takutitsiffiusinnaasumik, tassalu taakuup­put maa-nakkut atuuttut.

 

Taamatut oqaaseqarlunga matumuuna inassutigissavara inatsisissatut siunnersuut taama isikko-qarluni pingajussaaneerneqarnissaminut ingerlateqqinneqassasoq.

 

Ruth Heilmann, Siumup oqaaseqartua:

Siumumiit Kalaallit Nunaata nunap immikkoortuinut kommuninullu aggorneqarnera pillugu Inat-sisartut inatsisaata allanngortinneqarneranik inatsisartut inatsissaanut siunnersuutip siuller­meernerani oqaaserisagut innersuussutigalugit aappassaaneerneqarnerani nunap assinganik piumasari-neqartutut ilanngussaqarnera iluaralugu inatsisissap taamatut isikkoqarluni pingajus­saaneerneqarnissaa Siumumiit innersuussutigaarput.

 

Anthon Frederiksen, Kattusseqatigiit:

Nunatta immikkoortuinut kommuninullu aggorneqarnera pillugu inatsisartut inatsisaata allann-gortinneqarnissaanut siunnersuutip siullermeerneqarnerani Kattusseqatigiinniit oqaaseqaatikka innersuussutigalugit nuannaarutigaara suliap siullermeernerani piumasaqaatigisimasara, tassalu kommuuneqarfiit killeqarfiisa erseqqarinnerusumik  nunap assinganut titartagartalerlugit ilann-gunneqarmat.

 

Suliarlu manna iluatsillugu inatsisartuni siusinnerusukkut apeqquteqaatigisarsimasara, tassalu Kangaatsiap Kommuuniani qeqertap ikkarluttut taagorneqartup ASimiutarsuup ikkarluata@ ikkar-luttut nalunaarsorneqarunnaarnissaata sulissutiginissaa matumuuna inassutigissavara, tassami siusinnerusukkut tassunga tunngatillugu akissuteqaatigineqartut tunngavigalugit suliap maanna ingerlanneqanngitsup danskit naalakkersuisuinut matumuuna saaffiginnissutigineqarnissaa piu-masaralugu. Taamatut oqaaseqarlunga siunnersuutip tunngaviatigut isumaqatiginera nalunaaruti­gaara.

 

Jonathan Motzfeldt, Naalakkersuisut siulittaasuat:

Siullermeernerani aappassaaneerneranilu assortuutoqanngimmat qujassutigalugu ASimiutarsuup Ikkarluata@ taamak taaneqarunnaarneqarnissaa soorunami ikkarluugami ikkarluujuassaaq allann-gortinneqarsinnaanersoq naluara, kisianni Anthon Frederiksenip saqqummiussaa misissorneqar­tikkumaarparput, ikkarluujunnaarsissinnaaneripput nalugaluarlugu kisianni misissorluaanassa­varput.

 

Anthon Frederiksen, Kattusseqatigiit:

Paatsuungasoqaqqunagu erseqqissaatigissavara taana ikkarlussuaq ikkarluungikkaluartoq ikkar-luttut taagorneqarmat ilami qeqertaamat ammalu tinerujussuartillugu nunamut atasuulluni, taa-maattumik Kangaatsiarmiut qangali kissaatigisaat naammassiniarneqartariaqartoq.

 

Siusinnerusukkut Aalisarnermut Piniarnermullu Ataatsimiititaliaq taana pillugu akissuteqarsima­voq, akissuteqaaminilu eqqaavaa suliassaq taamak ittoq danskit naalagaaffiata ingerlattariaqaraa aammalu tamanna suliassaq ilaatigut Kalaallit Nunatta Canadallu killeqarfiinnut attuumassute­qarmat suliassaq pimoorullugu ingerlanneqartariaqarpoq, taamaalillugu taana ikkarlussuaq ikkarluujunnaarnissaa neriuppunga sulissutigineqarumaartoq.

 

Ataatsimiinermik aqutsisoq, Anders Andreassen:

Taamaalilluni ullumikkut oqaluusserisassaq immikkoortoq 5 aappassaaneerneqarnera naammassi-voq, taavalu pingajussaaneerneqarnissaanut taamak isikkoqarluni akuersisut nikueq­qussavakka:

30-it. Taavalu akerliusut: akerliusoqanngilaq. Taaseqataanngitsut:taaseqataanngitsoqanngilaq.

Taamaasilluta ullumikkut oqaluusserisassat immikkoortuat 5 naammassivarput.

Taavalu ingerlaqqissaagut immikkortoq 6-imut ullumikkullu oqaluusserisassat kingullersaat tassaku Kommunini misiligutitut aaqqissuussinerit pillugit Inatsisartut inatsisissaannut siunner-suut, tassanilu Inatsisit pillugit Ataatsimiititaliami siulittaasoq saqqummiisaaq Otto Steenholdt, Atassut.

 

Oqaluuserisaq nammassivoq.