Oqaluuserisassani immikkoortoq 49-3 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Sisamanngorneq
29. oktober 1998 nal 14.12
Ataatsimiinnermik
aqutsisoq: Anders Andreassen, Inatsisartut Siulittaasuat.
Paaviaaraq
Heilmann, Aalisarnermut, Piniarnermut Nunalerinermullu Naalakkersuisoq:
Siunnersuut
aappassaaneerinninnermi amerlanerussuteqartunit ilalerneqarmat matumuuna
siunnersuutip Aalisarnermut, Piniarnermut Nunalerinermullu Ataatsimiititaliamit
isu-maliutissiissut isumaqatigalugu aappassaaneerinninnermi allannguutissatut
siunnersuutikka ilanngullugit inaarutaasumik akuersissutigineqarnissaat
inassutigaara.
Anthon
Frederiksen, Kattusseqatigiit:
Suliap
aappassaaneerneqarnerani allannguutissatut siunnersuuteqarsimavunga kisiannili
eq-qaamaneqassooq allanngutissatut siunnersuutigisara taanna
taasissutigineqarsimanngimalluunniit maani inimi taannalu allannguutissatut
siunnersuutiga tassaavoq: aalisarnermik piniar-nerinnarmilli
inuussutissarsiuteqartut umiatsiaararsortut assigiimmik immikkoortitaanatik
pineqalernissaat, tassa siunnersuutigisimagaluarpara umiatsiaarartaarniartut
10%-iinnarmik siulequtsiillutik sinnera agguarlugu taarsigassatut aammalu
ilaatigut taarsigassaanngitsutut landskarsiminngaanniit pineqalernissaat kisiannilu
tassa suusupagineqarsimavoq tamanna. Taamaakkaluartoq matumani siunnersuummi
avanersuarmi aammalu tunumi oqilisaaniarnerit erseqqissaassutigissuara
tapersissagakkit.
Paaviaaraq
Heilmann, Aalisarnermut, Piniarnermut Nunalerinermullu Naalakkersuisoq:
Anthon Frederikseni
eqqaasilaaginnarusuppara Kattusseqatigiinneersoq uani
akuersissu-tigineqartussami periarfissanut ilaaamat kommuninit imaluunniit
allaniit aallarniutissap 25%-ip assersuutigalugu umiatsiaarartaarniarnermi
kujasinnerusumi, isorliunerusuniunngitsoq affaa kommunininngaanniit
allanilluunniit pissarsiarineqarsinnaanera periarfissaammat.
Anders
Andressen, Inatsisartut Siulittaasuat:
Allanik oqaaseqartoqarnianngilaq.
Aalisarnermut,
piniarnermut nunalerinermullu tepersiineq pillugu Inatsisartut
peqqussutissaannut akuersisut nikueqqussavakka: 30. Akerliusut
nikueqqussavakka: 0. Taaseqataanngitsut: 0.
Taamaalilluni
inatsisissaq akuerineqarpoq.
Oqaluuserisaq
naammassivoq.