Oqaluuserisassani immikkoortoq 88 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ataatsimiinnermik
aqutsisoq: Anders Andreassen, InatsisartutSiulittaasuat.
Otto
Steenholdt, Inatsiseqarnermut Ataatsimiititaliap siulittaasua,
Atassut:
Inatsiseqarnermut Ataatsimiititaliap naatsunnguamik
allakkiaa ilaasortanullu agguaanneqa-reersimasoq takoqqussavara, tassa
Inatsiseqarnermut Ataatsimiititaliap Ombudsmandip nalunaarutaa
pissarsiarisiamavaa qimerloorlugulu pitsaasutut nalilerlugu akueralugu
Inatsisartunut ingerlateqqipparput, naatsunnguaq taanna tassa akuereqqullugu.
Jonathan
Motzfeldt, Naalakkersuisut Siulittaasuat, Siumut:
Ombudsmandip 1997-imut ukiumoortumut
nalunaarutaa Naalakkersuisunit soqutigineqarluni atuarneqarpoq aammalu
naammagisimaarlugu paasineqarluni massakkut inuiaqatigiinni
pisariaqartitatsinnik ingerlalluartumillu atorfeqarfeqalersimasugut pisortat
ingerlatsivii inatsisit pisinnaasitsinerat naapertorlugit innuttaasunik
sullissinissamik qulakkeerinnittartussamik. Ombudsmandip aalajangersartagai
pillugit Naalakkersuisut ingerlaavartumik ilisima-tinneqartarput, taavalu ukiup
ingerlanerani Inatsisartut Ombudsmandiata saafiginnissutigisartagai aamma
Naalakkersuisunit suliarineqartarput. Allaffissornikkut ingerlatsinermi
Ombudsmandip kukkunivittut imaluunniit sukkaappallaartumik suliarineqarsimasut
uparuartagai Naalakkersuisunit tusaatissatut tiguneqartarput. Taavalu pissutsit
taamaalilluni allanngortinneqartarlutik. Taama oqaaseqarlunga Naalakkersuisut
sinnerlugit Inatsisartut Ombudsmandiata nalunaarutaa Naalakkersuisunit
tusaatissatut tiguneqarnera nalunaarutigaara aammalu suliap
suliarilluarsimanera qujassutigalugu.
Niels
Mátâk=, Siumup
oqaaseqartua:
Siumumiit naatsunnguamik
oqaaseqarfigissavarput, matumuuna nalunaarutigissavarput nalu-naarusiaq
Inatsiseqarnermut Ataatsimiititaliap tamakkiisumik tusaatissatut
tiguneqarneranik nalunaarutigineqarnera isumaqatigigatsigu. Siumut isumaqarpoq
Inatsisartut Ombgudsmandiata siunissami sullissinera tapersersorlugu siunissami
suleqatiginissaa kissatiginartikkipput. Tamatumuunakkummi innuttaasut
pisortanit sullinneqarnerminnut eqqortuusorinngisaminnik pisariaqartumik
maalaaruteqartarnerat tunngavigalugu sullinneqarnissamik piumasaqaatitta
tamatumuunakkut naammassineqarluni suliarineqartalermat, Siumumiit nuannarutigalugu
Ombudsmandip sulinera tapersersorusupparput. Taamatut ataatsimut Siumumiit
oqaaseqarluta Ombudsmandip 1997-imut nalunaarutaa tasaatissatut tiguarput.
Jakob
Sivertsen, Atassut-ip oqaaseqartua:
Uanga aamma naatsunnguamik, nalunaarusiaq
ima pitsaatigivoq annertunerusumik oqaase-qarfigineqarsinnaanani,
taamaakkaluartoq Ombudsmandip 1996-imi nalunaarusiaanut sanil-liukkaanni
1997-imi nalunaarusiaq marloriaatinngungajassimavoq. Tassani takusinnaavarput
innuttaasut periarfissaq taanna maannamut atorluariartoraat taamaaliorneq
isumaqarpugut Atassut-mit iluarisimaarnartoq. Nunatsinni innuttaasut
inatsisitigut illersugaanerat nalu-naarusiakkut aamma suliarilluagaasukkut
Atassummit takusinnaagatsigu, taamatut naatsumik oqaaseqarluta Inatsisartut
Ombudsmandiata nalunaarusiaa suliarilluagaq, pitsaasoq soqu-tiginaateqartorlu
Atassut-mit akuersaarlugu tiguarput.
Johan
Lund Olsen, Inuit Ataqatigiit oqaseqartua:
Uaguttaaq aamma naatsunnguamik Inuit
Ataqatigiit tungaanningaanniit Inatsisartut Ombuds-mandiata 1997-imut
nalunaarutaa aamma qimerluuataarsimavarput isumaqarpugullu pis-susissamisoortoq
aamma maani Inatsisartuninngaanniit Ombudsmandi Ombudsmandeqarfillu 1994-imi
Inatsisartuni akuersissuteqarnitsigut pilersinniarsimasarput
sulilluarsimaneranut aam-ma annertuumik maannakkut qujaniarfigisariaqaratsigu
aammalu siunissami suli pitsaasumik innuttaasunut pitsaanerpaamik
siunertaqarlutik sullissilluarnissaa taanna ingerlattuarumaar-massuk.
Anthon
Frederiksen, Kattusseqatigiit:
Ombudsmandip nalunaarusiortarnera
pissusissamisoorluinnarpoq aammalu Kattusseqatigiinniit pingaarteqaarput
innuttaasut pisortanit kiffartuunneqarnerminni naammaginngisaqarunik
saaffissaqarnissaat taamaalilluni aamma innuttaasut aamma toqqississisimallutik
inuiaqatigiinni inooqataanerminni toqqammaveqarniassammata. Ombudsmandillu
siunissami sulilluarnissaanik kissaallugu nalunaarutaa akuersaarlugu
tusaatissatut tiguara.
Jonathan
Motzfeldt, Naalakkersuisut Siulittaasuat:
Oqaaseqartut qutsavigalugit aammalu qujassut
Ombudsmandimut ingerlanneqarumaarmat taava Atassut-ip oqaaseqartuata ilaatigut
taavaa suliassat amerliartornerannut tunngasut alaatsi-naanneqarsimasut,
ilumoorpoq suliassat amerlisimanerat aammalu suliassat taamaalillutik
Nunatsinni saaffiginnissutit amerlisimanerat piinnarani ataaseq aamma
uppernarsarneqarpoq taama ittoq aaqqissuussineq Ombudsmandeqarneq aamma
Nunatsinni atorfissaqartinneqartoq maannakkut malugineqarluarsimammat. Aammalu
taamaalilluni innuttaasunik kiffartuussineq kusanartoq Naalakkersuisuninngaannit
aamma qujassutigeriigarput aamma paasivara Inatsi-sartunit aammalu
Kattusseqatigiinnit taamaalillunu qujassummik ullumikkut aamma tunisisoqartoq,
tamannalu Ombudsmandimut Ombudsmandeqarfimmullu ingerlanneqaq-qikkumaarpoq,
uangattaaq qujavunga.
Oqaluuserisaq
naammassivoq.