Oqaluuserisassani immikkoortoq 93 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ataatsinngorneq 1.november
1999 nal. 14.40
Ataatsimiinnermik
aqutsisoq:
Inatsisartut Siulittaasuat Johan Lund Olsen.
Anthon Frederiksen, Kattusseqatigiit, apeqquteqartoq:
Qujanaq - nunaqarfinni aqquserngit
iluarsaanneqarnissaannut siusinnerusukkut Inatsisartunut oqaluuserisassatut,
siunnersuuteqarsimagaluarpunga, kisianni annerusumik
militseqartinneqanngitsumik.
Taamaattumik
Naalakkersuisunut apeqqutiginiarpara, nunaqarfinni aqquserngit ilaatigut
alorluinnartut iluarsaanneqarsinnaaneri qanoq
pilersaarusiorfigineqarsimanersut.
Steffen
Ulrich-Lynge (S), Ineqarnermut Attaveqarnermut Pilersuinermullu Naalakkersuisoq:
Qinnutigissavara
naalisalaarlugu saqqummiunnissaa, tassa imatut oqaatigisinnaagatsigu,
Inatsisartunut ilaasortap Anthon Frederiksen-ip apeqqutigisaanut, nunaqarfinni
aqqusineeqqanik aq-qusinernillu sanaartorneq aserfallatsaaliinerlu kommunit
suliassaraat. Taamaattumik Naalakkersuisut maanna pilersaaruteqanngillat
tamatuma allanngortinnissaanut.
Anthon Frederiksen, Kattusseqatigiit apeqquteqartoq:
Tassa taamatut
apeqquteqarninnut ilaatigut pissutigaara Inatsisartuni siusinnerusukkut
misissuineq aallartinneqarsimagaluarmat, nunaqarfinni aamma aqquserngit
pillugit. Kisianni tassa paasivara akisussaaffik taanna kommuninut tamanit
tamarmut tunniunneqarsimasoq.
Oqaluuserisaq naammassivoq.