Oqaluuserisassani immikkoortoq 13 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ataatsimiinnermik aqutsisoq: Inatsisartut Siulittaasuat Anders
Andreassen.
Marianne Jensen, Peqqinnissamut, Avatngiisinut, Ilisimatusarnermut
Pinngortitamullu Naalakkersuisoq:
1996-imi ukiakkut ataatsimiinermi
tarnimikkut napparsimasunik katsorsaanerup Kalaallit Nunaannut nuunneqarnissaa
pillugu siunertaqarnermik saqqummiussineq Inatsisartut akueraat. Tamatuma
kingorna nassuiaasiorluni suliaq annertooq aallartinneqarpoq, Inatsisartut
1998-imi upernaakkut ataatsimiinneranni saqqummiussisoqarnissaa siunertaralugu.
Suliaq massakkut naammassineqarpoq, inerneralu nassuiaatitut matumatut
ilusilerlugu saqqummiunneqarluni. Oqartussat suleqatigisallu
assigiinngitsorpassuit nassuiaatip suliarineqarnerani peqataasimapput,
taamatuttaarlu nassuiaat illuatungerisanut susassaqartunut
tusarniaatigineqarsimalluni.
Periarfissaq manna atorlugu nassuiaatip
kusanaqisup suliarilluagaasullu suliarineqarnerani peqataasimasorpassuit Naalakkersuisut
matumuuna assorsuaq qutsavigissavaat.
Inatsisartut 1996-imi ukiakkut
ataatsimiinneranni aalajanginermi oqartoqarpoq "tarnimikkut
napparsimasunik katsorsaanerup Kalaallit Nunaannut nuunneqarnera suliatigut
inuttullu illersorneqarsinnaasumik pisariaqarmat suliniutit nuussinissamut
tunngaviusut tamarmik ataqatigiissaarneqarnissaat pisariaqartoq. Taamaattumik
suleqatigiissitaliamik ataqatigiis-saarisussamik pilersitsisoqartariaqarpoq,
suliassap tamatuma naammassineqarnissaanut siun-nersuusiorsinnaasumik, kiisalu
Kalaallit Nunaannut nuussinerup aningaasatigut kingunerisassaanik naatsorsuisinnaasumik".
Nassuiaat tamanna tunngavigalugu
suliarineqarpoq. Tassani Kalaallit Nunaannut nuussinerup sanaartornikkut ingerlatsinikkullu,
ilinniartitaanikkut, najukkami tarnikkut napparsimasulerinermi
inatsisilerinikkullu tunngaviusut nassuiarneqarput, kiisalu tarnimikkut
napparsimasunik nunami maaneereersunik katsorsaanerup
pitsanngorsarneqarnissaanut siunnersuusiortoqarluni, matumani
peqqinnissaqarfimmut aningaasatigut kingunerisassaanik naatsorsuineq
ilanngullugu eqqarsaatigalugu.
Aallaqqaasiullugu Naalakkersuisut
Inatsisartunut malugeqqussavaat nassuiaammi "nuussineq" pineqartoq
taamaallaat tassaammat tarnimikkut napparsimasunik Vordingborgimi Amtshospitalimi
katsorsaanerup Kalaallit Nunaannut nuunneqarnera. Taamaalilluni
erseqqissarneqassaaq tarnimikkut napparsimasut immikkut ulorianaateqartut
ikittuinnannguit Nykĝbing Sjĉllandimi Amtshospitalimi immikkoortortamut isumannaallisakkamut
inissinneqarsimasut inersimasunik tarnimikkut napparsimasunik katsorsaanerup
Kalaallit Nunaannut nuunneqarnissaa pillugu suliassiissutigineqartumi matumani
ilaatinneqanngimmata.
Suliassiissutigineqartuni gerontopsykiatri
(utoqqaat utoqqanngoreerlutik tarnimikkut napparsimalersimasut,
puigututsinnermik napparsimasut imaluunniit utoqqaat tarnimikkut napparsimallutillu
allamik nappaateqartut) kiisalu meeqqaanik inuusuttunillu tarnimikkut
napparsimasunik katsorsaaneq aamma ilaatinneqanngillat.
Tarnimikkut napparsimasut ullumikkut
Danmarkiliartittakkavut tassaapput ullumikkut Kalaallit Nunaanni
napparsimmavinni katsorsarneqarsinnaanngitsut.
Nuussinermik suliaqarnermi ilaatigut
napparsimasut tarnimikkut napparsimasunut immikkortortani matoqqasuni
katsorsarneqarnissamik pisariaqartitsisut, ilaatigullu napparsimasut
qqartuus-siviup aalajangiineratigut tarnimikkut napparssimasunut
immikkortortami matoqqasumi katsorsarneqartussanngorlugit inissinneqartut
pineqarput. Napparsimasut taakku manna tikillugu Danmarkimut
allartinneqartarsimapput, Kalaallit Nunaanni tarnimikkut napparsimasunut immikkoortortami
matoqqasumi unitsitsinissamut periarfissaqanngimmat.
Tarnimikkut napparsimasunik Kalaallit
Nunaanni katsorsaanermi pingaarnertut anguniagaq tassaasariaqarpoq
katsorsaanikkut suliniutitut neqeroorutigineqartut nappaatip ilisarnaataanik
katsorsaanerup saniatigut napparsimasut ataasiakkaat inuunerisa annerusumik
pitsassuseqalernissaannik siunertaqarneq, tassanilu inuttut annertunerusumik
inniminassuseqarneq nammineq inuunermut annertunerusumik paasisimasaqarnermik
akisussaaffeqarnermillu kinguneqartoq ilaatinneqassapput.
Tarnimikkut napparsimasunik katsorsaanerup
Kalaallit Nunaannut nuunneqarnissaani tunngaviulluinnartoq tassaavoq illutigut
pisariaqartinneqartut pigineqarnissaat.
Nassuiaammi sanaartukkatigut periarfissat
marluk saqqummiunneqarsimapput:
Periarfissami 1-imi allaaserineqarpoq
immikkoortortanik marlunnik 15-inut inissalinnik pilersitsisoqassasoq,
massakkullu tarnimikkut napparsimasunut immikkoortaqarfik ilutsini allanngortinnagu
atorneqassalluni. Periarfissami 1-imi sanaartugassanut ani-ngaasartuutit 106
mio. kr.-iutinneqarput, sulisunut inissiat 50-it nutaat ilanngullugit.
Periarfissami 2-mi allaaserineqarpoq
tarnimikkut napparsimasunut napparsimmavik ataatsimoortoq napparsimasunut
katillugit 45-nut inissalik pilersinneqassasoq. Periarfissami 2-mi sanaartukkanut
aningaasartuutit 143 mio. kr.-iupput, sulisunut inissiat 50-it nutaat
ilanngullugit.
Aammattaaq nassuiaammi oqaatigineqarpoq tarnimikkut napparsimasunik katsorsaanerup tamarmi Kalaallit Nunaannut nuunneqarnerani ukiumoortumik aningaasaliissutinik pisariaqartitsinermi aaqqiissutit arlaata sorliup toqqarneqarnera apeqquttaanngitsoq. Taamaalillutik ingerlatsinermut aningaasartuutaanerulersussat ullumikkumut sanilliullutik 11,4 mio. kr.-iusussaapput.
Kisianni periarfissaq 1 naleqquttutut isigineqanngilaq, tassami Dronning Ingridip Napparsimmavissuani tarnimikkut napparsimasunut immikkoortortaqarfiup ammasup allanngortinnagu atorneqarnera katsorsaavinnik naleqqutinngitsumik avissaartitsinermik kinguneqartussaammat. Taamaattumik tarnimikkut napparsimasunik katsorsaanerup nuunneqarnera Dronning Ingridip Napparsimmavissuanut atasunik tarnimikkut napparsimasunik ataatsimoortumik katsorsaaviliornikkut ingerlanneqassasoq kaammattutigineqarpoq.
Aamma nassuiaammi oqaatigineqarpoq tarnimikkut napparsimasunik katsorsaaneq massakkut inatsit atuuttoq 1938-imeersoq tunngavigalugit nuunniartariaqanngitsoq. Inatsisilerinikkut isigalugu inatsit taanna tunngavigalugu nuussineq akornutissaqanngikkaluarpoq, kisianni inatsit taanna ullutsinnut naleqquttuunngimmat Kalaallillu Nunaanni pisariaqartitarpianut naapertuuttuunngimmat piaarnerpaamik nuussinissamillu aalajangernissaq utaqqeqqaarnagu allanngortinneqartariaqarpoq. Suliassaqarfimmi tassani inatsisiliorsinnaatitaanerup Kalaallit Nunaannut nuunneqarnissaa kissaatigineqarnersoq, imaluunniit danskit tarnimikkut napparsimasut pillugit inatsisaata 1989-imeersup massakkut allanngortiterneqartup, nunatsinni immikkut pissutsit pisariaqartitaannik allanngortillugu, Kunngip peqqussutaatigut atortuulersinneqarnissaa utaqqineqassanersoq nassuiaammi isummerfigineqarsimanngilaq. Kisianni Kunngip peqqussutaatigut atortuulersitsinissaq siunertaralugu danskit inatsisinik massakkut allanngortiterinerat utaqqimaarneqassasoq Naalakkersuisut sinnerlugit inassuteqaatigissavara.
Tarnimikkut napparsimasunik katsorsaanerup Kalaallit Nunaannut nuunneqarnissaani tunnga-vik pisariaqartoq tassaavoq ilinniartitaanikkut ingerlatat arlallit aallartinneqarnissaat. Tarni-mikkut napparsimasunik katsorsaanerup Danmarkimit Kalaallit Nunaannut nuunneqarnissaa sioqqullugu ilinniartitaanikkut annertunerusumik suliniuteqalernissaq pisariaqarpoq. Suliassaq taanna ukiup ataatsip marlulluunniit ingerlanerinnaanni naammassineqarsinnaanngilaq, ukiunilu amerlanerusuni ilinniartitaanikkut, pikkorissartitsinertigut ilinniaqqitsitsinertigullu siunertaqar-luartumik ingerlatsineq pisariaqartinneqarluni, tassami tarnimikkut napparsimasunik katsorsaa-nermut tunngasutigut ilinniartitaanikkut annertoorujussuarmik kinguaattoorsimagatta. Suliniutit tamakku siunissaq ungasinnerusoq eqqarsaatigalugu sulisunik avataanit tikisinneqartartunik pisariaqartitsinermik annikinnerpaaffissaaniititsilersinnaassussaassapput.
Tarnimikkut napparsimasunik katsorsaanermi ilinniartitaanikkut annertoorujussuarmik kinguaattoorsimaneq pineqarmat nassuiaatip suliarineqarneranut atatillugu 1998-ip ingerlanerani kommunini tapersersuisutut sulisut ilinniagaqarsimanngitsut 80-it qaammatini pingasuni pikkorissartinneqarnissaat suliniutigineqalereersimavoq.
Tarnimikkut napparsimasunik katsorsaanerup Kalaallit Nunaannut nuunneqarnissaani tunnga-vik pisariaqarluinnartoq tassaavoq atorfinnik pilersinneqartunik uagut nammineq inuttaliisin-naanissarput. Ataatsimut isigalugu peqqinnissaqarfimmi sulisunik massakkut pissarsiniarneq ajornartorsiuterujussuuvoq, tamannalu tarnimikkut napparsimasunik katsorsaanermik sulias-saqarfimmut aamma atuuppoq.
Nassuiaammi inerniliunneqarpoq tarnimikkut napparsimasunik peqqissaanermi / paaqquttarinnermi, isumaginninnermi katsorsaanermilu suliassat suliarineqarnissaanni sulisunik Danmarki-meersunik/Skandinaviameersunik tikisitsisarnissaq Kalaallit Nunaata siunissami suli ukiorpas-suarni pinngitsoorsinnaassanngikkaa. Tarnimikkut nappaatilinnik katsorsaanermik Kalaallit Nunaannut nuussinermut atatillugu tarnimikkut napparsimasunik katsorsaanermi sulisunik pisariaqartitsineq pinngitsuuisinnaannginnerlu annertusiartupiloortussaapput.
Tarnimikkut napparsimasunik katsorsaanerup nuunneqarnissaanut tunngaviusut sisamaat tas-saavoq suliassaqarfiup taassuma iluani kiffartuussinerup piareersarneqarnissaa, tassa tarnimik-kut napparsimasut napparsimmavimmut unitsinneqanngitsut najukkani ataasiakkaani katsor-sarneqarnerat paaqqutarineqarnerallu eqqarsaatigalugit. Nassuiaammi Kalaallit Nunaanni tarnimikkut sakkortuumik nappaatillit 500-t missaanniittutut naatsorsorneqarsimapput - innuttaaqataasut sanngiitsut, katsorsarneqarnissamik pisariaqartitaminnik ajoraluartumik neqeroorfigineqarajunngitsut. Taamaalilluni tarnimikkut sakkortuumik nappaatilippassuit nunami maaneereersut katsorsarneqarnerisa isumagineqarnerisalu pitsanngorsaavigineqarnissaannik pisariaqartitsineq annertoorujussuaq nasssuiaatip qulaajarsimavaa.
Nassuiaatip kaammattuutitaani tarnimikkut napparsimasut napparsimmavimmut unitsinneqaratik katsorsarneqarnermikkut massakkut najukkani ataasiakkaani ingerlanneqareersukkut nukittorsaavigineqarnissaat saqqummiunneqarpoq, najukkanilu ataasiakkaani tamakkunani piareersaasoqarnissaa pisariaqartutut isigineqarpoq, tamatumunnga peqatigitillugu nukinnik najukkani ataasiakkaani pigineqareersunik tamakkiinerpaamik atuisoqarnissaa qulakkeerneqartariaqarluni.
Najukkani ataasiakkaani tarnimikkut napparsimasunik katsorsaaneq naammaginartumik ingerlanneqassappat isumaginninnerup iluani tarnimikkut nappaatilinnut napparsimmavimmi unin-ngatitaanngitsunut neqeroorutinik amerlanerusunik pitsaanerusunillu pilersitsisoqarneratigut tarnimikkut napparsimasunik katsorsaanerup piareersaavigineqarnissaa nassuiaammi tunngavissat ilaattut tikkuarneqarpoq. Isumaginninnikkut neqeroorutit imminni tarnikkut nappaammut katsorsaataanngillat, kisiannili katsorsarneqarnissamik neqeroorutit kissaatigineqartutut sunniuteqarnissaannut amerlasuutigut pingaaruteqarluinnartumik tunngaviusartussaallutillu nappaatip inooqatigiinnikkut kingunerisaasa ilaannut oqilisaassisuusinnaapput. Tarnimikkut napparsimasunik katsorsaanermi suliniutit annertunerulersinneqarnerat, taamalu tarnimikkut napparsimasut maaneereersut atugaannik oqilisaassinerit tarnimikkut napparsimasunut katsorsaasarfittut immikkoortortaqarfiusunut unitsitsisarnernik unitsitseqqittarnernillu pinaveersaartitsivioqataasinnaapput.
Qulaani taaneqartut tunngavigalugit tarnimikkut napparsimasunik katsorsaanerup Kalaallit Nunaannut nuunneqarnissaa Naalakkersuisut kaammattuutigisinnaanngilaat, tassami sulisunik naammattunik pissarsisinnaanitsinnut arlaatigulluunniit qularnaveeqqutissaqannginnatta. Tarnimikkut napparsimasunik katsorsaaneq Dronning Ingridip Napparsimmavissuani tamakkiisumik piorsarneqarsimasoq sulisunik 120-nik pisariaqartitsiviusussaavoq, tamannalu sulisoqarneq eqqarsaatigalugu massakkut sulisooreersut 80-inik amerlineqarnerannik nassataqartussaavoq. Atorfiit pisariaqartinneqartut inuttalerneqarsinnaanerat qulakkeereernagu tarnimikkut napparsimasunik katsorsaanermik nuussineq pissutsit ajunngikkaluarpataluunniit naleqqutinngitsutut paasinarsisinnaavoq, ajornerpaagunilu akisussaassuseqanngitsumik iliornerussalluni, tassani napparsimasut arlalissuit katsorsarneqarnissamik paaqqutarineqarnissamillu annertoorujussuarmik pisariaqartitsisut matumani pineqarmata.
Qaammatit arlalialunnguaannaalluunniit siumut isigaluni sulisussarsiniarnermi pissutsit qanoq innissaasa eqqoriarneqarsinnaannginnerat ajornartorsiutaavoq. Ukiuni aggersuni qaninnerpaani pissutsit malunnaatilinnik allanngornissaat ilimagissallugu piviusorsiornerunngilaq. Nassuiaammi taaneqartut tusarniaavigineqartullu sulisussarsiniarneq pillugu ernummatigisaat Naalakkersuisut isumaqatigaat.
Tassani aamma ilaavoq taamatut nuussinerup annertoorujussuarmik aningaasartuuteqarnerulerneq inuiatigiinnut kalaallinut nassatarisussaammagu, tamatumunngalu atatillugu erseqqissassallugu pisariaqarpoq taamatut annertoorujussuarmik aningaasaliinerup aningaasaliissutit amerlassusiat isigalugu inuit ikittuinnaat sunniuteqarfigisussaammagit. Tarnimikkut napparsimasunik katsorsaanerup nuunneqarnissaanik isummernermi aningaasartuutaanerusussat pingaarnerutillugit isiginiarneqassanngillat, tassami aningaasatigut pingaarnersiuilluni tulleriiaarineq soorunami pineqarmat. Sulisussarsiniarnermi ajornartorsiut ajornartorsiutit oqimaannersaattut Naalakkersuisut isigaat. Taamaattorli ikittuinnarnut pisussaaffeqarata aammali kalaallini inuiaqatigiinni ullumikkut katsorsarneqarnissamik pisariaqartitsisorpassuarnut pisussaaffeqarnerput imaaliallaannarluta saneqqussinnaanngilarput.
Allatut oqaatigalugu imaappoq tarnimikkut napparsimasunik Vordingborgimi Amtshospitalimi katsorsaanerup nunatsinnut nuunneqarnissaa nassuiaammi piffissaliunneqartunut sanilliullugu ukiunik pingasunit-tallimanut, pingaartumillu sulisunik naammattunik pissarsinissatta annertunerusumik qulakkeerneqarsinnaalernissaata tungaanut kinguartinneqarnissaa Naalakkersuisut nassuiaat tunngavigalugu inassutigissavaat. Taamaalilluni tarnimikkut napparsimasunik katsorsaanerup Kalaallit Nunaannut nuunneqarnissaa katsorsarneqarnissamik neqeroorutit ajornerulinnginnissaat qulakkeerneqareerpat aatsaat pisariaqarpoq, tassa napparsimasut ullumikkut katsorsarneqarnermik pitsaaqataanik katsorsarneqarnissaminnut qulakkeerunneqareerpata.
Tarnimikkulli napparsimasunik katsorsaanerup Danmarkimit Kalaallit Nunaannut nuunneqarnissaanik anguniagaqarnitta pingaarnerusutigut aalajangiusimanissaa pingaartuuvoq, tassami katsorsaanikkut isigalugu tarnimikkut napparsimasut nalinginnaasumik avatangiisiminnit taama ungasitsigisumiillutik katsorsarneqartarnerat naleqqutinngitsutut isigineqartariaqarmat. Taamatuttaaq kalaallit tarnimikkut napparsimasut Danmarkimi katsorsarneqartarnerat tusagassiorfitsigut oqaluuserineqangaatsiartarsimavoq, tassami kalaallinik tarnimikkut napparsimasunik Danmarkiliartitsisarneq nunat tamat akornanni inuit pisinnaatitaaffii tunngavigalugit isiginiarneqartarsimammat. Kisianni tamatumunnga atatillugu katsorsaanerup immikkut ilinniagaqarsimanermik sulisunillu pisariaqartitsivioqisup katsorsaanermik pisariaqartut naapertorlugit pitsaassusilimmik qulakkeereqqaarani nuussineq pissutsinik ajornerulersitseqataaginnartussaasoq erseqqissarneqartariaqarpoq.
Naalakkersuisulli sinnerlugit inassutigissavara inatsisilerineq, ilinniartitaaneq najukkamilu tarnikkut napparsimasulerineq eqqarsaatigalugit kaammattuutit akuersaarneqarlutillu sapinngisamik piaarnerpaamik aallartisarneqassasut, taakkumi siunissaq ungasinnerusoq eqqarsaatigalugu Vordingborgimi Amtshospitalimi tarnimikkut napparsimasunik katsorsaanerup nunatsinnut nuunneqarsinnaanissaanut pisariaqartinneqartumik tunngavissaasutut isigineqarmata. Taamaalilluni nassuiaammik suliaqarnermi innuttaaqativut arlallit sanngiitsorujussuit, ilarpassuilu maani nunatsinneereersut, immikkut annertuumik isiginiarneqarsimapput. Taamaattumik Peqqinnissa-qarfiup iluinnaani tassunga piareersaateqarnermut annertusisamut, inuiaqatigiit kalaallit ukiumut 6,5 mio. kr.-it missaannik aningaasartuuteqalernerunerannik kinguneqassaaq.
Nassuiaammi tusarniaanermullu akissutit ilarpassuini takuneqarsinnaasutut tarnimikkut napparsimasut maani nunatsinneereersut katsorsarneqarnikkut isumaginninnikkullu kiffartuunneqarnikkut pitsanngorsaavigineqarnissamik pisariaqartitsipput. Kisianni tarnimikkut napparsimasunik isumaginninnikkut kiffartuussinikkut suliniutit tarnimikkut napparsimasunik katsorsaanerup nuunneqarnissaa pillugu suliassiissutini ilaanngillat. Taamaalilluni tarnimikkut napparsimasut isumaginninnikkut kiffartuunneqarnerannik piareersaanerup aningaasatigut kingunerisassai nassuiaammi matumani isummerfigineqarsimanngillat.
Taamaattumik tamanna tunngavigalugu Naalakkersuisut inassutiginiarpaat Kalaallit Nunaanni tarnimikkut napparsimasunik katsorsaaneq ataatsimoortumik pilersaarusiuunneqassasoq, tassa-ni isumaginninnikkut aamma pisussaaffilersuisoqassalluni, tassami tarnimikkut napparsimasunut suliniuteqarneq suliassaqarfiummat peqqinnissaqarfiup kisimiilluni ingerlassinnaanngisaa. Ataat-simoortumik aaqqiissuteqarnerup nunat tamat akornanni inuit pisinnaatitaaffiinik, innerunngitsumik nunanit allanit, unioqqutitsisutut uparuartorneqarnerput aamma pakkersimaassavaa, tas-sami taamatut isornartorsiuineq amerlasoorpassuartigut tassaasimammat napparsimasunik katsorsarneqareersunik angerlartitsinissamut Kalaallit Nunaata piumassuseqannginneranik uparuartuineq.
Nassuiaat tusarniaanermullu akissutit takkussimasut tunngavigalugit makku Inatsisartunit akuerineqarnissaat Naalakkersuisut inassutigaat:
Tarnimikkut napparsimasunik katsorsaanerup Kalaallit Nunaannut nuunneqarnissaanik aalajangernissaq nassuiaammi piffissaliunneqartunut sanilliullugu ukiunik pingasunit-tallimanut, pingaartumillu sulisunik naammattunik pissarsinissap annertunerusumik qulakkeerneqarsinnaalernissaata tungaanut, kinguartinneqassasoq.
Suliassaqarfimmi tassani inatsisit Kalaallit Nunaanni pissutsit pisariaqartitaat tunngavigalugit tarnimikkut napparsimasunik katsorsaaneq pillugu danskit inatsisaata 1989-imeersup Kunngip peqqussutaatigut Kalaallit Nunaannut atortuulersinneqarneratigut allanngortinneqassasut, danskit inatsisiminnik allanngortiterinerat naammassippat.
Ilinniartitaaneq eqqarsaatigalugu nassuiaammi kaammattuutigineqartut akuerineqassasut.
Najukkami tarnikkut napparsimasulerinermi suliniutitigut piareersarnissaq pillugu nassuiaammi kaammattuutit akuerineqassasut.
Kalaallit Nunaanni tarnimikkut napparsimasunik katsorsaanerup tamarmiusup pilersaarusiorneqarnera sapinngisamik piaarnerpaamik aallartinneqassasoq, ullumikkut Kalaallit Nunaanni tarnimikkut napparsimasut atugaannik pitsanngoriartitsisumik, oqartussallu susassaqartut tamarmik peqataatinneqassasut, matumani isumaginninnermut oqartussat Pinerluuteqarsimasunillu Isumaginnittoqarfik minnerunngitsumik ilanngullugit eqqarsaatigalugit.
Taamatut oqaaseqarlunga tarnimikkut napparsimasunik katsorsaanerup Kalaallit Nunaannut nuunneqarnissa pillugu nassuiaat annertooq Naalakkersuisut sinnerlugit Inatsisartuni oqaluuserisassanngortippara.
1996-imi ukiakkut ataatsimiinermi tarnimikkut napparsimasunik katsorsaanerup Kalaallit Nunaannut nuunneqarnissaa pillugu siunertaqarnermik saqqummiussineq Inatsisartut akueraat. Tamatuma kingorna nassuiaasiorluni suliaq annertooq aallartinneqarpoq, Inatsisartut 1998-imi upernaakkut ataatsimiinneranni saqqummiussisoqarnissaa siunertaralugu. Suliaq massakkut naammassineqarpoq, inerneralu nassuiaatitut matumatut ilusilerlugu saqqummiunneqarluni. Oqartussat suleqatigisallu assigiinngitsorpassuit nassuiaatip suliarineqarnerani peqataasimap-put, taamatuttaarlu nassuiaat illuatungerisanut susassaqartunut tusarniaatigineqarsimalluni.
Periarfissaq manna atorlugu nassuiaatip kusanaqisup suliarilluagaasullu suliarineqarnerani peqataasimasorpassuit Naalakkersuisut matumuuna assorsuaq qutsavigissavaat.
Inatsisartut 1996-imi ukiakkut ataatsimiinneranni aalajanginermi oqartoqarpoq "tarnimikkut napparsimasunik katsorsaanerup Kalaallit Nunaannut nuunneqarnera suliatigut inuttullu illersorneqarsinnaasumik pisariaqarmat suliniutit nuussinissamut tunngaviusut tamarmik ataqatigiissaarneqarnissaat pisariaqartoq. Taamaattumik suleqatigiissitaliamik ataqatigiis-saarisussamik pilersitsisoqartariaqarpoq, suliassap tamatuma naammassineqarnissaanut siun-nersuusiorsinnaasumik, kiisalu Kalaallit Nunaannut nuussinerup aningaasatigut kingunerisassaanik naatsorsuisinnaasumik".
Nassuiaat tamanna tunngavigalugu suliarineqarpoq. Tassani Kalaallit Nunaannut nuussinerup sanaartornikkut ingerlatsinikkullu, ilinniartitaanikkut, najukkami tarnikkut napparsimasulerinermi inatsisilerinikkullu tunngaviusut nassuiarneqarput, kiisalu tarnimikkut napparsimasunik nunami maaneereersunik katsorsaanerup pitsanngorsarneqarnissaanut siunnersuusiortoqarluni, matumani peqqinnissaqarfimmut aningaasatigut kingunerisassaanik naatsorsuineq ilanngullugu eqqarsaatigalugu.
Aallaqqaasiullugu Naalakkersuisut Inatsisartunut malugeqqussavaat nassuiaammi "nuussineq" pineqartoq taamaallaat tassaammat tarnimikkut napparsimasunik Vordingborgimi Amtshospitalimi katsorsaanerup Kalaallit Nunaannut nuunneqarnera. Taamaalilluni erseqqissarneqassaaq tarnimikkut napparsimasut immikkut ulorianaateqartut ikittuinnannguit Nykĝbing Sjĉllandimi Amtshospitalimi immikkoortortamut isumannaallisakkamut inissinneqarsimasut inersimasunik tarnimikkut napparsimasunik katsorsaanerup Kalaallit Nunaannut nuunneqarnissaa pillugu suliassiissutigineqartumi matumani ilaatinneqanngimmmata.
Suliassiissutigineqartuni gerontopsykiatri (utoqqaat utoqqanngoreerlutik tarnimikkut napparsimalersimasut, puigututsinnermik napparsimasut imaluunniit utoqqaat tarnimikkut napparsimallutillu allamik nappaateqartut) kiisalu meeqqaanik inuusuttunillu tarnimikkut napparsimasunik katsorsaaneq aamma ilaatinneqanngillat.
Tarnimikkut napparsimasut ullumikkut Danmarkiliartittakkavut tassaapput ullumikkut Kalaallit Nunaanni napparsimmavinni katsorsarneqarsinnaanngitsut.
Nuussinermik suliaqarnermi ilaatigut napparsimasut tarnimikkut napparsimasunut immikkortortani matoqqasuni katsorsarneqarnissamik pisariaqartitsisut, ilaatigullu napparsimasut qqartuus-siviup aalajangiineratigut tarnimikkut napparssimasunut immikkortortami matoqqasumi katsorsarneqartussanngorlugit inissinneqartut pineqarput. Napparsimasut taakku manna tikillugu Danmarkimut allartinneqartarsimapput, Kalaallit Nunaanni tarnimikkut napparsimasunut immikkoortortami matoqqasumi unitsitsinissamut periarfissaqanngimmat.
Tarnimikkut napparsimasunik Kalaallit Nunaanni katsorsaanermi pingaarnertut anguniagaq tassaasariaqarpoq katsorsaanikkut suliniutitut neqeroorutigineqartut nappaatip ilisarnaataanik katsorsaanerup saniatigut napparsimasut ataasiakkaat inuunerisa annerusumik pitsassuseqalernissaannik siunertaqarneq, tassanilu inuttut annertunerusumik inniminassuseqarneq nammineq inuunermut annertunerusumik paasisimasaqarnermik akisussaaffeqarnermillu kinguneqartoq ilaatinneqassapput.
Tarnimikkut napparsimasunik katsorsaanerup Kalaallit Nunaannut nuunneqarnissaani tunngaviulluinnartoq tassaavoq illutigut pisariaqartinneqartut pigineqarnissaat.
Nassuiaammi sanaartukkatigut periarfissat marluk saqqummiunneqarsimapput:
Periarfissami 1-imi allaaserineqarpoq immikkoortortanik marlunnik 15-inut inissalinnik pilersitsisoqassasoq, massakkullu tarnimikkut napparsimasunut immikkoortaqarfik ilutsini allanngortinnagu atorneqassalluni. Periarfissami 1-imi sanaartugassanut ani-ngaasartuutit 106 mio. kr.-iutinneqarput, sulisunut inissiat 50-it nutaat ilanngullugit.
Periarfissami 2-mi allaaserineqarpoq tarnimikkut napparsimasunut napparsimmavik ataatsimoortoq napparsimasunut katillugit 45-nut inissalik pilersinneqassasoq. Periarfissami 2-mi sanaartukkanut aningaasartuutit 143 mio. kr.-iupput, sulisunut inissiat 50-it nutaat ilanngullugit.
Aammattaaq nassuiaammi oqaatigineqarpoq tarnimikkut napparsimasunik katsorsaanerup tamarmi Kalaallit Nunaannut nuunneqarnerani ukiumoortumik aningaasaliissutinik pisariaqartitsinermi aaqqiissutit arlaata sorliup toqqarneqarnera apeqquttaanngitsoq. Taamaalillutik ingerlatsinermut aningaasartuutaanerulersussat ullumikkumut sanilliullutik 11,4 mio. kr.-iusussaapput.
Kisianni periarfissaq 1 naleqquttutut isigineqanngilaq, tassami Dronning Ingridip Napparsimmavissuani tarnimikkut napparsimasunut immikkoortortaqarfiup ammasup allanngortinnagu atorneqarnera katsorsaavinnik naleqqutinngitsumik avissaartitsinermik kinguneqartussaammat. Taamaattumik tarnimikkut napparsimasunik katsorsaanerup nuunneqarnera Dronning Ingridip Napparsimmavissuanut atasunik tarnimikkut napparsimasunik ataatsimoortumik katsorsaaviliornikkut ingerlanneqassasoq kaammattutigineqarpoq.
Aamma nassuiaammi oqaatigineqarpoq tarnimikkut napparsimasunik katsorsaaneq massakkut inatsit atuuttoq 1938-imeersoq tunngavigalugit nuunniartariaqanngitsoq. Inatsisilerinikkut isigalugu inatsit taanna tunngavigalugu nuussineq akornutissaqanngikkaluarpoq, kisianni inatsit taanna ullutsinnut naleqquttuunngimmat Kalaallillu Nunaanni pisariaqartitarpianut naapertuuttuunngimmat piaarnerpaamik nuussinissamillu aalajangernissaq utaqqeqqaarnagu allanngortinneqartariaqarpoq. Suliassaqarfimmi tassani inatsisiliorsinnaatitaanerup Kalaallit Nunaannut nuunneqarnissaa kissaatigineqarnersoq, imaluunniit danskit tarnimikkut napparsimasut pillugit inatsisaata 1989-imeersup massakkut allanngortiterneqartup, nunatsinni immikkut pissutsit pisariaqartitaannik allanngortillugu, Kunngip peqqussutaatigut atortuulersinneqarnissaa utaqqineqassanersoq nassuiaammi isummerfigineqarsimanngilaq. Kisianni Kunngip peqqussutaatigut atortuulersitsinissaq siunertaralugu danskit inatsisinik massakkut allanngortiterinerat utaqqimaarneqassasoq Naalakkersuisut sinnerlugit inassuteqaatigissavara.
Tarnimikkut napparsimasunik katsorsaanerup Kalaallit Nunaannut nuunneqarnissaani tunnga-vik pisariaqartoq tassaavoq ilinniartitaanikkut ingerlatat arlallit aallartinneqarnissaat. Tarni-mikkut napparsimasunik katsorsaanerup Danmarkimit Kalaallit Nunaannut nuunneqarnissaa sioqqullugu ilinniartitaanikkut annertunerusumik suliniuteqalernissaq pisariaqarpoq. Suliassaq taanna ukiup ataatsip marlulluunniit ingerlanerinnaanni naammassineqarsinnaanngilaq, ukiunilu amerlanerusuni ilinniartitaanikkut, pikkorissartitsinertigut ilinniaqqitsitsinertigullu siunertaqar-luartumik ingerlatsineq pisariaqartinneqarluni, tassami tarnimikkut napparsimasunik katsorsaa-nermut tunngasutigut ilinniartitaanikkut annertoorujussuarmik kinguaattoorsimagatta. Suliniutit tamakku siunissaq ungasinnerusoq eqqarsaatigalugu sulisunik avataanit tikisinneqartartunik pisariaqartitsinermik annikinnerpaaffissaaniititsilersinnaassussaassapput.
Tarnimikkut napparsimasunik katsorsaanermi ilinniartitaanikkut annertoorujussuarmik kinguaattoorsimaneq pineqarmat nassuiaatip suliarineqarneranut atatillugu 1998-ip ingerlanerani kommunini tapersersuisutut sulisut ilinniagaqarsimanngitsut 80-it qaammatini pingasuni pikkorissartinneqarnissaat suliniutigineqalereersimavoq.
Tarnimikkut napparsimasunik katsorsaanerup Kalaallit Nunaannut nuunneqarnissaani tunnga-vik pisariaqarluinnartoq tassaavoq atorfinnik pilersinneqartunik uagut nammineq inuttaliisin-naanissarput. Ataatsimut isigalugu peqqinnissaqarfimmi sulisunik massakkut pissarsiniarneq ajornartorsiuterujussuuvoq, tamannalu tarnimikkut napparsimasunik katsorsaanermik sulias-saqarfimmut aamma atuuppoq.
Nassuiaammi inerniliunneqarpoq tarnimikkut napparsimasunik peqqissaanermi / paaqquttarinnermi, isumaginninnermi katsorsaanermilu suliassat suliarineqarnissaanni sulisunik Danmarki-meersunik/Skandinaviameersunik tikisitsisarnissaq Kalaallit Nunaata siunissami suli ukiorpassuarni pinngitsoorsinnaassanngikkaa. Tarnimikkut nappaatilinnik katsorsaanermik Kalaallit Nunaannut nuussinermut atatillugu tarnimikkut napparsimasunik katsorsaanermi sulisunik pisariaqartitsineq pinngitsuuisinnaannginnerlu annertusiartupiloortussaapput.
Tarnimikkut napparsimasunik katsorsaanerup nuunneqarnissaanut tunngaviusut sisamaat tas-saavoq suliassaqarfiup taassuma iluani kiffartuussinerup piareersarneqarnissaa, tassa tarnimikkut napparsimasut napparsimmavimmut unitsinneqanngitsut najukkani ataasiakkaani katsorsarneqarnerat paaqqutarineqarnerallu eqqarsaatigalugit. Nassuiaammi Kalaallit Nunaanni tarnimikkut sakkortuumik nappaatillit 500-t missaanniittutut naatsorsorneqarsimapput innuttaaqataasut sanngiitsut, katsorsarneqarnissamik pisariaqartitaminnik ajoraluartumik neqeroorfigineqarajunngitsut. Taamaalilluni tarnimikkut sakkortuumik nappaatilippassuit nunami maaneereersut katsorsarneqarnerisa isumagineqarnerisalu pitsanngorsaavigineqarnissaannik pisariaqartitsineq annertoorujussuaq nasssuiaatip qulaajarsimavaa.
Nassuiaatip kaammattuutitaani tarnimikkut napparsimasut napparsimmavimmut unitsinneqaratik katsorsarneqarnermikkut massakkut najukkani ataasiakkaani ingerlanneqareersukkut nukittorsaavigineqarnissaat saqqummiunneqarpoq, najukkanilu ataasiakkaani tamakkunani piareersaasoqarnissaa pisariaqartutut isigineqarpoq, tamatumunnga peqatigitillugu nukinnik najukkani ataasiakkaani pigineqareersunik tamakkiinerpaamik atuisoqarnissaa qulakkeerneqartariaqarluni.
Najukkani ataasiakkaani tarnimikkut napparsimasunik katsorsaaneq naammaginartumik ingerlanneqassappat isumaginninnerup iluani tarnimikkut nappaatilinnut napparsimmavimmi unin-ngatitaanngitsunut neqeroorutinik amerlanerusunik pitsaanerusunillu pilersitsisoqarneratigut tarnimikkut napparsimasunik katsorsaanerup piareersaavigineqarnissaa nassuiaammi tunngavissat ilaattut tikkuarneqarpoq. Isumaginninnikkut neqeroorutit imminni tarnikkut nappaammut katsorsaataanngillat, kisiannili katsorsarneqarnissamik neqeroorutit kissaatigineqartutut sunniuteqarnissaannut amerlasuutigut pingaaruteqarluinnartumik tunngaviusartussaallutillu nappaatip inooqatigiinnikkut kingunerisaasa ilaannut oqilisaassisuusinnaapput. Tarnimikkut napparsimasunik katsorsaanermi suliniutit annertunerulersinneqarnerat, taamalu tarnimikkut napparsimasut maaneereersut atugaannik oqilisaassinerit tarnimikkut napparsimasunut katsorsaasarfittut immikkoortortaqarfiusunut unitsitsisarnernik unitsitseqqittarnernillu pinaveersaartitsivioqataasinnaapput.
Qulaani taaneqartut tunngavigalugit tarnimikkut napparsimasunik katsorsaanerup Kalaallit Nunaannut nuunneqarnissaa Naalakkersuisut kaammattuutigisinnaanngilaat, tassami sulisunik naammattunik pissarsisinnaanitsinnut arlaatigulluunniit qularnaveeqqutissaqannginnatta. Tarnimikkut napparsimasunik katsorsaaneq Dronning Ingridip Napparsimmavissuani tamakkiisumik piorsarneqarsimasoq sulisunik 120-nik pisariaqartitsiviusussaavoq, tamannalu sulisoqarneq eqqarsaatigalugu massakkut sulisooreersut 80-inik amerlineqarnerannik nassataqartussaavoq. Atorfiit pisariaqartinneqartut inuttalerneqarsinnaanerat qulakkeereernagu tarnimikkut napparsimasunik katsorsaanermik nuussineq pissutsit ajunngikkaluarpataluunniit naleqqutinngitsutut paasinarsisinnaavoq, ajornerpaagunilu akisussaassuseqanngitsumik iliornerussalluni, tassani napparsimasut arlalissuit katsorsarneqarnissamik paaqqutarineqarnissamillu annertoorujussuarmik pisariaqartitsisut matumani pineqarmata.
qaammatit arlalialunnguaannaalluunniit siumut isigaluni sulisussarsiniarnermi pissutsit qanoq innissaasa eqqoriarneqarsinnaannginnerat ajornartorsiutaavoq. Ukiuni aggersuni qaninnerpaani pissutsit malunnaatilinnik allanngornissaat ilimagissallugu piviusorsiornerunngilaq. Nassuiaammi taaneqartut tusarniaavigineqartullu sulisussarsiniarneq pillugu ernummatigisaat Naalakkersuisut isumaqatigaat.
Tassani aamma ilaavoq taamatut nuussinerup annertoorujussuarmik aningaasartuuteqarnerulerneq inuiatigiinnut kalaallinut nassatarisussaammagu, tamatumunngalu atatillugu erseqqissassallugu pisariaqarpoq taamatut annertoorujussuarmik aningaasaliinerup aningaasaliissutit amerlassusiat isigalugu inuit ikittuinnaat sunniuteqarfigisussaammagit. Tarnimikkut napparsimasunik katsorsaanerup nuunneqarnissaanik isummernermi aningaasartuutaanerusussat pingaarnerutillugit isiginiarneqassanngillat, tassami aningaasatigut pingaarnersiuilluni tulleriiaarineq soorunami pineqarmat. Sulisussarsiniarnermi ajornartorsiut ajornartorsiutit oqimaannersaattut Naalakkersuisut isigaat. Taamaattorli ikittuinnarnut pisussaaffeqarata aammali kalaallini inuiaqatigiinni ullumikkut katsorsarneqarnissamik pisariaqartitsisorpassuarnut pisussaaffeqarnerput imaaliallaannarluta saneqqussinnaanngilarput.
Allatut oqaatigalugu imaappoq tarnimikkut napparsimasunik Vordingborgimi Amtshospitalimi katsorsaanerup nunatsinnut nuunneqarnissaa nassuiaammi piffissaliunneqartunut sanilliullugu ukiunik pingasunit-tallimanut, pingaartumillu sulisunik naammattunik pissarsinissatta annertunerusumik qulakkeerneqarsinnaalernissaata tungaanut kinguartinneqarnissaa Naalakkersuisut nassuiaat tunngavigalugu inassutigissavaat. Taamaalilluni tarnimikkut napparsimasunik katsorsaanerup Kalaallit Nunaannut nuunneqarnissaa katsorsarneqarnissamik neqeroorutit ajornerulinnginnissaat qulakkeerneqareerpat aatsaat pisariaqarpoq, tassa napparsimasut ullumikkut katsorsarneqarnermik pitsaaqataanik katsorsarneqarnissaminnut qulakkeerunneqareerpata.
Tarnimikkulli napparsimasunik katsorsaanerup Danmarkimit Kalaallit Nunaannut nuunneqarnissaanik anguniagaqarnitta pingaarnerusutigut aalajangiusimanissaa pingaartuuvoq, tassami katsorsaanikkut isigalugu tarnimikkut napparsimasut nalinginnaasumik avatangiisiminnit taama ungasitsigisumiillutik katsorsarneqartarnerat naleqqutinngitsutut isigineqartariaqarmat. Taamatuttaaq kalaallit tarnimikkut napparsimasut Danmarkimi katsorsarneqartarnerat tusagassiorfitsigut oqaluuserineqangaatsiartarsimavoq, tassami kalaallinik tarnimikkut napparsimasunik Danmarkiliartitsisarneq nunat tamat akornanni inuit pisinnaatitaaffii tunngavigalugit isiginiarneqartarsimammat. Kisianni tamatumunnga atatillugu katsorsaanerup immikkut ilinniagaqarsimanermik sulisunillu pisariaqartitsivioqisup katsorsaanermik pisariaqartut naapertorlugit pitsaassusilimmik qulakkeereqqaarani nuussineq pissutsinik ajornerulersitseqataaginnartussaasoq erseqqissarneqartariaqarpoq.
Naalakkersuisulli sinnerlugit inassutigissavara inatsisilerineq, ilinniartitaaneq najukkamilu tarnikkut napparsimasulerineq eqqarsaatigalugit kaammattuutit akuersaarneqarlutillu sapinngisamik piaarnerpaamik aallartisarneqassasut, taakkumi siunissaq ungasinnerusoq eqqarsaatigalugu Vordingborgimi Amtshospitalimi tarnimikkut napparsimasunik katsorsaanerup nunatsinnut nuunneqarsinnaanissaanut pisariaqartinneqartumik tunngavissaasutut isigineqarmata. Taamaalilluni nassuiaammik suliaqarnermi innuttaaqativut arlallit sanngiitsorujussuit, ilarpassuilu maani nunatsinneereersut, immikkut annertuumik isiginiarneqarsimapput. Taamaattumik Peqqinnissa-qarfiup iluinnaani tassunga piareersaateqarnermut annertusisamut, inuiaqatigiit kalaallit ukiumut 6,5 mio. kr.-it missaannik aningaasartuuteqalernerunerannik kinguneqassaaq.
Nassuiaammi tusarniaanermullu akissutit ilarpassuini takuneqarsinnaasutut tarnimikkut napparsimasut maani nunatsinneereersut katsorsarneqarnikkut isumaginninnikkullu kiffartuunneqarnikkut pitsanngorsaavigineqarnissamik pisariaqartitsipput. Kisianni tarnimikkut napparsimasunik isumaginninnikkut kiffartuussinikkut suliniutit tarnimikkut napparsimasunik katsorsaanerup nuunneqarnissaa pillugu suliassiissutini ilaanngillat. Taamaalilluni tarnimikkut napparsimasut isumaginninnikkut kiffartuunneqarnerannik piareersaanerup aningaasatigut kingunerisassai nassuiaammi matumani isummerfigineqarsimanngillat.
Taamaattumik tamanna tunngavigalugu Naalakkersuisut inassutiginiarpaat Kalaallit Nunaanni tarnimikkut napparsimasunik katsorsaaneq ataatsimoortumik pilersaarusiuunneqassasoq, tassani isumaginninnikkut aamma pisussaaffilersuisoqassalluni, tassami tarnimikkut napparsimasunut suliniuteqarneq suliassaqarfiummat peqqinnissaqarfiup kisimiilluni ingerlassinnaanngisaa. Ataatsimoortumik aaqqiissuteqarnerup nunat tamat akornanni inuit pisinnaatitaaffiinik, innerunngitsumik nunanit allanit, unioqqutitsisutut uparuartorneqarnerput aamma pakkersimaassavaa, tassami taamatut isornartorsiuineq amerlasoorpassuartigut tassaasimammat napparsimasunik katsorsarneqareersunik angerlartitsinissamut Kalaallit Nunaata piumassuseqannginneranik uparuartuineq.
Nassuiaat tusarniaanermullu akissutit takkussimasut tunngavigalugit makku Inatsisartunit akuerineqarnissaat Naalakkersuisut inassutigaat:
Tarnimikkut napparsimasunik katsorsaanerup Kalaallit Nunaannut nuunneqarnissaanik aalajangernissaq nassuiaammi piffissaliunneqartunut sanilliullugu ukiunik pingasunit-tallimanut, pingaartumillu sulisunik naammattunik pissarsinissap annertunerusumik qulakkeerneqarsinnaalernissaata tungaanut, kinguartinneqassasoq.
Suliassaqarfimmi tassani inatsisit Kalaallit Nunaanni pissutsit pisariaqartitaat tunngavigalugit tarnimikkut napparsimasunik katsorsaaneq pillugu danskit inatsisaata 1989-imeersup Kunngip peqqussutaatigut Kalaallit Nunaannut atortuulersinneqarneratigut allanngortinneqassasut, danskit inatsisiminnik allanngortiterinerat naammassippat.
Ilinniartitaaneq eqqarsaatigalugu nassuiaammi kaammattuutigineqartut akuerineqassasut.
Najukkami tarnikkut napparsimasulerinermi suliniutitigut piareersarnissaq pillugu nassuiaammi kaammattuutit akuerineqassasut.
Kalaallit Nunaanni tarnimikkut napparsimasunik katsorsaanerup tamarmiusup pilersaarusiorneqarnera sapinngisamik piaarnerpaamik aallartinneqassasoq, ullumikkut Kalaallit Nunaanni tarnimikkut napparsimasut atugaannik pitsanngoriartitsisumik, oqartussallu susassaqartut tamarmik peqataatinneqassasut, matumani isumaginninnermut oqartussat Pinerluuteqarsimasunillu Isumaginnittoqarfik minnerunngitsumik ilanngullugit eqqarsaatigalugit.
Taamatut
oqaaseqarlunga tarnimikkut napparsimasunik katsorsaanerup Kalaallit Nunaannut
nuunneqarnissa pillugu nassuiaat annertooq Naalakkersuisut sinnerlugit
Inatsisartuni oqaluuserisassanngortippara.
Kristine Raahauge, Siumup oqaaseqartua:
Tarnimikkut nappaatillit pillugit
sullissinerup ajunnginnerpaamik imaqarluartumillu ingerlanneqartuarnissaa
Siumup anguniartuarpaa. Aammalu katsorsassallutik maannakkut Danmarkimi
inissinneqarallarsimasut tarnikkut timikkullu atugarisaasa pitsaanerpaamik
aaqqissuusivigineqarnissaat.
Tassungalu atatillugu
pingaartilluinnarlugu tarnimikkut nappaatillit Danmarkimiittut nunatsinnut
angerlarartinneqarnerannut atatillugu isumatuumik pilersaarusiorluakkamik
aaqqissuussinissaq, soorlu makkua eqqarsaatigalugit, tarnimukkut
nappaatilinnut najugassat, suliffissat
minnerunngitsumillu nappaatilinnik sullissisussat atugarisassaat massakkullu
sullissisut atugarisaat eqqarsaatigalugit.
Aammalu qulakkeertariaqartoq oqartussaasut
kalluarneqartut tamarmik ilisimassagaat napparsimasunut tunngatillugu
akisussaaneq oqartussaanerlu qanoq inissisimanersut napparsimasup inuttut
isumagisinnaasariaqarnera aammalu nakorsat aqqutigalugit
katsorsarsinnaasariaqarnera eqqarsaatigalugittaaq.
Naalakkersuisullu ullumikkut
saqqummiussaat tarnimikkut napparsimasunik katsorsaanerup Kalaallit Nunaannut
nuunneqarnisaa pillugu nassuiaat assut suliarilluagaasoq pingaarteqalugu
sammisimavarput, nuannaarutigalugu 1996-imi ukiakkut Inatsisartut
ataatsimiinneranni oqaaseqarnitsinni kisssaatigisatsitut piffissaq eqqorlugu
saqqummiunneqarmat.
Siumumiillu imatut
oqaaseqaateqarfiginiarlugu:
Tarnimikkut napparsimasunik Vordingborgimi
Amtshospitalimi katsorsaasarnerup nunatsinnut nuunneqarnissaa pillugu
tusarniaareernerup kingorna Naalakkersuisut inassuteqaataat Siumup
paasilluarmagit. Tassami Siumup pingaartitatut eqqaareernikuuvaa, tarnimikkut napparsimasunik
katsorsaanerup Nunatsinnut nuunneqarnissaa katsorsarneqarnissamik neqeroorutit
ajornerulinnginnissaat qulakkeerneqareerpat aatsaat pisariaqartoq.
Tassami nalunnginnatsigu, tarnimikkut
napparsimasut ullumikkut Danmarkiliartittakkavut tassaammata ullumikkut Nunatsinni, Kalaallit Nunaanni,
napparsimmavinni katsorsarneqarsinnaanngitsut kisimik pineqartut. Taamaattumik
Siumup Naalakkersuisut isumaqatigai tarnimikkut napparsimasunik Vordingborgimi
Amtshospitalimi katsorsaasarnerup nunatsinnut nuunneqarnissaa aatsaat
pissasoq, sulisunik naammattunik pissarsinissaq annertunerusumik qulakkeerneqarsinnaalereerpat.
Ullumikkullu peqqinnissaqarfiup immikkut
ittunik katsorsaanernik peqqissaanernillu ilinniarsimasunik sulisussaqarniarneranik
ajornartorsiutit, Kalaallit Nunaanni kisimi ajornartorsiutaanngitsut,
tunngavigissagaani naatsorsuutigisariaqarparput suli ukiut tallimat angullugit
ajornartorsiut aaqqikkallarsinnaanagu. Siumup taamaattumik taperserluinnarpaa
sulisunik massakkut sulisooreersunik sulisussanillu ilinniartitsinerup
pimoorussamik ingerlanneqalernissaa, nassuiaammi kaammattuutigineqartut
tunngavigalugit.
Siumup pingaartillugu eqqaarusuppaa, tarnimikkut nappaatilinnik pitsaanerpaamik
isumaginninniarluni, isumassuiniarluni, katsorsaaniarlunilu piumasaqaatit
naammassiniarlugit peqqinnissaqarfimmi, isumaginninnittoqarfimmi
pinerluuteqarsimasunik isumaginnittoqarfimmilu sullissisut ilinniartitaanikkut
ataqatigiissaarluakkamik aaqqissuussivigineqarnissaat tapersersortit, tarnimikkut
nappaatilinnut najugaqatigiiffinniittunut/inissiani illersugaasuniittunut
ikiortit, ilanngullugittaaq.
Siumumiillu nuannaarutigaarput 1998-ip
ingerlanerani Kommuunini tapersersortit 80-it suliamik ilinniagaqarsimanngitsut
tarnimikkut nappaatilinnik sullissisartut nunap immikkoortuini piginnaaneqarnerulerfissamik
pikkorissartitsinermi qaammatinik pingasunik sivisussuseqartuni
peqataanermikkut piginnaaneqarnerulernissaannut periarfisiissoqalermat.
Tarnimikkut nappaatilinnik katsorsaanerup
Nunatsinnut nuunneqarnerani sumi katsorsaasarnerup napparsimmavittassaata
inissinneqarnissaa pillugu Siumumit isumaqarpugut tamanna Nunatsinni
peqqinnissaqarfik pillugu aammalu sulisunik atorluaanissaq pillugu oqallinnermi
ilaatittariaqartoq.
Najukkami tarnikkut napparsimasulerinermi
suliniutitigut piareersarnissaq pillugu nassuiaammi kaammattuutit Siumup
taperserpai. Najukkami tarnikkut napparsimasulerinermi siunertanut ukununnga
suliniutaammata:
-tarnikkut nappaatillit katsorsassallugit,
peqqissassallugit tapersersussallugillu
-tarnikkut nappaatillit ataasiakkaat
pisariaqartitaat malillugit katsorsaanissat minnerpaamik annertussusillit
sunniuteqarluartullu aallartinnissaat
-tarnikkut katsorsarneqarnissamut oqinnerpaamik
periarfissinneqarnissaq qulakkiissallugu
-inunnut ataasiakkaamut suliniutissat
ataqatigiississallugit ingerlanneqartuarnissaallu pilersissallugu
-nukissat pigineqartut sapinngissamik
pitsaanerpaamik iluaqutiginiassallugit
-aqutsisoqarfiit assigiinngitsut
akimorlugit aammalu tamatumunnga naleqquttumik suliaqaqatigiikkuutaat
akornanni suleqatigiinneq annerpaatittuassallugu.
Siumup pingaartittorujussuuaa siunertat
piviusumik ingerlanneqarnissaat kaammattuutitigullu piviusunngortinniarlugit
suliniarneq illoqarfikkuutaani assigiingitsunik suliallit suleqatigalugit
nuannaarutigilluinnarlugu.
Siumup massakkut sullissinerup
pitsanngorsarnissaanut aqqutissat ammareersut atorluarneqarnissaat
kissaatigaa.
Taammaattumik sumiiffinni tarnikkut
napparsimasulerinermi suliassanik suleqatigiinnit tarnikkut nappaatilinnut
immikkoortortaqarfimmit ulluinnarni siunnersorneqarsinnaaneq ilitsersorneqarsinnaanerlu
pillugit oqarasuaatikkut saaffiginnittarfiit aammalu katsorsaasarnermi nassuiaasarnermilu
isiginnaarutit (Telepsykiatri) aqqutigalugit tarnikkut katsorsaasarnerup
piaartumik aallartinneqarnissaa tikkuarusullugu.
Nalunaarummi oqaatigineqarpoq
sinerissamiit nakorsanik immikkut tarnikkut nappaatinik ilisimasalinnik
angalatitsisarneq ukiuni arlaqalersuni sulisussaaleqineq pissutigalugu
ingerlanneqartarsimanngitsoq nangeqqittariaqartoq. Siumut isumaqarpoq aamma pisariaqartoq tarnimikkut nappaatillit nunatsinnut
utertinneqarnissaat utaqqinngikkaluarlugu tamanna pisinnaappat suli
pitsaanerussagaluartoq.
Najugaqarfinni ataasiakkaani
napparsimasunik, ilaqutaasunik, angajoqqaanik sullissisunillu siunnersuineq,
sullissineq aamma immikkut ilisimasalinnik tikisitsisarnikkut
nukittorsarneqarsinnaavoq,
suliniaqatigiinnut tamanut tapersersoqatigiinniarnermut iluaqutaasussaq.
Namminneq kajumissutsiminnik
peqatigiiffiit suliniaqatigiiffiilluunniit soorlu Sugisaq, Kisimiinngilatit
ilaalu ilanngullugit tarnimikkut artorsaatilinnik suliniarnerat aammalu
soorunami palasit ajoqit allanillu suliarineqartut
ikorfartoqatigiiffigisariaqarpavut.
Nunatsinni akornatsinni tarnimikkut
qasusoortut anersaakkut annikilliortut
nalaataqarnerlunnerup kingunerissaanik saaffissaaleqisut
minnerpaatigulluunniit ikiuunniarfigissallugit peqataanitsigut.
Siumumiillu nammineq kajumissutsimik
suliniuteqartut tamaasa nuannaarutigalugit qujaffigerusuppavut
suliniartuarnerisalu nukittorsartuarnissaat tapersersortuarumallugit.
Qulaani taakkartukkavut tunngavigalugit
Nunatsinni tarnimikkut napparsimasunik katsorsaasarnerup tamarmiusup
pilersaarusiorneqarnera sapinngisamik piaarnerpaamik aallartinneqarnissaa
pillugu Naalakkersuisut inassuteqaataat akuersaarpavut.
Massakkullu Vordingborgimi Amtshospitalimi
katsorsartereerlutik peqqissisimasut Nunatsinnullu, nunaminnut angerlarnissaminnut
piareersut ullumikkut Danmarkimi najugaqalersimasut Nunatsinni
inissaqannginnertik suliffisaqannginnertillu pissutigalugit
ikiorniarneqarnerisa aaqqiiviginiarneqarnissaat ilanngullugit.
Aammalu tarnimikkut napparsimasutut
pineqaatissinneqarsimasut katsorsartereersimallutik pineqaatissinneqarunnaartut
nunavimminnullu uternissamik kissaateqanngitsut siunissami illoqarfinnut sumiiffinnut ataatsimut
katersuutiinnannginnissaat anguniarlugu
pilersaarusiorluarneqarnissaa
Siumumiit isumaliutissiissutigalugu inassutiginiarparput.
Tarnimikkut nappaatillit atugaannik
pitsanngoriartitsissagutta pisariaqarluinnarpoq oqartussat susassaqartullu
tamarmik peqataatigiillutik tatigeqatigiilluinnarlutillu suleqatigiinnissaat.
Tarnikkut katsorsaasarnermi inatsisip
1989-imeersup allanngortinneqarnissaa pillugu Siumup Naalakkersuisut
isumaqatigai danskit inatsisiminnik allangortiterinerat naammassereerpat,
Kalaallit Nunatsinni allanngortitsinissaq
aatsaat pissasoq.
Inatsisillu nutarnernissaanut suleqatigiissitanik
pilersitsisoqarnissaa pissusissamisoortutut Siumumit isigaarput. Inatsimmi ullumikkut atuuttoq ullutsinnut
naleqqukkunnaarsimammat. Nunatsinni pisariaqartitarpianut naapertuuttunngorlugu
pissutinullu Nunatsinni immikkut
ittunut tunngavilersorluarlugu allanngortiterneqarnissaata
suliarineqarnissaa Siumup kissaatigaa.
Taamak oqaaseqarluta nassuiaat imartoqisoq
tusaatissatut tiguvarput.
Naggataagut nassuiaammik suleqataasimasut
tamaassa qutsavigaavut suliamut annertuumut sulilluarsimanerannut.
Anders Nilsson, Atassutip oqaaseqartua:
Nassuiaammi quppernerit siulliit -
nassuiaatip inassutai eqqikkaaneralu - atuarakkit nuan-naajallappunga. Kiisami eqikkaanermik erseqqissumik
saqqummertoqarpoq.
1982-imili angerlarartitsinissaq
oqallisigilerparput ajornartorsiutit sunnguamik itisileriffigissanagit,
taavalu oqallinnerit aallarteqqikkaangata ukiut marlussuit qaangiunnerini
aaqqiissutissaqarumaartoq tamatigut neriorsuutigineqartarluni.
Napparsimasunik
angerlarartitsisinnaanngilagut sulisut tungaasigut ajornartorsiuterpassuit
aaqqiiviginissaat isumannaaqqaartinnagu massakut taanna erseqqissumik
oqaatigineqarpoq. Taannaagamimi akornutit annersaat angerlarartitsinissamilu
tunngavinni pingaarnersaasoq.
Nassuiaat malillugu
angerlarartitsinissaq isumalluarnarnerpaaq tunngaviussappat aatsaat aallartisarniarneqalersinnaavoq
ukiut tallimat qaangiunnerini ukioq 2003-mi inaarneqarsin-naassallunilu
siusinnerpaamik maannakkumiit ukiut arfineq pingasut qaangiunnerini tassalu ukioq 2006-imi.Tamanna tamanut
ilisimatitsissutaavoq pitsaasoq.
Tamanna Vordingborgimi
napparsimasunut nakeriallannassaqaaq. Kisianni Vordingborg-imit katsorsaanikkut
ingerlalluarfiusumit, peqqinnissaqarfitsinni sulisussaaleqiffioqisumut, sulissunut
taarterpassuaqarfiusunut, sulisunik paarlakaaffioqisunut,
naammaginanngitsumillu suliassarpassuaqartunut, napparsimasut angerlartinnissaat
illersoriarfissaqartinngikkallarparput.
Ajunngitsortaali aana,
napparsimasunut atugassarititaasut pitsanngorsaavigineqarsinnaan-nginnerinut
patsisitut Vordingborg Amtimit utoqqatsissutaajuarlutik nalornisitsiuartut tassuuna peerneqarput.
Tassami napparsimasut suli qanoq sivisutigisumik Vording-borgimi katsorsarneqartarnissaat
ilisimaneqanngimmat, Nunatsinnimi
oqaluttaratta imaaliallaannaq angerlarartitsisoqalersinnaasoq.
Massakkut ukiut tallimat
piffissarilerpavut. Maannalu eqqissilluta pitsanngoriaatissat pisaria-qaqisut
siornaak angusavut suliniutinik nutaanik malitseqartissinnaalerpavut
napparsimasunut ullunik atoruminarnerusunik angusinissatsinnut.
Kisianni napparsimasut atugaasa
pitsanngorsarnissaat pillugit Vordingborgimi napparsimmavimmi qullersanuinnaq
piumasaqaateqassanngilagut. Uaguttaarli nammineq malittarisassaativut periarfissaqartitsiffigullu
misissoqqissaartariaqarpavut.
Nunatsinnut tikeraartitsisarneq qanoq ingerlava?
Taama ungasitsigisumust atassuteqarneq qanoq ippa? - Qanoq akulikitsigisunik sianertoqarsinnaasarpa?
Taama ungasitsigisumiittortatsinnut ilaquttaasunit videokkut atassuteqaatit inerisarsinnaanerpavut?
Inuit Aningaasaateqarfiat piuvoq, ukiumut 70.000 kr.-nik Namminersornerullutik Oqartussanit napparsimasut immikkut qanoq pineqarsinnaanerinut, nunanut allanut angalasarsinnaanerinut, sanalugassanut, katerisimaarnernut kalaaliminertugassanullu ilaalu ilanngullugit aningaasaliiffigineqartartoq.
Aningaasaateqarfiup qinnuteqarfigineqarsinnaanerani piumasaqaataavoq aningaasaateqarfiit allat aningaasanik pissarsifiginiarlugit misilinneqareersimanissaat. Sulisunut tamanna piffissarujussuarmik atuiffiusarpoq, aningaasanik pissarsiffiusanngitsumik.
Aningaasaateqarfiup pissarsiffiginiarnerani piumasaqaatip taassuma peerneqarnissaa kissaatigineqarpoq.
Suarannguatut isigineqarsinnaavoq. Taamaapporlumi uagutsinnut inimi maani isersimasunut Nunatsinniittullumi allanut. Kisianni napparsimasunut 20-t missaanniittunut uagut Vor-dingborgimiitsitatsinnut tamakkualunnguit ulluinnarni nikallunarsinnaaqisuni, pingaartuupput.
Ajornartorsiut pingaaruteqaqisoq naammassineqartariaqartorlu tassaavoq napparsimasunik angerlarartitsinissaq. Napparsimasumik angerlartitsilernerup nalunaarutigineqarneranit uagut nammineq pisortaqarfitta perusaarlutik napparsimasumik tikilluaqqusinissaasa tungaannut piffissaq ukiup affaanik ukiumilluunniit ilivitsumik sivisusseqariaannaavoq. Tamanna narrutsannaqaaq.
Tassani pissutaagunarpoq angerlartitsinermi suliffeqarfiit assigiinngitsunik sammisaqarfiusut assigiinngitsut akuliuttussaanerat taavalu taakku arlaannaasaluunniit akisussaaffik tigummiumassanagu.
Ajornartorsiut imaannaanngilaq. Tamannalumi nassuiaammi ajunngivissumik sammineqarpoq. Nunatsinni tarnip nakorsaatut katsorsaaveqarnerup piorsarnissaa pisariaqarpoq. Napparsimasoq, suli nakorsanit paasisimannittunit nakkutigineqarnissamik pisariaqartitsisoq, imaaliinnarlugu angerlartissinnaanngilarput.
Nassuiaammi
inassuterpassuit uteqattaassanngilakka. Atassummit taakku tapersersorpavut.
Ataasiinnarli eqqarsarnarpoq:
Ukiorpassuit ingerlagallartussaapput
Nunatsinni kommunit tamarmik psyskologinik kalaallinik ilinniarsimasunik
sulisussaqalernissaannut; ilinniarsimasullumi allat tarnimikkut napparsimasunik
immikkut passusisinnaasussat anguneqarnissaannut.
Tamakku peqataannik nassuiaammi
immikkoortoq atuarneqarsinnaavoq, tassalu nunani allani telepsykiatri atorlugu
misilittakkat pitsaalluinnartut anguneqarsimanerannut tunngasoq.
Peqqinnissamut ataatsimiititaliami
ilaasortat paasiniaallutik angalanerminni taamatorpiaq tusartinneqarput,
tusagarlu Peqqinnissamut Pisortaqarfimmut apuullugu: Telepsykiatri nassaarineqarsimavoq
ilimagisamit pitsaanerusumik sunniuteqartoq.
Telepsykiatrip atulersinneratigut
tarnimikkut napparsimasut periarfississavavut ilinniarluarsimasunit katsorsarneqarnissaannut
napparsimasup nammineq oqaasii atorlugit kommunini tamani, taamanissami
sulisunik ilinniarluarsimasunik naammattunik nuna tamakkerlugu telepsykiatrisk
klinik sulisussaqartilerutsigu.
Sooq nassuiaammi taamatut
periarfissaqarnera tulluaqisoq inassutigineqarsimanngila?
Matumuunalu tamanna Atassummit
inassutigineqarpoq.
Nassuiaammi oqaatigineqarpoq
siunissami tarnikkut nappaatilinnut napparsimavissaq Dronning Ingridip
Napparsimmavissuanut atasumik inissinneqassasoq. Atassummit inassutigissavarput
massakkorpiaq nunatsinni immikkoortulersuiniarneq eqqarsaatigalugu Nuup avataani inissiinissamik KANUKOKA-p
siunnersuutaa suli isumaliutersuutigineqarallaqqullugu.
Maliinannguaq M. Mĝlgaard, Inuit Ataqatigiit oqaaseqartuat:
Nunatsinni sakkortuunik
pinerluuteqarsimasut ukiorpassuanngortuni Qallunaat Nunaannut
pineqaatissinneqarnerat toqqammavigalugu ingerlatinneqartarsimapput,
tamannalumi ukiuni kingullerni inuit pisinnaatitaaffii toqqaammavigalugit
sakkortuumik uparuartorneqarsimavoq.
Inatsisartut l996-imi ukiakkut
ataatsimiinnerani Inuit Ataqatigiinniit tapersersorsimavarput tarnimikkut
nappaatilinnik katsorsaasarnerup nunatsinnut nuunneqarnissaanut
toqqammavissanik ersarissunik misissuisoqarnissaa. Tamannalumi maanna
pisimammat nuannaarutigaarput.
Taamanikkullu aamma Inuit
Ataqatigiinniit ersarissumik uparuarsimavarput, ullumikkut nunatsinni
tarnimikkut nappaatillit najugaqarfimminni aallunneqarnerat naammaginanngitsoq,
ilinniarsimanngitsunillu sulisoqarnermi, sulisunut sullissanullu
toqqissisimananngitsumik ingerlassisoqartoq. Taamaattumik nuannaarutigaarput
apeqqut tamanna uani isumaliutissiissummi sukumiisumik sammineqarsimammat.
Tarnimmikut napparsimasunik
katsorsaanerup maanna Qallunaat Nunaanni ingerlanneqartartup, nunatsinnut
nuuneqarnissaanut innersuussutit suleqatigiisitallu isumaliutissiissutaat
assigiinngitsunik oqaaseqarfigissavagut. Siullermik Naalakkersuisut
katsorsaasarnerup nunatsinnut nuunneqarnissaanut aalajangernissap ukiunik
pingasuniit tallimanut
kinguartinneqarnissaanik innersuussutaa isumaqatigaarput.
Tassami oqartoqarneratuut sumut
iluaqutaassava katsorsaasarnerup tuaviupiluttumik nuunneqarnissaa piinnarlugu,
katsorsakkat ajornerusumik sullinneqalerpata. Tassami ilisimasatsitut maanna
peqqinnissaqarfimmi annertoqisumik sulisoqarniarnikkut ajornartorsiuteqarpugut.
Ilami sulisussatulluunniit tikisittakkagut iluamik inissaqartinneqanngitsut
sulluta tikisitat inissanik 5o-inik pisariaqartitsitut tikisissavagut? Taakku
saniatigut atuarfeqarnikkut, meeqqanut paaqqinnittarfeqarnikkut allatigullu
periarfissat qulakkeerneqarsimasariaqarput.
Soorunami Inuit Ataqatigiinniit
tapersersorparput tarnimikkut innarluutillit katsorsarneqartarnerisa Qallunaat
Nunaanniit nuunneqarnissaa, uanilu nappaatit imaannanngitsut uagut ilinniarsimasunik
sussaqartinngisagut pineqarput. Taamattumik tamatumap peqqissaarluinnartumik
suliarineqarnissaa kissaatigaarput.
Piffissallu tulliuttup annertuumik
piareersarnermut atorneqarnissaa kaammattuutigissavarput. Ilinniartitsinerit
pilersaarusiorluakkat, ingerlanneqartariaqarput.
Isumaliutissiissummili
innersuussutigineqartoq siunissami tarnimikkut nappaatillit katsorsarneqartarfissaata
Nuummi inissinneqarnissaa Inuit Ataqatigiinniit isumaqatiginngilarput. Soorlumi
aamma KANUKOKA ersarissumik tamatumani isummersimasoq. Nuummi eqiterineq naammalerpoq,
inissaaleqineq, atuarfissaaleqineq
meeqqanullu paaqqinnittarfissaaleqineq annertoqaaq, tamakkulu
isiginngitsuusaaginnarlugit iliuuseqartuassagutta naggataatigut imminut
aaginnartussaavugut.
Soorunami atorluaaniarneq
pioreersullu suleqatigiilluarnissaat paasisinnaavarput, kisianni inuiaqatigiit
ataatsimut isigalugit unaannaarannguaq kisiat isiginagu pilersaarusiorneq
ingerlanneqartariaqarpoq. Naak Nuummiinnissaanut akikillisaatissat
taakkartorneqaraluartut, periarfissanillu marlunnik innersuussinermi, siulleq
143.mio.kr-ninik naleqartussatut aappaalu l06.mio.kr-ninik, atorfeqartitsinerup
saniatigtut nutaanik 5o-inik
inissialiornissaq kisimi aningaasartuutaasussaanngilaq, tassami
atuarfiit meeqqanullu paaqqinnittarfiit allallu tamatumi aamma eqqarsaatigisariaqassammata.
Uffa massa nunatta ilaani
illoqarfiit ilaat inuerukkaluttuinnartut. Taamaattumik Inuit Ataqatigiinniit
isumaqarpugut iliniagaqarnikkut pikkorissaajuarnikkullu piareersarnerup
saniatigut ukiut tulliuttut atorneqartariaqartut kattorsaavissap nunatta
sinnerani sumi inissinneqarsinnaaneranut sukumiisumik misissuinermut. Ukiuni
pingasuni tallimanilu aalajangernissamut kinguartitsiniarutta sumiinnissaata
aalajangernissaa tuaviuuttariaqanngilarput. Tamatumanilu kommuunit
periarfissineqartariaqarput neqeroorsinnaanerminnik.
Tamatumanissaaq maanna
napparsimaveqarfiit aaqqissuussaaneranik allanngortiterinialersaarneq
qissimingaartariaqarpoq. Ataqatigiissaakkamik aaqqissuussinissaq tamatumani
pisariaqavissammat.
Inuit Ataqatigiinniit
tupigusuutiginngitsuunngilarput inatsit l938-imili Qallunaat Naalagaaffianit suliarineqarsimasoq
nunatsinni malitsilerlugu allanngortinneqarsimanngimmat. Taama qanganisaatigisoq
soorunalimiuna ullumikkumut naleqqukkunnaarsimaqili. Isumaqatigaarpulli
tarnimikkut napparsimasunik katsorsaanermut qallunaat inatsisaata
l989-imeersup, nunatsinni naleqqussarlugu atortuulersinnissaa.
Tamatumanili apeqqutigissavarput
Qallunaat inatsisiminnik allanngortitserinissaat qaqugu
naammassissagatinneqarnersoq, isumaqarpugullu tamanna utaqqeqqaartariaqanngitsoq. Aammalu suliami matumani Eqqartuussiveqarnermut
ataatsimiititaliarsuaq qanoq atorneqarnialersaarnersoq apeqqutigissavarput.
Tassami Inuit Ataqatigiinniit isumaqarpugut suliami matumani taakku
avaqqunneqarsinnaanngitsut.
Soorlu aamma ukiut siuliini
oqaatigisarsimagipput, nunatsinni tarnimikkut nappaatillit paaqqutarineqarnerat
ajorluinnartoq. Tamatumanili nersortariaqarsoraavut
ilinniarsimanngikkaluarlutik aalajaallutik tarnimikkut napparsimasunik
paaqqutaqartut. Ilami taakku suliaat sakkortusaqaat, nukittusaqalutillu.
Ilinniartitsinerit pikkorissaanerillu matumani pisariaqarluinnarput. Iliniartitseqqinnissamullu
periarfissat suulluunniit atorluarniartariaqarput.
Aatsaammi taamaaliornikkut
nalorninerit imminullu annikigisinnaasarnerit qaangerneqarsinnaammata. Aammalu
nappatip sakkortusinissaanut pinaveersaartitsisinnaallutik. Taamaalillutillu
aamma siunissami Qallunaat Nunaannut aallartitsisariaqartarnissat
ingalassimaartinneqarsinnaassapput.
Tupaallannanngitsuunngilaq
tarnimikkut nappatillit nunatsinniittut maanna 5oo-it pallisimassagaat
naatsorsuutigineqarmat. Taamattumik kisitsisiinnaalluunniit taakku takutippaat,
tarnimikkut nappaatilinnik paaqqutarinninnermi pilersaarusiorluakkamik
pikkorissartuarlunilu ilinniaqarnissaq.
Nalunaarummi aamma ersersinneqarpoq
tarnimikkut nappaatillit
iisartagaannarnik katsorsarneqartarnerat orniginanngitsoq, tamannalumi
aamma Inuit Ataqatigiinniit uparuarsimavarput, katsorsaanermi
iisartagartortitsineq kisimi pinnani oqaloqateqarluni paasinnittatsikkut
inuullu pissusaannut tunngasutigut katsorsaasinnaaneq ingerlanneqartariaqarpoq.
Tamatumanilu peqqinissaqarfiup isumaginnittoqarfiillu qanimut
suleqatigiilluanissaat pisariaqarpoq. Tassami taamatut nappaatillit iluamik
katsorsarneqassappata avatangiisit napparsimasunullu atugassatititaasut
apeqqutaaqataalluinnarmata.
Taamatut maanna tarnimikkut
nappaatilinnut ikiortaasut napparsimavinni sulisut komuuninilu
isumaginnittoqarfinni sulisut pikkorissartariaqarnerisa saniatigut tarnimikkut
nappaatilinnut qanigisaasut aamma ikorfartorneqartariaqarput, toqqammaviusunik
nalornissutaasartunut qanoq iliuusaasinnaasut pillugit.
Sinerissami tarnimikkut nappaatillit
sullinneqarnerata iluarinannginneranut uppernarsaataasut ersarissut ilagaat,
l996-imi tarnip nakorsaata angalasimanermini oqaatigisimammagu, illoqarfiit
ilaat l991-imili tikeraarneqaramik
aatsaat tikinneqaqqissimasut.
Tamannalu allaat sakkortuumik
tarnimikkut nappaatillit paasineqanngitsoorneqartarneranik kinguneqarsimasoq,
taamaammallu napparsimasut taakku Inatsisartut inatsisaat malillugu annertuumik
innarluutillit ikiorserneqarsinnaanerannik periarfissinneqassanatik. Taakkulu
saniatigut aamma tarnimikkut nappaatillit iisartagartortinneqarnermikkut
naleqqussaavigineqarnissaminnut periarfissinneqassanatik. Tamakku pissutsit akuersaarneqarsinnaanngillat,
tarnimikkullu nappaatillit siunissaat maanna ersarissumik
politikkeqarfigineqartariaqalerpoq.
Ilinniartitsinerit eqqarsaatigalugit
Peqqissaanermut Ilinniarfik kisimi pinnani aamma Isumaginnninnermi perorsaasunngorniat,
Isumaginninnermilu siunnersortinngorniat ilinniarfii suli annertunerusumik tarnimikkut nappaatillit pillugit
ilinniartitsinissaminnik pikkorissaanissaminnillu
periarfissinneqartariaqarput. Tassanilu sulisitsisut taakkununnga akiliutigisartagaat
AEB-nik taaneqartartut ukiumut 3o.mio.kr ilaat atorluarneqarsinnaapput.
Ilinniartitaanerillu
annertusissappata aamma ilinniarnissamut atugassat atuakkat pigisariaqarput,
nalunaarummilu oqaatigineqartoq Inuit Ataqatigiinniit isumaqatigaarput, ilinniutit
tarnimikkut nappaatilinnut attuumassuteqartut nutserneqarnissaat
aallartittariaqartoq, ilinniartussat kisiisa eqqarsaatiginagit, aammali
sinerissami sullissisut toqqammavigisinnaasaanik paasissitissanik
tunioraasinnaanissaat siunertaralugu.
Tarnimikkut nappaatillit pillugit
qaammarsaaneq nunatsinni pisariaqalerpoq, aammalu siunissaq eqqarsaatigalugu
maanna Qallunaat Nunaanni pineqaatissinneqarsimasut eqqarsaatigalugit
ersarissumik pilersaarusiortoqartariaqarpoq, inoqatigut
pineqaatissinneqarsimasut angerlartussangorunik komuunimi tikiffissaminni
inissaqartinnissaat paaqqutarineqarnerallu eqqarsaatigalugu.
Maannami qallunaat
nunaanniisitsinitsinni qallunaarpassuit sulisippagut akissarsiaqartillugillu, siunissamilu
nuutsitsisinnaanissaq piffissaq ungasinnerusoq isigalugu imminut
akilersinnaasussaavoq. Kisiannili tassa ilinniartitsinerit pikkorissaanerillu
siulliuttariaqarput.
Naggasiullugu tarnimikkut
nappaatillit katsorsaavissaata nuummiisinnissaanut Naalakkersuisut
kaammattuutaat pillugu Inuit Ataqatigiinniit ima oqarusuppugut. Maanna
naammalerpoq Nuummi eqiterisitsineq. Nuummiut naammagittarnerat aamma
killeqartariaqarpoq. Tassami taama eqiterinermi Nuummiut inissaaleqisorpassuit
aamma eqqarsaatigineqartariaqarput.
Ilami ilaat allaat ukiuni quliniit
15-inut utaqqisariaqartarput, Nuummi katsorsaaviliornermi inissiat tikisitanut
5o-it imaaliallaannaq taava suliarineqassappat? Uffa massa soorlu Paamiuni
inissiarpassuit inussaqanngitsut. Katsorsaavissaq sinerissami sananeqarniarli
aamma katsorsakkanut pitsaanerpaassaaq illoqarfissuarmiinnani illoqarfimmi
minnerusumi pinngortitamullu qaninnerusumi sanagaanni. Tarneq nukittorsassappat
pinngortitaq nukittorsaataavoq pitsak.
Taama oqaaseqarluta isumaliutissiissutip
Peqqinnissamut ataatsimiititami oqaluuserineqarnissaa innersuussutigaarput.
Naggasiullugulu aamma suleqatigiissitat arlariit sukumiisumik suliaqarsimaneranut
qutsavigalugit.
Bjarne Kreutzmann, Akulliit Partiat:
Aallaqqaammut qujassaanga nassuiaat una
ersarissoq pillugu, aammalu qutsavigerusullugit nassuiaatip suliarineqarnerani
peqataasimasut tamaasa. Taamatullu aamma periarfissaq siulleq tassa
periarfissaq siulleq aamma periarfissat aappaat pillugit saqqummiussissummi nassuiaammilu
assigiinngissut annikitsoq eqqaassanngikkaanni nassuiaat taamatullu
Naalakkersuit kaammattuutaat
isumatuutut isumaqarfigalugit.
Ilinniarsimasunik atorfilinnulluunniit
piukkunnartunik naalagaaffeqatigiinnerup iluani amigaataareersunik sulisussarsiniarneq
assut ajornakusoortarpoq. Akissarsiat tungaasigut atorfinittitaanermiluunniit
atugassarititaasut kajungernarsinnaasunik nunatsinniit
neqeroorutissaqanngilagut, akileraarutit qaffasissuunngikkaluarput illuatungaatigulli inuuniarneq akisoorujussuuvoq.
Aamma nunatsinni piffissaq sulinermut atorneqartoq Danmark-imut naleqqiullugu
qaffasinnerungaatsialersimavoq. Sulisussarsiornitsinni neqeroorutigisinnasavut
tassaapput pinngortitaq avatangiiserput aamma suliffik suliffikkuminartoq
atorfimmut atatillugu annertuumik piumasaqaatitalik.
Taamaattumik soorlu nassuiaammi
uparuarneqartoq navianarpallaassaqaaq tarnimikkut nappaatilinnik
katsorsaasarneq nunatsinnut nuussallugu qulakkeersinnaanngikkaanni suliaq
isumannaatsumik nunatsinni isumagineqarsinnaasoq, taava pitsaaneruinnassaaq
napparsimasut avatangiisit sungiusimasatik qimallugit nunatsinnit
ungasissorsuami katsorsarneqartassappata, tamatumuuna qulakkeerneqassammat
pikkorissunik paarlakaappallaanngitsunillu sulisoqarnissaq. Tamanna ajuusaarnaraluarpoq.
Ajuusaarnaraluarpoq, pissutigalugu
qularinngivikkakku katsorsarneqarnermi angusat pitsaanerussagaluartut
avatangiisit sungiusimasat qimannagit nunatsinnillu ungasissumut nuunnani
katsorsarneqarneq pisassagaluarpat.
Tarnimikkut nappaatilinnik katsorsaanerup
nunatsinnut nuunneqarnissaa akisuujusussaavoq, tamanna ilumoorpoq. Kisianni
napparsimasut Danmarkimut suliaritikkiartortarnerat aamma akisuujuvoq.
Taamaattumik katsorsaanerup nunatsinnut nuunneqarneratigut angusat pitsaanerulernissaat
aamma amerlanerusut katsorsarneqarsinnaalernissaat eqqarsaatigalugit
isumaqarpunga
aningaasartuutit amerleriarnissaat
uniffiginagu nunatsinnut nuunneqarnissaata sulissutiginera
ingerlatiinnartariaqartoq.
Tarnimikkut nappaatilinnik katsorsaanerup
Dronning Ingridip Napparsimavissuanuta avataanut inissillugu tassungali
atasumik ingerlanneqarsinnaaneranut tunngavilersuutit isumatuutut
isumaqarfigaakka. Taamaattoq taamatut inissiinissamut Isumaginninnermut
Pisortaqarfiup nangaassuteqarnera paasilluarsinnaavara, taamatullu aamma Nuup
illoqarfittaani inuit qasuersaartarfiisa ukiumi aasamilu atorluarneqartartut
amigaatigineqaleraluttuinnarnerat pissutigalugu KANUKOKA-p akerliliinera
isumaqatigalugu.
Taamaattumik siunnersuutigissavara Oasenip
aamma Qaqiffiup akornanni quleriinnik marlunnik initalimmik
illuliortoqarnissaanik suliaq ingerlateqqinneqassasoq.
Tarnimikkut nappaatilinnut
immikkoortortaqarfiup Nuummi inissinneqarnissaanut KANUKOKA-p akerliliinera
isumaqatiginngilara, tassani innersuutissallugit aallaqqaammut oqaaserisakka.
Neriussagutta piffissap sivisuallaanngitsup iluani ullummikkut akissarsiatigut
atorfininnermilu atugarititaasut atuutsiinnarlugit atorfiit ilinniarsimasunut
inuttalersinnaanissaannik, taava pisariaqarpoq sulisussat avinngarusimanatik
suliaminnulli attuumassuteqartut qanimut najorlugit suliffeqarnissaat,
tamannalu taamaallaat Nuummi pisinnaavoq.
Inatsisinut tunngasortai eqqaassagaanni
inatsisit nutarternissaasa piaarnerpaamik sulissutigineqalernissaanut isumaqataavunga,
taamatullu aamma ilinniartitaanikkut suliniutissat pillugit nassuiaammi
kaammattuutigineqartut taperserlugit.
Taama oqaaseqarlunga nassuiaat
akersaarpara tusaatissatullu tigullugu.
Anthon Frederiksen, Kattusseqatigiit:
Kattusseqatigiinniit paasilluarsinnaavara
Naalakkersuisut inassutigimmassuk tarnimikkut napparsimasunik katsorsaasarnerup
Kalaallit Nunaannut nuunneqarnissaanik aalajangernissaq ukiut pingasut
tallimalluunniit akornanni pisussanngorlugu kinguartinneqassasoq.
Tassami ullumikkut peqqinnissaqarsimmi
pissutsit taama ajortigitillugit aammalu ajornartorsiutit
taama annertutigitillugit tamakku
qalliinnarlugit akisussaaffinnik pisussaaffinnillu allanik pissutsit
taamaakkallartillugit tigusiniarneq pissutsinut piviusunut naapertuutinngilaq.
Taamaattumik Kattusseqatigiit
ilungersortumik kaammattuutigissavarput nunatsinni peqqinnissaqarfimmi
sulisussaaleqinerup pingaartumik aamma tarnip pissusaanik ilinniarsimasunik
amigaateqarnerup pimoorullugu qaangerniarneqarnissaa sulissutigeqqullugu.
Tassami inuit tarnimikkut nappaatillit
nunatsinneersut ilaatigullu peqqinnissaqarfimmut saaffiginninneq ajortut
naatsorsuutigineqarpoq 500-t missaaniissasut. Aammalu puigortariaqanngilaq
peqqinnissaqarfimmi ajornartorsiuterpassuit allat qaangerniarneqaqqaartariaqarnerat.
Ilanngullugu eqqaamasariaqarpoq, ukiuni
kingullerni tarnimikkut nappaatillit amerliartornerat ilutigalugu palasit
ajoqillu suliakkersorneqarnerat annertuumik ersarissigaluttuinnartoq naak
tamanna akissaatitigut malunnaateqartinneqanngikkaluartoq.
Taamaattumik Kattusseqatigiit
naalakkersuisut inassuteqaataat paasilluarlugit akuersaarpagut.
Nassuerutigisariaqarpormi sulisussat ilinniarluarsimasut aningaasallu
ingerlatsinermut pikkorissartitsisarnernut ilaalu ilanngullugit naammattut
suli pigineqanngimmata.
Naatsumik oqaatigalugu, ajoraluartumik
maannakkut tarnimikkut nappaatilinnik katsorsaasarnerup nunatsinnut
nuunneqarnissaa nukissaqarfiginagulu akissaqarfiginngikkallarpoq. Danskit
naalagaaffiannut pallorluta qinnulooriartussanngikkutta.
Kisianni soorunami Kattusseqatigiinniit
kaammattueqataarusullutalu suleqataarusuppugut sapinngisamik ajornartorsiutip
matumani pineqartut qaangerniaanissaanut. Tassami siullermik ilinniartitaaneq,
pilersaarusiorluarneq aammalu inatsisitigut pitsaasunik tunngavissaqarneq
aallunneqartariaqarput. Oqartussaaffinnimmi akisussaaffinnillu
tigusiniaannarluni tigusisoqarsinnaanngilaq, aammali inuiaqatigiit
nammassinnaasaat nalilersorluartariaqarput.
Aamma pingaaruteqarluinnartutut
Kattusseqatigiinniit isumaqarfigaarput Kalaallit Nunatsinni tarnimikkut
napparsimasunut atugarititaasut sapinngisamik nunatsinnut naleqquttuunissaat.
Taamaattumik isumaqatigilluinnarparput inatsit pineqartut danskit pissusaanniit
annertuumik aallaaveqartut ilaatigut nunatsinni pissutsinut naleqqutinngitsut
nunatsinnut naleqqussarneqaqqaartariaqarmata.
Kiisalu nunatsinni peqqinnisarfiup iluani
tarnimikkut nappaatillit sullinneqarnissaannut sillimaniarnerlu sulisoqarnikkut
ilinniartitaanikkullu pissutsit ullumikkornit pitsanngorsaaffiginiarneqarnissaat
annertuumik sulissutigisariaqartoq aamma ilanngullugu
eqqaasitsissutigisariaqarparput.
Kattusseqatigiinniimmi
pingaartilluinnarparput sunaluunniit suliaq danskit naalagaaffiannit
ingerlanneqarsimasoq tigussallutigu, kisianni taamaaliortinnata
qulakkeertariaqarpoq suliassat tamatigut piareersarluarsimanissaat.
Taamaattumik aamma pikkorissartitsisoqarnissaanik pilersaaruteqartoqarnera
pissusissamisoorluinnartutut takorloorparput. Taamaattumik aamma
pikkorissartitsisoqarnissaanik pilersaaruteqartoqartarnera imaluunniit
pilersaaruteqartoqarnera pissusissamisoorluinnartutut takorloorparput. Aammalu
Kattusseqatigiinniit pingaartipparput najukkami tarnikkut napparsimasulerinermi,
suliniutitigut piareersarluarsimanissaq. Taamaattumik kommunit piareersarnermi
qanimut suleqataajuarnissaat, sutigullu tamatigut tarnimikkut napparsimasut
atugarisaasa pitsaasumik suleqataaffiginissaat anguniaqqullugu ilanngullugu
kaammattuutigissallutigu.
Taamaattumik nassuerutigisariaqarpoq
Danmarkimi tarnimikkut nappaateqarlutik uninngasut, ajuusaarnaraluartumik
imaaliallaannaq Kalaallit Nunatsinnut utertinneqarsinnaangikkallarnerat,
sulisoqarniarnikkut kiisalu aamma tarnimikkut katsorsaaviup
pilersinneqarsinnaangikkallarnera allallu ajornartorsiutit pissutigalugit.
Taamaattumik Kattusseqatigiinniit
isumaqarpugut, tarnimikkut nappaatilinnik katsorsaanerup Kalaallit Nunatsinnut
nuunneqarnissaa pillugu pilersaarusiaq ukioq 2006-mi naammassineqartussatut
pimoorullugu sulissutigineqaqqaartariaqarttoq. Taamatut oqaaseqarlunga
nassuiaat soqutiginartoq imartoorlu tusaatissatut tiguara.
Marianne Jensen, Peqqinnissamut,
Ilisimatusarnermut, Avatangiisinut Pinngortitamullu Naalakkersuisoq:
Siullermik Naalakkersuisut sinnerlugit
qamannga pisumik qujassutigerusuppara Naalakkersuisut inassuteqaataa, uani
aamma saqqummiusissummi naggataatigut taaneqartut, tamarluinnarmik partiit
oqaluttuinit aammalu Kttusseqatigiinninngaanniit tapersersorneqarmata.
Nuannaarutigaaralu taamak erseqqitsigisumik aamma partiit oqaluttui
Kattusseqatigiillu isummaminnik uani saqqummiussimmata. Tassami inuit
ataasiakkaat, ulluinnarni aamma atugarisaannut attuumassuteqarluinnarput
massakkut oqaluuserisarput, taamaattumillu nuannaarutigaara assut tassani aamma
akisussaassuseqarnermik takutitsilluni ersarissuliorneq matumani tusagarput.
Aammalu oqaatigissallugu uani
suliniutissatut taakkartorneqartut, pilersaarusiorluakkamik
ingerlateqqinnissaanut massakkut periarfissinneqaratta. Aammalu tassani
ammasumik ajornartorsiutit saqqummiunneqarnerini aamma oqaatigineqarmata,
suliniutissat aamma aningaasatigut kingunerisassai. Tassanilu aamma
naatsorsuutigilluinnarpara soorunalimi inatsisartuni partiit oqaluttui aammalu
Kattusseqatigiinninngaaniit ilinniartitaanikkut allatigullu uani inassutigineqartut
ilalernerani aamma aningaasatigut nassatarisassai aamma uani saqqummiunneqartut
ilanngullugit inassutigigaat. Taannalu soorunalimi naalakkersuisuni 1999-mut
aningaasanut inatsisissap suliarineqarneranut atatillugu inatsisartut uani
oqaaseqaataat aamma eqqaamaniassavagut.
Taamatut oqareerlunga oqaluttut partiit
ataasiakkaat oqaaseqarfigitsiassavakka. Uani Siumup oqaaseqartuanut Kristine
Raahauge-mut aamma qujassutigissavara sukumiisumik oqaaseqarnera aammalu
sutigut tamatigut naalakkersuisut uani saqqummiussineranni tapersersuinera
Siumuminngaaniit aamma tamakkiisumik tapersersuinerat qujassutigeqaara.
Siumup oqaluttuaninngaaniit ilaatigut
oqaatigineqarpoq aamma eqqumaffiginerusariaqartut massakkut Vordingborg-imi
Amtshospitalimi katsorsarneqareerlutik peqqissisimasut nunatsinnullu
nunaminnut angerlarnissaminnut piareersimasut ullumikkut Danmark-imiiginnartut,
taakkua nunatsinni periarfissaqannginnertik immaqa pissutigalugu
Danmark-imiittut aamma taakkua aaqqiivigineqarnissaat eqqumaffigineqaqqullugu
aamma suliakkiisutigineqarpoq, imaluunniit tikkuarneqarpoq. Tamanna qanimut
aamma malinnaavigineqarpoq aammalu taamaattuarnissaq neriorsuutigissavara.
Ilaatigut inuit napparsimasimallutik
peqqissisimasutut napparsimmavimminngaanniit anisinneqartut namminneerlutik
sumi najugaqarusunnerlutik aaliangerpassuk soorunalimi tamanna
naalakkersuisuninngaaniit allanngortikkuminaappoq aammalu tamanna ataqqisariaqarparput.
Kisianni aamma ilumoorpoq ilaatigut taamatut aaliangertoqarmat nunatsinni
periarfissat annikinneri aamma aallaavigalugit. Neriussaagut nunatsinni
periarfissat pitsaanerulersinneqarnerisigut aamma nunatsinnut Danmark-imut
uniinnartartut nunatsinni periarfissakinnera pissutigalugu aamma taakkua
ikiliartulerumaartut.
Kisianni oqaatigisinnaavara uani
pineqartumi taamatut aaliangersimasut Danmark-imiiginnartullu ilisimasagut
naapertorlugit amerlanngillat, ikittuupput kisianni soorunalimi aamma taakkua
isiginiarneqartariaqarput.
Atassutip oqaluttua assigiinngitsunik
ataasiakkaanik aamma toqqaannartumik apeqquteqarpoq. Uani siullermik aamma
Atassutip oqaluttua aamma qutsavigerusuppara aamma innersuussutigineqartunut tamakkiisumik
tapersiineranut. Uani apeqqutigineqartuni ilaatigut apeqqutigineqarpoq
nunatsinnut tikeraartarnermut tunngasut qanoq inissisimanersut.
Oqaatigisinnavara tassani ukiup affaa
qaangiutereeraangat taassuma kingorna naliginnaasimavoq ukioq allortarlugu
nunatsinnut tikeraarsinnaatitaaneq, kisiannili aamma oqaatigisinnaavara 1997-mi
siorna, taasa Vordingborgimi napparsimasuutigut taakkua tamarmik nunatsinnut
tikeraartinneqarsimapput.
Ajornartorsiutaasimasut uani ilagivaat tarnimikkut napparsimasut
Danmark-imi katsorsartittut tikeraartarnissamut periarfissaat
inatsisitigoortumik aaliangersagaanngimmata. Inunnik isumaginnittoqarfiup
iluani Danmark-imiittuutinneqartariaqartut inatsisitigoortumik
periarfissinneqarput ukiut tamaasa nunatsinnut tikeraarsinnaanermut.
Kisiannili soorlu oqareersunga, tarnimikkut napparsimallutik Danmark-imiittut
taamatut inissisimanngillat. Taamaattumillu aamma atorfilittavut
qinnuigisimavakka tamatuma tungaa misissutsiaqqullugu, taamatulli innarluutilittulli
inunnik isumaginnittoqarfup iluani Danmark-imi sullinneqartutuulli
inatsisitigoortumik inissinneqarnissaat taanna misissuiffigeqqullugu.
Neriupunga tamanna misissuiffigineqareerluni immaqa ukioq manna naanngitsoq
inatsisartunut saqqummiunneqarsinnaajumaassasoq, imaluunniit qanoq taassuma
misissuinerup inerneqarnera, naliliiffigineqarnera.
Aamma naatsorsuutigaarput ukioq manna
Vordingborg-imi napparsimasuutigut 1998-mi tamarmik nunatsinnut
tikeraarsinnaajumaassasut. Qanoq akulikitsigisumik nunatsinnut sianersinnaanerat
taanna erseqqissumik ilisimaarinngilara, kisianni nalunngilara
periarfissaqartoq aammalu Atassutip oqaluttuata Anders Nilsson-ip tikkuarpaa
teknikkikkut periarfissat massakkut ilaat videokonferencudstyr atorlugu
ilaquttaminnut qaninnerusunut attaveqarsinnaanerat taanna misissortariaqartoq.
Tamanna aamma naalakkersuisuni soqutiginartipparput aammalu oqaatigisinnaavara
tamannarpiaq pillugu massakkut Storstrĝms Amt-imik isumaqatigiissutip
nutarsarneqarnissaanut atasumik aamma tamanna ilanngullugu
oqaloqatigiissutigigatsigu.
Inuit Fond-imut aningaasaliinissamut
piumasaqaataasut tassani aamma Inuit Ataqatigiit, utoqqatserpunga, Atassutip
oqaluttuaninngaaniit misissutsiaqquneqarput aammalu oqatigereersinnaavara
tamanna misissuineq aallartinneqarsimammat aammalu erseqqissumik
neriorsuutigisinnaanngikkaluarlugu massakkorpiaq oqaatigisinnaavara,
naatsorsuutigigatsigu taamatut uani piumasaqaatitut uparuarneqartoq
peerneqarnissaa naatsorsuutigigatsigu.
Telepsykiatri eqqarsaatigalugu oqaatigisinnaavara
aamma massakkut peqqinnisaamut pisortaqarfimmi telemedicin-ip
atorneqarsinnaaneruneranut periarfissanut ilaatillugu telepsykiatri aamma
misissorneqartunut ilaammat. Aamma nassuiaammi uani tamanna tikinneqarpoq,
kisianni aaliangersimasunik uani innersuussuteqartoqanngitsoq ilumoorpoq,
kisianni naatsorsuutigaara tamanna aamma ilanngulllugu peqqinnissamut
ataatsimiititaliami erseqqarinnerusumik oqallisigineqarsinnaajumaassasoq.
Soorunalimi aamma taanna annertunerusumik periarfissiissutigineqassappat aamma
aningaasanik nassataqartussaassaaq.
Inuit Ataqatigiit sinnerlugit
Maliinannguaq Markussen Mĝlgaard-ip oqaasiinut aamma qujaffigivara tassanilu
aamma maluginiarlugu uani inassutigineqartut tamaassa tamakkiisumik ilalerneqarmata.
Inuit Ataqatigiinninngaaniit immikkut isummerfigillaquneqartoq unaavoq,
matoqqasumik nunatsinni katsorsaaveqalernissaq anguneqarpat taava
taamanikkussamut illoqarfimmi sumi taassuma katsorsaaviup inissisimanissaa
eqqartoqqinneqarusulluni.
Tassani
oqaatigisariaqarpoq soorunalimi katsorsaavissaq taama ittoq, suliffik
angisuujusussaavoq aammalu illoqarfinni immaqa mikinerusuni annertuumik
initussussaassalluni, kisianni soorlu aamma oqaluttut tamarmik
isumaqatigiissutigigaat naalakkersuisut aamma inassutigisaat tamanit
isumaqatigineqarpoq tassa, taamatut aaliangernernissaq ukiuni pingasuniit
tallimanut utaqqinneqassasoq aammalu taamatut oqaaseqarneq erseqqissoq
qujassutigaara.
Tassa taamaalilluta aamma uani
neriulluarfigivara siornatigutuut oqallisigineqartarnerani massakut
nalunaarusiaq saqqummiuteriarlugu, oqallisigeriarlugu amusartumut immaqa
ikillugu puigorneqarsinnaanera uani misigisimavunga inatsisartut
neriorsueqatigiittut aamma inuiaqatigiinnut neriorsuisut una
uterfigeqqinneqassaaq aaliangernissaq nunatsinni katsorsaavimmik
pilersitsinissaq ukiut pingasut kingusinnerpaamillu tallimat qaangiuppata
inatsisartunut qaqeqqinneqassaaq inatsisartunilu taamanikkussamut aamma
isumerfigineqassalluni.
Tamatuma aamma periarfissippa nunatsinni ineriartorneq
aammalu sulisussatigut qanoq inissisimanissaq erseqqarinnerulersimassasoq
taamanikkussamut naatsorsuutigineqarsinnaassaaq aammalu ilaatigut ineriartorneq
sukkaqisumik naatsorsuutigisinnaanngisatsinnik pisarpoq. Taamaattumik
periarfissaqassaaq apeqqutip taassuma erseqqarinnerusumik nalilersuiffiginissaanut,
kisianni uani tunngaviatigut naalakkersuisut isumaat maannakkuugallartoq
erseqqarippoq, tassa pissutsit assigiinngitsorpassuit pissutigalugit
katsorsaavimmik nunatsinni pilersitsisoqassappat Nuummi inissisimasariaqarnera
taanna naalakkersuisut massakkut isummerfigisimavaat soorlu oqartunga, tamanna
periarfissaqassaaq uterfigeqqissinnaassallugu.
Maliinannguaq Markussen Mĝlgaard-ip aamma
ilaatigut eqqartorpai sulisoqarniarnermi inissat kisimik
ajornartorsiutaanngitsut aammalu atuarfiit, meeqqanut paaqqinnittarfiit aammalu
allarpassuit tassunga attuumassuteqartut. Ilaatigut aamma tamannarpiaq
pissutaalluni kisianni taannaannaanngitsoq, kisiannilu aamma napparsimasunik
sullissineq napparsimmavimmiinnaanngitsoq peqqutigalugu uani aamma
naalakkersuisut inassutigivaat tamarmiusumik tassungalu attuumassuteqartut
tamarmik suleqataanerisigut tamarmiusumik pilersaarusiortoqassasoq. Aamma
tassani inunnik isumaginninnikkut, pinerluttaalisitsinikkut allarpassuartigullu
attuumassuteqartut ilanngullugit aammalu tassani soorunalimi sulisussat qanoq
inissisimanissaat pisariaqartitaallu ilanngunneqartariaqassapput.
Inuit Ataqatigiinninngaaniit tupigusuutigineqarpoq
massakkut inatsit 1938-meersoq suli nunatsinni atuutsinneqarmat. Inatsit
Danmark-imi 1989-meersoq uanga 1995-mi peqqinnissamut naalakkersuisunngorninni
nutarterneqarnissaa eqqarsaatigineqalereersimavoq, taamaattumillu tamannarpiaq
aamma taamanikkulli eqqartortarparput, kisiannili aamma taamanikkulli nalilersimallugu
inatsit 1989-meersoq nutarterneqarluni aallartisarneqareersimasoq ukiut
arlallit matuma siornatigut. Taanna nunatsinnut atuutilernissaa
eqqarsarnartoqartoq taamaattumillu nutarternerata naammasinissaa
utaqqimaaraanni tamanna pisusissamisoornerussasoq. Naatsorsuutigaarput taanna
suliaq ukiut arlallit Danmarkimi ingerlareersimavoq, nutarternera1989-meersup
inatsisip, ukiullu arlallit naatsorsuutigineqartarsimagaluarlini Folketingimut
saqqummiunneqarnissaa. Tusakkavut kingulliit imaapput, naatsorsuutigineqartoq
ukioq manna imaluunniit aappaagu, taanna inatsisartunut Danmarkimi
saqqummiunneqarumaartoq. Taamaattumik neriuppugut suliaq taanna
naammassingajalersoq, taamaalillunilu aamma pissutsit nutaat aallaavigalugit
nunatsinnut naleqqussanissaq tassuunakkut periarfissaqarsinnaassaaq,
isumaqarpugullu naalakkersuisunut tamanna tulluarnerpaajussasoq, inatsisit
atorunnaareersoq, nunatsinnut atuuttuulersittaqattaaginnarnagit.
Inuit Ataqatigiinninngaanniit aamma
oqaatigineqarpoq tarnimikkut nappaatillit siunissaat maanna ersarissumik
politikkeqarfigineqartariaqalersoq, tamanna naalakkersuisut sinnerlugit
isumaqatigilluinnarpara aammalu tamannarpiaq pissutigalugu tassa Naalakkersuisuni
pingaartissimavarput, massakkut oqallinnissaq aammalu pissangagisimallugu
Inatsisartut qanoq aamma tassuunakkut oqariartuuteqarnissaat. Massakkut
oqariartuuteqarnerit Inatsisartut oqaluttuininngaanniit aallaavigalugit
aammalu una suliaq aallaavigalugu kiisalu Naalakkersuisut innersuussutaat
aallaavigalugit kiisami isikkoqalerpoq aalajangersimanerusumik, siunissami
tarnimikkut nappaatillit pillugit sullissinissaq aammalu tassuunakkut
politikkeqalernissaq. Isumaqatigilluinnarpakkit tassuunakkut amigaateqarsimagatta
aammalu tassuunakkut sullissineq annikippallaarujussuarsimasoq. Soorunalimi
kissaatiginarsinnaagaluarpoq siusinnerusukkut ersarinnerusumik
politikkeqarsimanissaq, kisianni tassa pissutsit taamaasimapput. Kisiannili
isumaqarpunga nuannaarutigisariaqaripput massakkut oqariartuutit erseqqarissut
saqqummerarmata.
Pikkorissartitsinermi peqqinnissaqarfiup
iluani pikkorissartitsinerit imaluunniit peqqissaanermik ilinniarfik kisiat
isumalluutiginagu aamma allat periarfissat atorluarneqarsinnaanissaat tikkuarneqarmat
Inuit Ataqatigiininngaanniit aamma taanna ammaffigilluinnarparput. Tassami
aamma uani suliap nangeqqinneqarnissaani, suliassaqarfiit tamakkua
akuussussaassapput, taamaattumillu aamma suliassaqarfiit ataasiakkaat
pikkorissartitsinissamut pisariaqartitsinerat suli erseqqarinnerusumik
qulaajarneqarumaarpoq. Aammalu pisariaqartinneqartut tamakkua qanoq ilillugit
naammassiniarnissaat aamma naatsorsuutigaara suliami inassuteqaateqarnikkut
aamma ingerlanneqarumaartoq. Kisiannili aamma uani oqaatigissallugu massakkut
tapersersuisunik pikkorissartitsinissaq aamma peqqinnissaqarfiup avataani
suleqatit allat qatigalugit pilersaarusiorneqarsimammat. Tassanilu amma
AEB-mik taaneqartartut taakkua atorluarlugit aamma pikkorissartitsineq taanna
Peqqissaanermik Ilinniarfimmi ingerlanneqartussaavoq.
Taamatut oqaaseqarlunga
oqaatigeqqiinnarusuppara, nuannaarutigeqigakku massakkut erseqqissumik
isummiussat saqqummiunneqarmata aammalu tarnimikkut nappaatillit, nunatsini
amerlaqisut ukiorpassuarnilu naammaginanngitsumik sullinneqarsimasut, kiisalu
taakkununnga ilaqutaasut aammalu minnerunngitsumik sullissisut aamma namminneq
pisariaqartitsinermik takunnittut kisiannili periarfissakissimasut. Aamma
taakkua tamaasa eqqarsaatigalugit nuannaarutigivara neriunartoqarnerilermat
massakkut suliniutit sukumiinerusut erseqqarinnerusullu
ingerlanneqartussanngormata.
Kiisalu aamma naggataatigut
pinngitsoorusunngilanga Siumut oqaluttuatuulli, nammineq piumassusertik
tunngavigalugu nunatsinni aamma suleqataasut, minnerunngitsumilli peqatigiiffik
nutaaq, tassa tarnimikkut nappaatillit qanigisaasa peqatigiiffiat ASugisaq@, tassani ulluni pissutsinilu
ajornaatsuinnaangitsuni atugaqareerlutik nukissaqarusummata
pingaartitsillutillu ikiuerusussuseqarlutik aammalu pissutsinik pitsaanerusunik
atugaqalernissamut suliamik annertuumik tuniserusummata. Tassani taakkua aamma sulilluarnissaanik
kissaappakka aammalu kissaallugit nunatsinni innuttaasut akornanni, suliap
taasumap pingaaruteqassusiata paasineqarnerullunilu erseqqarinnerusumik
ingerlanneqalernissaanut periarfissinneqarnissaat, tassungalu aamma
suleqataanerannut qutsavigalugit. Qujanaq.
Anders Nilsson, Atassut:
Siullermik akissutigineqartut
qutsatiginiarpakka, saqqummiussatsinnut akissutaassut pillugit kisianni
ilassutissaqalaarpunga. Atassummut pingaaruteqarluinnarpoq taakkua tarnimikkut
nappaateqartut Danmarkimut katsorsagassanngorlugit Vordingborg-imi
maluginiarneri taakkua tunuaallaffigissannginnatsigit, ukiuni tallimani
aggersuni aamma. Vordingborg-imi pissutsit maalaarutigigaangatsigit taava
atorfilinnit maalaarutigineqartarsimavoq ukioq ataaseq marlulluunniit
isumaqatigiissuteqartarsimasugut. Taamaattumik kaammattuutigitissavarput
pisortaqarfimmut maannakkut ukiuni tallimani atuuttussamik Vordingborg
isumaqatigiissuteqarfigissagaat, taamaalilluta periarfissat taakkua
sivisunerusumik isumaqatigiissuteqarnikkut pitsaaqutit angusinnaassagut
pissarsiariniassagatsigit.
Tassa maannakkut takusinnaasakka
naapertorlugit napparsimasut ukiut allortarlugu tikeraartinneqartarput,
tassani Peqqinnissami Ataatsimiitsitaliami taamatut paasitinneqarsimagatta
aamma ukiarmi sipaarniuteqarnermut atatillugu, ukiut tamaasa tikiraartarnerat
taanna akuttortinnguatsiaraluarparput immaqaluunniit kisianni eqqaamalluanngilara.
Kisianni pingaartittorujussuuvarput Vordingborg-imi napparsimasut ukiut tamaasa
tikeraarsinnaanissaat. Imaanngilaq ilaquttat takussallugit nuannersuummat,
kisiannili aamma Vordingborg-imi sulisut oqaaseqarnerat naapertorlugu, tassani
katsorsarneqarnerannut, sapinngisamik akulikinnerpaamik ilaquttamik
takusarnissaat pitsaanerpaasoq. Kisiannili aamma videonik atorlugit
katsorsaanerit atorlugu, imatut tassa tasamani nakorsat oqaatigaat. Aamma
taakkua katsorsaanermut iluaqutaalluinnartuupput. Tassalu
ilassutigilaarniakkakka.
Maliinannguaq M. Mĝlgċrd, Inuit
Ataqatigiit:
Ilaatigut sulisussanik
amigaateqarnerup iluani aammalu pilersaarusiornissami siunissami taqqavani
Vordingborg-imi sulisut oqaloqatigisimavavut ukiarmi. Tassanilu maluginiakkat
ersarissut ilagisimavat sulisut namminneerlutik aamma Kalaallit Nunaanni
pissutsinut ilisimasaqarpallaannginnertik ajornartorsiutigisaraat, sullissamik
pissusaat aammalu periusaat inuunerallu paasineruniassagunikku.
Taamaattumik ilaatigut
oqaatigineqarpoq, immaqa aamma siunissami isigineqarsinnaasoq, arlaatigut
paarlaateqatigiittarsinnaanissaq sulisunik. Tassa namminneq sulisut
Vordingborg-imiittut tarnimikkut nappaatilinnik ilisimasallit maanngarlutik,
taavalu aamma maanimiut sulisut immaqalu aammalu pikkorissartut ilaat immaqa
paarlaasseqatigiillutik arlaatigut aaqqissuusseqatigiittarnissaat tassani
orniginartinneqartoq, taamaattumik aamma isumaqarpunga iluatinnaateqartoq
namminermi. Nalunngikkaluarparput praktikkertoqartartoq, tassa ilinniarnerminni
atatillugu suliartortoqartartoq, kisianni arlaatigut parlaasseqatigiittarnissaq
siunissami iluaqutaasinnaassooq.
Uani isumaqatigilluinnarparput Inuit
Ataqatigiininngaanniit saqqummiinitsinni taanngitsuugarput, ilaatigut
telepsykiatri, tassa videot, videot atorlugit arlaatigut nakorsaasinnaanermut
tunngasut, taakku isumaqatigilluinnaratsigit aammalu piorsarneqarnissaat
ingerlanneqartariaqartoq, kisianni aamma mianersuullugu taanna kisiat
isumalluutaasanngimmat. Aammami pingaaruteqartaqimmat inuit tikillugit,
ornillugit, katsorsarsinnaaneri aammalu suut pisariaqartinneraat qanimut
takullugit paasissutissat amerlanerusarmata, kisianni tassa taamatut
aaqqissuussinermi ilapittuutitut taassumap ingerlanneqarnissaa
isumaqatigaarput.
Taavalu uani nuannaarutigaarput
aamma Inuit Ataqatigiinninngaanniit partiit allat, tassalu Siumut aammalu
Atassutip oqaasseqartuisa oqaatigimassuk, sumi inissisimanissaanut tunngasoq,
maannangaaq aalajangereernagu. Aamma napparsimaveqarfiup nutaamik aaqqissuunneqarnissaa
isigiutigalugu tamakku nalilersorneqassasut, taanna assut nuannaarutigivarput.
Aamma oqareernitsituut aammalu Kalaallit Nunaanni kommuneqarfiit kattuffiata
oqareerneratuut aammalu allagaqareerneratuut isumaqaratta, eqiterineq
annertuvallaalersoq ullumikkut.
Marianne Jensen, Peqqinnissamut,
Ilisimatusarnermut, Avatangiisinut Pinngortitamullu Naalakkersuisoq:
Ja, Atassutip oqaluttua Anders
Nilsson isumaqatigilluinnarparput Naalakkerssuisunit. Soorunalimi uani aalajangernitsinni
aammalu uani aalajangernerup malitsigisussavaa, nunatsinni tarnimikkut
nappaatillit nunatsinniittut, aamma taakkua amerlaqisut, taakkua
maannakkorninngaanniit pitsaanerungaartumik sulinneqalernissaat. Aammalu
tassunga ilaalluni, akuersaarnermi tassani ilavoq, najogaqarfinnut
tikeraartarnerit, siunnersuisarnerit taakkua aamma pitsaanerusumik massakkut
ingerlanneqalernissaat.
Kisianni taamaaliornermi aamma
nunatsinninngaanniit Danmarkimut suli ukiuni arlaqartuni
aallartittariaqartagassagut aamma taakkua malinnaaffigilluassagigut aammalu
puiussanngikkigut. Oqaatigisinnaavaralu massakkut Vordingborg Amtshospital-imik
suleqateqarneq, pisortaqarfimminngaanniit pitsaasumik aaqqissuulluakkamilllu
ingerlanneqartutut oqaatigineqarsinnaammat, tassa aalajangersarneqartut
suliqatigiit assigiinngitsut qanoq amerlatigisut naapittartussat aammalu
assigiinngitsutigut taamatut suleqatigiinneq aaqqissuussaasumik
ingerlanneqarpoq aammalu tamanna taamatut ingerlaannarnissaa angorusupparput.
Tamatuma aamma ilaatigut
kingunerivaa, aammalumi oqallinnerit annertuut tusagassiutitigut, kisiannili
aamma suleqatigiinnikkut paaseqatigiinnikkut maannakkut anguneqarsimavoq
Vordingborg-imi tarnimikut napparsimasut atugarisaat aammalu avatangiissaat,
inaat ukiunut arlaqanngitsut matuma siornatigumut massakkut pitsaaneroqisumik
inissisimalersimammata. Soorunalimi tamanna qujamasuutigalugu naammagiinnarlugu
nakkutiginnikkunnaassanngilagut. Aamma nakkutiginnittuarneq piumasaqartarnerlu
pisariaqartillugu taanna ingerlanneqartuartariaqartoq.
Nuannaarutigivara aamma
oqaatigineqarmat tikeraartarneq, napparsimasut tikeraartarnerat taanna
aalajangersimanerusumik ukiut tamaasa aaqqissuunneqarnissaa aamma
ilalerneqartoq. Soorlulu oqareersunga 1997-mi taassuma siornga, massakkorpiaq
eqqaamaqqissaangilara qanoq pisoqarsimanera, kisianni siorna tamarmik
tikeraartinneqarput aammalu naatsorsuutigaarput ukioq manna tamanna
periarfissaassasoq, kisianni soorlu oqareersunga inatsisitigoortumik tamanna
aalajangersagaangilaq, taamaattumillu aamma taannartaa misissorneqarpoq.
Taamatut oqaaseqarlunga aamma
naatsorsuutigaara oqaaseqaatigineqartut misissugassat apeqqutillu arlallit
aamma Peqqinnissamut Ataatsimiitsitaliami oqallisigineqarumaartut,
taamaattumillu aamma periarfissaqaqqikkumaartugut apeqqutip uumap
uterfigeqqinneqarnissaanut.
Tassalu naggataarutaasumik
oqaatigissallugu tarnimikkut nappparsimasut taakkununngalu ilaqutaasut
sullinneqarnerat maannamut naammaginanngilaq, innuttaaqatigut taakku, amerlaqisut,
nunatsinniittut Danmarkimiittullu pitsaanerusumik pisariaqalerpavut aammalu
taamaalilluta taakkua napparsimasut kisimik pitsaanerusumik
atugaqalissanngillat, napparsimasut ilaqutaasut aammalu inuiaqatigiit
peqqinnerusut nukittunerusullu aamma taamaasilluta anguniarsinnaavavut.
Anthon Frederiksen,
Kattusseqatigiit:
Ukioq 2000-t tamatta
peqqissuusussaavugut. Unali isumaqarpunga pingaaruteqarluinnartoq paasissallugu
aamma Peqqinnissami Ataatsiimiitsitaliami suliap ingerlateqqinnerani
misissussallugu qulaajasallugulu soqutiginaateqartoq isumarpunga tassaasoq,
sooruna ukiuni kingullerni nunatsinni tarnimikkut nappaatillit taamak
amerleriapiloortigisut. Suna pissutaava ? Soorunami suliniut pimoorullugu
suliniutigissagaanni aamma nappaatit assigiinngitsut aallaavii, pilertarneri
pissutaalu paasissallugit soqutiginarpoq. Oqaannartoqarsinnaangilaq taanna
nappaat akiorniartariaqarpoq, nungutinniartariaqarpoq. Kisianni aamma
tunngavia aallaavialu misissortariaqarpoq.
Oqaaseqarninni oqaatigisama
ilagivaat palasit ajoqillu ukiuni kingullerni aamma tarnimikkut
ilungersuuteqartunik annertuumik suliaqartalersimanerat, isumaqarpunga aamma
tamanna maluginiartariaqartoq, asuliinnaangilaq. Aamma nunaqarfinni aamma
tamanna malunniussimavoq, taamaattumik inuiaqatigiinni ukioq 2000-t tamatta
peqqissuussagutta, suliassagut amerlapput, ukiup aappaa affaq anguniagassagut
amerlaqaat. Tassami suut tamarmik ataqatigiipput. Ikiaroornartoq qanoq
sunniuteqarpa tamatumani aamma. Taamaattumik inassutigiinnassuara
Peqqinnissamut Ataatsimiitsitaliami suliareqqinneqarnissaani aamma tamakku
ilanngullugit tamarmik nalilersorneqarumaartut.
Kristine Raahauge, Siumut:
Anders Nilsson-muna una ersarissumik
oqaatigimmagit, tassa Vordingborg-imi sullissinerup
isumaqatigiissutiginiarnissaa ukiunik killilerlugu, taanna aamma
taperserniarlugu tassa Siumumi eqqartuinitsinni ukiut tallimat angullugit
ajornartorsiutitta qaanginngikkallarnissaanut, tassa nuutsitinissatsinnut
piareersimanissatsinnut eqqartuinitsinni eqqaasimavarput, taamaasillutik
massakkut tarnimmikkut nappaatilinnik katsorsaanerminni tigumminnittut
atugarisaanik pitsaasumik aaqqissuussinissaanik periarfissinniarlugit.
Taavalu aamma massakkut eqqartorneqartoq
Nuummut nuunnissaa, taannalu uagut soorlu oqaaseqarnitsinni oqartugut,
peqqinnissaq tamaat isigalugu aaqqissuussinermut tunngatillugu
aalajangiinissaq. Uanilu tarnimikkut nappaatillit katsorsarneqartartut piffimmi
ataatsimi eqiteruppallaanerannut aamma uparuaavugut taamak
pisoqannginnissaanik. Ila aamma tamaani Nuummi sulisut tamanna eqqaasimammassuk,
maani soorlu ulloq unnuarlu sullinniakkatik amerlavallaaneri peqqutigalugit
aamma ajornartorsiutaasartoq.
Ataatsimiinermi aqutsisoq: Inatsisartut
Siulittaasuat, Anders Andreassen, Siumut:
Taamaalilluni ullumikkut oqaluuserisassaq immikkoortoq
13, tarnimikkut napparsimasunik katsorsaanerup Kalaallit Nunaannut
nuunneqarnissaa pillugu nassuiaat oqaluuserineqarnera tamaannga killippoq
aammalu ullumikkut oqaluuserisassavut tamakkerpavut. Taavalu aqagu
pingasunngornermi makku oqaluuserisassatut siunniunneqarput.
Immikkoortoq 2. Oqaluuserisassat pillugit
nassuiaat nangeqqinneqarnera.
Taavalu immikkoortoq 18.
Naligiissitaanissamut siunnersuisoqatigiit pillugit Inatsisartut
inatsisissaanut siunnersuut, siullermeerneqarnera.
Immikkoortoq 26. Kalaallit Nunaata
imartaani aalisarfiusuni 1998-mut TAC-t pisassiissutillu pillugit
Inatsisartunut nassuiaat.
Immikkoortoq 22. Oqaatsinik
pikkorissartitsineq pillugu ukioq 1997-mut nalunaarut. Kiisalu
pingasunngornikkut apeqquteqaatit marluk.
Siulleq Anthon Frederiksen-imit
apeqquteqaat. Taavalu aappaat Inatsiartunut ilaasortap Josef Motzfeldt-ip
apeqquteqaataa.
Ullumikkullu ataatsimiinneq tamaannga
killeqarpoq.
Oqaluuserisaq naammassivoq.
Ataatsimiinnermik aqutsisoq, Inatsisartut
Siulittaasuat, Anders Andreassen:
Inatsisartuni ilaasortaq Karl Lyberthip
april 24-aniit qanoq sivisutiginissaa aalajangerneqanngitsumik
Siulittaasoqarfimmiit akuerineqarpoq arnami toqunera pissutigalugu
ataatsimeeqataan-ngikkallarnissaminik.
Tamatumunnga peqatigitillugu
siulittaasoqarfiup Elisa Kristiansen sinniisussatut aggersarpaa, Elisa
Kristiansen Inatsisartunut qinigaasinaassuseqarpoq.
Siulittaasoqarfiup Inatsisartunut
inassutigissavaa Elisa Kristiansen Karl Lyberthimut sinniisussatut
Inatsisartuni ataatsimeeqataassasoq, qanoq sivisussuseqarnissaanik
aalajangiiffigineqanngikkallartumik.
Tassunga tunngasumik
oqaasissaqartoqarnerluni? Naamik.
Elisa Kristiansen qinnuigissavakkit
Inatsisartuni issiavissannut ingeqqullutit - tikilluarit.
Taavalu aamma ullumikkut 29. april
silagissuup ataani, Atassut partiitut 20-nik ukioqalerneranik
pilluaqqungaarparput.
Immikkoortoq 2; Oqaluuserisassat pillugit
nassuiaat, nangeqqinneqarnera.
Immikkoortoq 18; Naligiissitaanissamut
siunnersuisoqatigiit pillugit Inatsisartut inatsisissaannut siunnersuut
siullermeerneqarnera.
Immikkortoq 26; Kalaallit Nunaata
imartaani aalisarfiusuni 1998-imut TAC-t pisassissutillu pillugit
Inatsisartunut nassuiaat.
Imikkoortoq 22; oqaatsinik Pikkorissarfik
pillugu ukioq 1997-imut nalunaarut.
Kiisalu pingasunngornikkut apeqquteqaatit
marluk, immikkoortoq 35 Inatsisartunut ilaasortap Anthon Frederiksenip
apeqquteqaatigaa nunatsinni nakorsassaaleqineq kigutillu nakorsassaaleqineq
aaqqiissuteqartinniarlugu Naalakkersuisut qanoq pilersaaruteqarnersut.
Ammalu immikkoortoq 39, tassa
apeqquteqaat. Inatsisartunut ilaasortap Josef Motzfeldtip
apeqquteqaatigiitigalugu siunnersuutigaa Naalakkersuisoqarfinni
siunnersuisoqatigiit qassit amma suut atortuuneri, sunik suliassaqartitaaneri, qanoq
aningaasatigut atugassaqartitaaneri kiisalu immikkut qassinik
sulisoqartitaaneri pillugit nassuiaasoqassasoq.
Siulliullugulu immikkoortoq aappaat
oqaluuserisassat pillugit nassuiaat imaattoq oqaatigilaassavara.
Siulittaasoqarfiup makku Inatsisartunut
inassuteqaatigissavaai, ulloq 28. april 1998-imi Inatsisartut upernaakkut
katersuunneranni ullunik ataatsimiiffiusussani 8-niit 13-at ilanngullugu oqaluuserisassat
inassutigineqartussatut nalunaarsukkat agguaanneqarput.
Naalakkersuisut allattoqarfiata
allakatigut ulloq 24. april 1998-mi nalunaarutigaa Naalakkersuisut
Inatsisartut siulittaasoqarfiat qinnuteqarfigigaa, oqaluuserisassani
immikkoortup 8-p, ineqarnermut tapiissuteqartarnerup inatsisitigut
atulertinneqarnissaa kinguartinneqassasoq.
Naalaakersuisut ilanngullugu
qinnuteqaatigaat oqaluuserisassani immikkortoq 20, radiokkut TV-kullu
aallakaatitsisarneq pillugu nassuiaat aamma kinguartinneqassasoq.
Immikkoortut taaneqartut
oqaluuserisassatut siunnersuutini ilanngunneqanngillat.
Immikkoortunut 14-imut 15-imullu
paasissutissat april 28-ni 1998-imi suli tiguneqanngimmata Siulittaasoqarfiup
kingusinnerusukkut taakkununnga immikkut inassuteqaateqarnissani sillimaffiginiarpaa.
Siulitaasoqarfiup ilanngullugu
oqaatigissavaa, immikkoortoq 25, aalisarnermut inatsisip
allan-ngortinneqarnissaanut siunnersuut 4. maj 1998-imi siullermeerlugu
oqaluuserineqassasoq , suliassamut paasissutissatut saqqummiussassaq, 29. april
1998-imi oqaluuserineqarnissaminik piffissaq eqqorlugu tiguneqanngimmat.
Taamatut oqaaseqarluta Siulittaasoqarfiup
matumuuna inassuteqaataa saqqummiuppaa.
Tassunga tunngasumik
oqaasissaqartoqarnerluni.
Maliinannguaq Markussen Mĝlgaard, Inuit Ataqatigiit:
Ineqarnermut Ataatsimiititaliamut
ilaasortatut Aningaasaqarnermut Ineqarnermullu Naalakkersuisumut
apeqquteqaatigerusuppara, tassa Boligstĝtte-mut tunngasut kinguartinneqarmata,
aammalu oqaatigineqarani qaqugumut oqaluuserineqassanersut.
Tassami siorna aamma
naammagittaalliutigisimagatsigu ineqarnermut tunngasut eqaartornerani,
Boligstĝtte-mut tunngasut ilanngunneqarsimanngimmata. Kisiannili tassa ukiarmi
Boligstĝtte-mut tunngasut Inatsisartunut maani sammisimavagut, ilaatigullu
neriorsuutigineqarsimammat upernaaq manna allannguutissanik
siunnersuuteqartoqarumaartoq aammami nalunngisatsituut Boligstĝtte pillugu
inatsisit pisoqanngorsimaqaat aammalu pinartunngorsimavoq isumarput malillugu
piaartumik nutarterneqarnissaat.
Tassunga tunngatillugu taanna apeqqutigerusuppara,
Boligstĝtte pillugu oqaluuserinninnissaq qaqugumut kinguartinneqarnersoq,
naatsorsuutigisinnaanerippullu upernaaq manna oqaluuserineqarnissaa.
Knud Sĝrensen, Atassut:
Siullermik soorunami Siulittaasoqarfiup inassuteqaataai uku Atassut-minngaanniit akuerissavagut.
Kisianni Atassut-minngaanniit ippinnartortaqartipparput, tassa uani Naalakkersuisuninngaanniit qinnuteqaataasut kinguartitsiniarnermik suna pissutigalugu kinguartikkumaneqartut takusinnaannginnatsigu.
Piffissaq peqqutaasimanersoq, tassami ullormut oqaluuserisassat maani aallartilluta oqaluuserigatsigit Naalakkersuisut Siulittaasuat oqarmat, oqaluuserisassanut Naalakkersuisuninngaanniit tunniunneqartut piffissaq eqqorlugu tunniunneqarsimasut.
Taamaattumik paasiuminaappoq qanoq ingerlasoqarnersoq.
Ukiigatta (siorna)
assiginnginnarpaat?
Daniel Skifte, Aningaasaqarnermut Ineqarnermullu Naalakkersuisoq:
Siullermik Inatsisartut
Siulittaasuaninngaanniit pilluaqquneqarnerput Atassut-ip 20-liinerani
tuppalliutigalugu qujanartutut tiguarput, qujanarujussuaq.
Maliinannguaq Mĝlgaard Markussen-ip
apeqqutaa akissavara.
Nassuiaat naatsorsuutigineqarpoq
upernaaq manna tunniunneqassasoq, kisianni inatsisiliornissaq Boligstĝtte
pillugu, taanna pilersaarummit annertuneruvoq.
Misissueqqissaarnerit takutippaat
Boligstĝtte-imut aaqqissuussineq 1953-iminngaanniit Inatsisartuni aammalu
Landsrċde-toqqani allanngorteqáttaartoq suliassaq angisuupilussuuvoaq, taamaattumillu
inatsisiliorneqassaguni, taava Inatsisartuni piareersarneqarpoq maanna
akisussaaffimmik anginerusumik saqqummiunneqassasoq.
Oqarputittaaq nutarterlugu,
kisiannilu nutartiinnassanngilaq, siunnerfillu nutaaq aallaavigalugu tassalu
taanna pillugu naatsorsuutigineqarpoq nassuiaat apuukkumaartoq, upernaaq manna.
Kisiannili inatsisiliornissaq nammineq ukiamut siuliini taasakka,
Boligstĝtte-imut tunngasut 1953-iminngaanniit allanngorartittuarneqarsimatut
ukiorpassuarni, taakkua nalileriarlugit allaanerusumik aaqqiinissaq
siunnerfiugami.
Taannalu pillugu upernaaq manna
inerneqarsinnaanngilaq.
Anthon Frederiksen, Kattusseqatigiit:
Apeqqutissakka
apeqqutigineqareerput, kisianni Aningaasaqarnermut Ineqarnermullu Naalakkersuisup
akissutaa naammaginngilara.
Pissutigalugu nassuiaat ataatsimiikkatta
tunniunneqareerpoq, aamma Inatsisartuni oqaluuserineqarpoq.
Neriorsuisoqarporlu ukioq, massakkut
upernaakkut ataatsimiinnitsinni Boligstĝtte-mut tunngasut aaqqissuunneqarneri
aallartinneqassasut, taamaattumik ilaatigut naatsorsuutigilluinnarsimavarput
Boligstĝtte-mut tunngasut suliassat massakkut suliarineqassasut.
Aammami Naalakkersuisut
suinnersuutaanneereermata suliassanut ilaallutik. Taamaattumik eqqumiiginarpoq
sooq ineqarnermut tunngasut massakkut peerneqartoq.
Soorlu aamma ilaatigut Knud
Sĝrensen-iminngaanniit iluamik oqaatigineqarpoq. Taamaattumik
paatsuunganartippara uanga soormi tassunga tunngasut nukinginnartutullu
isigisariaqartut kinguartinniarneqarnerat akuersaaruminaatsippara.
Pisariaqartinneqaqimmat annertuumik.
Jonathan Motzfeldt, Naalakkersuisut Siulittaasuat:
Naalakkersuisut ukiarmili aamma
ammaanermut ilanngullugu Kalaallit Nunaanni illoqarnerup tungaatigut
ajornartorsiutit annertuumik alaatsinaatiinnarnagit kisiannili
iliuuseqarfiginiarlugit oqaaseqarfigisimavaat.
Amma Boligstĝtte-mut tunngatillugu
aaqqiiniarnerit tassani ilaapput. Isertuutissanngilarput maannakkut
bloktilskud-inik isumaqatigiinninniarneq ilaatigut Danmark-imi qinersinerit,
Naalakkersuisunut oqaloqatiginninnerni aamma kinguartoorutitsinnut ilaammata.
Pissutsinik aamma uagut ilaatigut
aqussinnaanngisatsinnik avataaniit pisoqartarmat eqqaamaasavarput. Qaqugu
dansk-it qinersissanersut uagut aalajangersinnaanngilagut, aamma allallu
dansk-it naalakkersuinikkut iliuusaat.
Kisianni isumaqatigiinniarnigut
aamma illoqarnermut iluarsaassinissanik, ilaatigullu Boligstĝtte-mut
tunngasumik aaqqiiniarnitsinnik siunnerfigisagut maannakkut
naammassisinnaasimanngilagut isumaqatigiinniarnerni.
Taamaattumillu
isumaqatigiinninniarnerup ingerlaqqinnissaa maannakkut maj-ip qiteqqutilernerani
Finansminister-ip siunnersuutigaa inerniassagigut.
Inerniaanermilu tassani
illoqarnikkut, iluarsaassinissamut allanullu tunngasut tassani aamma ilaammata.
Erseqqinnerusumik paasisaqarnissarput tassani aamma pissutaasunut ilaavoq,
taanna oqaatigerusuppara.
Daniel Skifte, Aningaasaqarnermut Ineqarnermullu Naalakkersuisoq:
Paasilluarsinnaavara
Kattusseqatigiit naammaginnimmassuk nassuiaat, kisianni una aamma naammaginnginneranut
tunngasoq, tusaasinnaasakka najoqqutaralugit kukkusumik aallaaveqartoq
naqqiissutiqalaarfigerusuppara.
Boligstĝtte pillugu ukiarmi Inatsisartut oqalliltinngillat. Ukiarmi oqallipput ineqarnermut nassuiaat pillugu, oqallinnerullu taassuma inerneraa, Boligstĝtte-imik atukkagut qaffatsinneqassasut, tassalu Naalakkersuisut pilersaaruteqarput taamaattumik saqqummissallutik upernaaq manna.
Taavalu pisut siusinnerusukkut oqaatigisakka peqqutigalugit inatsisiliortariaqaratta pingasoriagassamik, taavalu naliligassaalersimavoq siullermeeriarlugu ukiamut pissanersoq, imaluunniit ataatsikkoortumik Boligstĝtte-mut apeqqut ismannaassanersoq, tassa suliassap anginerpaartaa isumannaatsumik pissappat ukiut 40-it missaanni allanngorarnerit tamaasa aamma qulaarqaartariaqaramik.
Tassalu taanna peqqutigerpiarpaa taamatut nassuiaatip saqqummersinniarneqarneranut, kisiannili nammineq inatsisiliornermut tunngasortaa ukiamut kinguartinneqarneranut.
Anders Andreassen, ataatsimiinnermik aqutsisoq, Inatsisartut Siulittaasuat:
Taamaalilluni oqaluuserisassat pillugit nassuiaat naammassigallarpoq, aamma uterfigeqqinneqarumaarpungaasiit.
Oqaluuserisaq naammassivoq.