Kalaallit Nunaanni Inatsisartut

Oqaluuserisassani immikkoortoq 32		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Ataasinngorneq 11. Maj 1998 nal. 16.11

 

Oqaluuserisassani immikkoortoq 32

 

Inatsisartunut ilaasortap Naimanngitsoq Petersenip siunnersuutaa aalajangiiffigisassaq:

Aalisarnermut, piniarnermut nunalerinermullu ikiorsiissuteqarneq pillugu Inatsisartut peqqussutaanni nutaanik umiatsiaarartaarniarnermi ikiorsiissuteqarnermut malittarisas­sat allanngortinneqarnissaannik siunnersuut.

 

 

 

Ataatsimiinnermik aqutsisoq: Inatsisartut Siulittaasoqarfianni ilaasortaq Finn Karlsen.

 

Naimanngitsoq Petersen, siunnersuuteqartoq, Atassut:

Aalisarnermut, piniarnermut nunalerinermullu ikiorsiissuteqarneq pillugu Inatsisartut peqqus-sutaanni nr. 8, ulloq 31. oktober 1996-imi ' 8 naapertorlugu nunatsinni aalisartut piniartullu umiatsiaararsortut umiatsiaaqqanik nutaanik pisaarniarnerminni ikiorsiivigineqarnissaminnut periarfissaqartinneqarput. Ikiorsiissutit umiatsiaaqqap akiata 75 %-iannik amerlassuseqarsin-naapput. Taamaalilluni 25 %-i sinneruttoq qinnuteqaateqartup nammineerluni amerlanertigut akilertariaqartarpaa. Assersuutigalugu taaneqarsinnaavoq ANuummit 19@ 155.000 kr.-t missaanni akeqarpoq; aningaasallu taaneqartut 25 %-iat akilissagaanni 40.000 kr.-t missaanni naleqarpoq.

 

Naluneqanngitsutut tamatumap naammassiniarnissaa ajornakusoortorujussuuvoq - pingaartumik isorliunerusuni nunaqarfinnilu. Pissutsit taaneqartut iluarsiiviginissaat pisussaaffigaavut - aalisartut umiatsiaararsortut isumannaalisaaviginissaat piumasaqaatigissagutsigu. Nunaqarfinni isorliunerusunilu piniartut aalisartullu umiatsiaararsortut aningaasaqarnikkut atugaat eqqarsaati­galugit pisariaqarpoq umiatsiaarartaarniarnermi ikiorsiissuteqarnermut malittarisassat allanngor­tinneqarnissaannut aaqqiissutissanik nassaarniarnissaq - tamatumani anguniarlugu qinnuteqartup nammineerluni akiligassaata ullumikkut 25 %-iusup affaata missaanut appartinneqarnissaa.

 

Taamaammat siunnersuutigissavara, Naalakkersuisut aalisarnermut, piniarnermut nunaleri-nermullu ikiorsiissuteqarneq pillugu Inatsisartut peqqussutaata allanngortinneqarnissaa pillugu siunissami siunnersuuteqarnerminni umiatsiaaqqanik nutaanik pisaarniarnermi ikiorsiissuteqar­neq pillugu malittarisassat allanngortinneqarnissaannut siunnersuut ilanngutissagaat - tamatuma­ni anguniarlugu, pisaarniarnermi qinnuteqaateqartup nammineerluni akigassaata  appartinneqar­nissaa - affaata missaanut; malittarisassani immikkut siunniunneqassaaq, qinnuteqaateqartut nunaqarfinneersut isorliunerusuneersullu periarfissaasa pitsaanerulersinneqarnissaat anguniarlu­gu.

 

Inatsisartunut ilaasortap Naimanngitsoq Petersenip, umiatsiaaqqanik sanarlaanik pisaarniarnermi tapiiffigineqartarneq pillugu malittarisassat allanngortinneqarnissaanik siunnersuutaa, Aalisarner­mut, piniarnermut nunalerinermullu tapersiisarneq pillugu Inatsisartut peqqussutaanni nr. 8-imi, 31. oktober 1996-imeersumi, Inatsisartut peqqutaatigut nr. 19-ikkut, 6. november 1997-imeer­sukkut allannguuteqartinneqartumi, ' 8-mut tunngassuteqarpoq.

 

Siunnersuummi anguniarneqarpoq umiatsiaarartaarniarnermi nammineq aningaasaliissutissat 25%-inik annertussuseqartut appartinneqarnissaat aamma malittarisassani immikkut siunniunne­qassalluni qinnuteqartut nunaqarfinneersut isorliunerusuneersullu umiatsiaarartaarniarnerminni periarfissaasa pitsaanerulernissaat anguniarlugu.