Kalaallit Nunaanni Inatsisartut

Oqaluuserisassani immikkoortoq 08-2		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Ullut ataatsimiiffiusut arfersaneq pingajuat, pingasunngorneq 2. april 2003 nal. 14:18.

 

 

Oqaluuserisassani immikkoortoq 8

 

 

Inatsisartut Naalakkersuisullu pillugit Inatsisartut inatsisaata allanngortinneqarneranik Inatsisartut inatsissaattut siunnersuut.

(Naalakkersuisut Siulittaasuat)

(Aappassaaneernera)

 

Johan Lund Olsen, Inuit Ataqatigiit.

Qujanaq. siulittaasoq. Kisianni una oqaatigilaarusuppara oqaluuserisassaq siulianiittoq tassa taanna aamma taasissutigisussaagaluaratsigu kisianni tassa taasissutiginngitsooratsigu isumaqarpunga uterfigilaarlugu taanna aamma taasissutigilaartariaqassagipput. Kisianni maannakkut tassa Inatsisartut Naalakkersuisut pillugit inatsisartut inatsisaata allanngortinneqarneranik Inatsisartut inatsissaattut siunnersuutaat massakkut sammineqarpoq, tassalu aappassaaneerparput maannakkut.

 

Tassani inatsisissatut siunnersuut taamatut iluseqarluni inatsiseqarnermi ataatsimiititaliami isumaqatigiittumi akuersissutigineqarnissaa inassutigineqarmat nalunaarutigiinnassaara Inuit Ataqatigiit ullumikkut aappassaaneerinninnermi akuersilluta taaseqataassagatta. Kisianni oqaatigeriikkattuut aatsaannguaq siuliani taasissutissaraluarput taasissutigineqanngimmat. Pinngitsooratalu aappassaaneerigaangatta pingajussaaneerigaangattalu taasissassagatta taanna noqqaassutigilaarpara taasisoqartariaqarmat.

 

Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.

Taava ataatsimiinnermi siulersuisutut siunnersuutigissavara taanna siunnersuut taasissutigissagipput. Nalornisoqaqqunagu. Siunnersuut taamak isikkoqarluni pingajussaaneernissaanut ingerlaqqinnissaa isumaqataasut qinnuigissavakka nikueqqullugit. Normu 8. 7, ineerparput. 29-t akerliusoqarpa. Naamik taasinngitsoortoqarpa? Taamalilluni aamma 8 suliarineqarnera naammassivoq.