Kalaallit Nunaanni Inatsisartut

Oqaluuserisassani immikkoortoq 124-2

[ Ataatsimiinnerit ] [ Tilbage ] [ Op ] [ Nęste ]

Siullermeerneqarnera Aappassaanneerneqarnera Pingajussaaneerneqarnera

Ullut ataatsimiiffiusut arfersaneq pingajuat, pingasunngorneq 2. april 2003 nal. 14:22.

 

 

Oqaluuserisassani immikkoortoq 124

 

 

Inatsisartut suleriaasiata allanngortinneqarnissaa pillugu siunersuut.

(Inatsisartut Siulittaasoqarfiat)

(Aappassaaneernera)

 

Aqqaluk Lynge, oqaaseqartoq, Inuit Ataqatigiit.

Inuit Ataqatigiinnit oqaannassuugut aap aamma taanna suli atuuppoq. Unaana erseqqissaatiginiaannarlugu massakkut Inatsisartut suleriaasianni allannguuteqarnissaannut akuersinissatsinnut saqqummiunneqartoq una Inatsisartut ataatsimiinnissaanut siunnersuutip sapaatip akunneri tallimat sioqqullugit nassiusisalernissaq sivitsorneqarmat. Tamanna Inuit Ataqatigiinniit erseqqissarusupparput tassa peqquteqarmat Inatsisartut siunnersuutaasa iluamik piffissaqarfigineqarlutik sukumiisumillu pisortatigoortumik suliarineqartalernissaat taamaalillugu naatsorsuutigisariaqassagatsigu. Taanna erseqqissarumaniaannarpara.

 

Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.

Inuit Ataqatigiit oqaaseqartuata erseqqissaataa aamma taanna taamaalillugu tiguarput. Taava naatsorsuutigaara tassa taamaalilluni tamanit isumaqatigineqartoq taamak isikkoqarluni pingajussaaneerneqarnissaminut ingerlanneqarnissaa. Qujanaq.