Oqaluuserisassani immikkoortoq 131 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ullut
ataatsimiiffiusut 21-at, marlunngorneq 8. april 2003, nal. ??.
Immikkoortoq
131
Maniitsup umiarsualiviata siunissami
tallisinnaaneranut tunngatillugu Naalakkersuisunut apeqqut.
(Enos
Lyberth)
Enos
Lyberth, apeqquteqartoq
Siumut.
Qujanaq.
Pisortaqarfik
qulaani taaneqartup Maniitsup kommuneanut allakkiaa 5. marts 2003-mi
ullulerneqarsimasoq tunngavigalugu Maniitsumi umiarsualiveqarnermut
sanaartortitsinissaq ukiut qulit angullugit pilersaarutigineqanngitsoq
paasivarput. Tamanna naammaginanngitsutut isigaara, siusinnerusukkummi
Naalakkersuisoqarfimmut saaffiginnittoqartarsimammat.
Inatsisartunut
ilaasortatut tamatuuma Pisortaqarfik qulaani taaneqartoq apererusuppara ?
Maniitsup kommueata pisariaqartutut isigiuarsimammagu ? Maniitsumi
umiarsualiveqarnerup pitsanngorsaaffigineqarnissaa Naalakkersuisut
pilersaaruteqarnersut?
Apeqquteqaatinnut
tunngaviuvoq Maniitsup kommuniata anignaasaleeqataassutissanik 2003-imi
pitsanngorsaanissamut immikkoortitsisimammat naatsorsuutigalugu Namminersornerullutik
Oqartussaniit tapersersorneqarltuk tapiiffigineqarumaarlutik.
Qujanaq.
Jonathan
Motzfeldt,
ataatsimiinnermi aqutsisoq, Inatsisartut Siulittaasuat, Siumut.
Akissuteqassaaq
Attaveqatigiinnermut Naalakkersuisoq.
Mikael
Petersen, Attaveqarnermut,
Avatangiisinut Ineqarnermullu Naalakkersuisoq, Siumut.
Qujanaq.
Inatsisartunut ilaasortap Enos Lyberth-ip Naalakkersuisunut apeqqummini
erseqqissaatigaa Maniitsup kommuniata umiarsualiviup tallineqarnissaanut
pitsanngortinneqartinnissaanullu aningaasaliinissaq pisariaqartikkaa.
Ataatsimiinnermi
matumani siusinnerusukkut umiarsualiveqarnermut pissutsit
oqaluuserineqartarneri assigalugit, Kalaallit Nunaanni umiarsualiviit
annertusaaffigineqarnissaannut pilersaarusiortoqarsimanera
innersuussutigissavara. Suliffeqarfimmit siunnersuisartumit, umiarsualivinnik
annertuumik atuisut tassa Royal Arctic Line A/S, Arctic Umiaq Line A/S taavalu
Royal Arctic Bygde Service A/S kiisalu Aalisarnermik annertuumik ingerlatsisut
tassunga ilaalluni Royal Greenland A/S peqataatillugit pilersaarut taanna
suliarineqarsimavoq.
Pilersaarut
2002-imi upernaakkut ataatsimiinnermi Inatsisartunut agguaanneqarpoq,
oqaatigineqarluni pilersaarut atuisunit taaneqartunit paasissutissanik
pissarsiniareernermi suliffeqarfiup siunnersuisarfiup isumaanik taamaallaat
ersersitsinerusoq. Tamatuma kingorna naalakkersuisoqarfiga annertusaanissamut
pilersaarummi siunnersuutit inuiaqatigiit aningaasaqarnerannut sunniutissaanik
misissueqqissaarluni aallartippoq.
Misissueqqissaarneq
taanna naammasseriarpat siunissami umiarsualiveqarfiit
aningaasaliiffiginissaanni Inatsisartut pingaarsiuillutik
tulleriiaarinissaminnut aalajangiinissaminnut tunngavissaqarlualissapput.
Kommunit umiarsualiveqarfii pillugit kissaatigisaat nassiunneqartarput kommunit
ukiumoortumik sanaartugassaminnik kissaatigisaannut peqatigitillugu.
Ukiumoortumik sanaartugassat pillugit isumasioqatigiinnermik kissaatigineqartut
taakkua ataatsimoortumik sanaartugassat pingaarnersiorlugit
tulleriiaarneqarneranni ilanngunneqartarput.
Taamaalilluni
kommunimi umiarsualivik pillugu Maniitsup kommunia kissaatiminik aamma
nassiussisimavoq, kissaatigisat taakkua sanaartugassat pillugit
isumasioqatigiinnermi taaneqartumi saqqummiunneqarumaarput
umiarsualiveqarfiillu pillugit kissaatigisat allat assigalugit
oqaluuserineqarumaarlutik.
Jonathan
Motzfeldt,
ataatsimiinnermi aqutsisoq, Inatsisartut Siulittaasuat, Siumut.
Apeqquteqartoq
Enos Lyberth.
Enos
Lyberth, apeqquteqartoq
Siumut.
Qujanaq.
Naalakkersuisup akissuteqaataanut qujavunga. Tassani ilaatigut pilersaarut
2002-immersoq taammagu isummani taamaallaat ersertitsiniaanerusoq, tassa
aalajangiiffigineqarsimanngitsoq, taavalu aamma allaassutigaa ilaatigut
allakkiaq marts 2003-imi Maniitsumut allaatigineqarsimasoq aamma tassani
paasivara aalajangiiffigineqarsimanngitsoq.
Taavalu
aamma paasivara nutaanik misissuititsisoq taakkualu Maniitsup kommuianut
ingerlatseqqissavakka taakkua (naleqarnerusumik ??)?. oqaseqarfigisassaappat
oqaaseqarfigiumaarmassuk. Taavalu aamma matumani ilisimatitsissutigilaassavara
eqqaasilaarlugulu Maniitsup kommunia ukioq manna allaat aningaasarpaalussuarnik
immikkoortitsisimammat, tassa paasivara Maniitsup kommunia sanaartugassanut
ilaatigut 2 mill.kr.-ninik immikoortitsisimasoq ukioq manna taavalu ikiuni
tulliuttuni aamma millioninik arlariinnik immikkoortitsinissaminik aamma
pilersaaruteqartoq.
Taavalu
soorlu oqartunga Maniitsup kommunia tamatuminnga ilisimatikkumaarpara taavalu
Maniitsup kommuniata aamma ilisimatitsissutigissavara suliassaq
malersuiffigeqqikkumaaraa tamatumani oqaasissaqarfigissagunikku.
Qujanaq.