Kalaallit Nunaanni Inatsisartut

Oqaluuserisassani immikkoortoq 24-2

[ Ataatsimiinnerit ] [ Tilbage ] [ Op ] [ Nęste ]

Siullermeerneqarnera Aappassaanneerneqarnera Pingajussaaneerneqarnera

Ullut ataatsimiiffiusut arfersaneq pingajuat, pingasunngorneq 2. april 2003 nal. 14:12.

 

 

Oqaluuserisassani immikkoortoq 24

 

 

Namminersornerullutik Oqartussat Kalaallit Nunaannut makku atortuulersinneqarnissaat inatsisartut aalajangiiffigisassaattut siunnersuut aktiaateqarluni ingerlatseqatigiiffiit pillugit inatsisip nutaap, piginneqataassuteqarluni ingerlatseqatigiiffiit pillugit inatsisip nutapp, Suliffeqarfiit inussutissarsiummik ingerlataqartut pillugit inatsip nutaap kiisalu Suliffeqarfiit inuussutissarsiutit ingerlataqartut ukiumoortumik naatsorsuutit pillugit inatsit Kalaallit Nunaannut atuutilersinneqarnissaannut Namminersornerullutik Oqartussat oqaaseqaataat pillugu aalajangiiffigisassatut siunnersuut.

(Inuussutissarsiornermut Naalakkersuisoq)

(Aappassaaneernera)

 

Kuupik Kleist, Inuit Ataqatigiit.

Isumaliutissiissut soorunami akuersaarparput Ataatsimiititaliami akuersaarnikuugatsigu. Kisianni una eqqaasitsissutigerusullugu siunnersuutip siullermeerneqarnerani akiliisinnaajunnartarneq pillugu inatsisip ilanngunneqarnissaa inassuteqaatigigatsigu. Matumuunalu Naalakkersuisut kajumissaarusuppagut periarfissaq siulleq atorlugu taanna eqqarsaatigeqqullugu akiliisinnaajunnaartarneq  pillugu inatsisip atuutilerneqarnissaa misilittakkat assigiinngitsut pissutigalugit isumaqarpugut pisariaqartinneqartoq taassumap inatsisip aamma ilanngullugu atuutilerneqarnissaa.

 

Aamma kajumissaarutigersupparput eqqartuussiveqarneq pillugu Ataatsimiititaliarsuup suliai tamakkiisumik naammassinngikkaluartulluunniit taassumap atuutilerneqarsinnaanera Naalakkersuisuniit eqqarsaatigeqqullugu.

 

Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.

Tamanna Naalakkersuisut sikisarlutik eqqarsaatigiumavaat. Utoqqatserpunga Naalakkersuisut sikisarlutik eqqarsaatigiumagaat paasivara.

 

Taavalu maannakkut siunnersuut taanna immikkoortoq 24,  tassanilu aamma taaneqartut ilanngullugit taamak iluseqarluni inussussutissarsiornermut Ataatsimiititaliap inassuteqaataa isumaqatigiittup taasissutigissavarput.

 

Tamatumunnga isumaqataasut qinnuigissavakka nikueqqullugit. 31-t tamarmik isumaqataapput. Taamaalilluni immikkoortoq 24. naammassineqarpoq.