Oqaluuserisassani immikkoortoq 57-1 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ullut
ataatsimiiffiusut qulingat, pingasunngorneq 19. marts 2003, nal.
Isak Davidsen, siunnersuuteqartoq, Atassut.
Siullermik oqaatigissavara Kangaatsiaq minissimagakku, aamma utoqqatsissutigissavakka toqqusaakka.
Nunatsinni palaseqarfinni 8-uni palasit illuini atasunik allaffeqartoqarpoq, innaallagissamik kiisalu kiassarnermut atasumik ikumatissamik atuinikkut tapiiffineqarneq ajortunik. Nunarput tamakkerlugu palasit angerlarsimaffimminni allaffissornermut qaammammut tapisiaqarput 416,67 kr. ukiumut 5.000 kr.-inik.
Palasit allaffeqartitaanerannut maluginiarniartariaqartoq aanna, palasit atorfinittut ineqartinneqarnerannut atasumik inigisaannut atasunik, inuit kikkulluunniit aammalu allagarsuarnik ilagiinnullu tamanut paasissutissanik paarsaqarfiusunik allaffeqartinneqartut, immikkut isiginiarneqartariaqarnerat kialluunniit nalunngilaa innaallagiaq, kiisalu kiassarneq annertuumik aningaasartuutaammat. Allaffiillu kikkunnilluunniit tamanit orninneqarsinnaasut palasit akilersugassarimmatigit atorfeqartitsisulli isumagisassaralugit, palasit akilersugassarinngimmatigit atorfeqartitsisulli isumagisassaralugit.
Patsisiginiarneqassappat inigisamut allaniit akiliutikinnerunerat erseqqissassavara, palasit atorfeqarnerminnut atatillugu ineqartitaasut tamarluinnarmik akiliutitigut assigiimmik pineqarmata. Tamatumanili illup qanoq ittuunera apeqqutaatillugu akiliuteqartitaasarlutik. Akiliutitigulli assigiinngingajalluinnartumik atugassaqartitaallutik.
Inatsisartunut siunnersuutiginiarpara illoqarfiit ukuusut, Avanersuaq, Upernavik, Uummannaq, Qasigiannguit, Kangaatsiaq, Paamiut, Narsaq, Nanortalik kiisalu Ittoqqortoormiit palasip illuanut atasumik allaffeqartuusut qulani taasattut innaallagissamut kiisalu kallerup inneranut tapiiffigineqartalissasut.
Taamatut aaqqiisoqassappat ukiarpaalunni nilliaataajuartoq iluarsiiffigineqartussaavoq, Inatsisartullu piumasaqarfigaakka eqqarsarluarlutik aalajangeqqullugit, pissutsimmi atugassarititaasullu nikinganerujussuisa palaseqarniarneq aamma palasissanik atuartitsinissaq akornusersorsinnaammassuk.
Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.
Tamatumunnga akissuteqassaaq Ilageeqarnermut Naalakkersuisoq.
Arkalo Abelsen, Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq, Atassut.
Qujanaq. Inatsisartunut ilaasortap Isak Davidsen-ip siunnersuuteqarnermini siunnerfigaa Naalakkersuisut palasit, palaseqarfinni aalajangersimasuneersut palasit illuini allaffeqarfittalinni innaallagiaqarnermut, kiassarneqarnermullu taperneqartarnissaannut pisussaaffilerneqarlutik sulissutiginnissasut.
Aallarniutigalugu Naalakkersuisuniit nalunaarutigisinnaavarput Kultureqarnermut, Ilinniartitaanermut, Ilisimatusarnermut, Ilageeqarnermullu Pisortaqarfiup Provsteqarfiit aningaasaqarnikkut atugaat pillugit oqaluffeqarfiillu nalinginnaasumik killiffiat pillugu nalunaarusiorsimammata.
Pisortaqarfiup aamma pissutsit allat misissugaralugit suliarilersaarpai, ingammik qulequttat oqaluffimmi atorfillit pitsaanerusumik atugaqarnissaanut tunngassutillit.
Naalakkersuisut taamaalillutik eqeersimaarfigisorujussuuaat oqaluffimmi atorfeqartut, suliffimminni pitsaasumik atugaqarnissaasa pingaassusia. Tunngavissaqanngitsumillu atorfillit aningaasarsiaqarnermikkut atorfinitsinneqartarnermikkullu immikkoortinneqartassanngitsut.
Siunnerususiortup apeqqummut taassumunnga eqqartuinera pissutsillu piviusut aallaavigalugit Naalakkersuisut siunnersuummut matumunnga ilassutissatut naatsumik misiliillutik ilassuteqalaassapput.
Palasit ilaat atorfimminnik atatillugu ineqartinneqarput, inigisat tamakkua imak paasineqassapput tjenestemandslov-ip aalajangersagai naapertorlugit najussallugit pisussaaffigigaat. Atorfimmit atatillugu ineqarnermut tapiissutinik naatsorsuisoqarsimavoq, taassumalu iluani isumaqatigiissutigineqarsimavoq inigisami allaffittut atugaq akilersuiffigissanngitsoq.
Ineqarnermut tapiissut inigisamut atukkamut tapiissutigineqartartoq nalinginnarmik atorfeqarnermut inigitinneqartartunit appasinneruvoq, tassa A/S INI-p attartortittagaannut sanilliukkaanni. Taamaattoq aamma innaallagissamut kiassarnermullu aningaasartuutaasartut sorleq inigisamut atasuunersoq, sorlerlu allaffittut atukkamut atasuunersoq immikkoortikkuminaattarpoq.
Soorlu Isak Davidsen-ip eqqaagaa, palasit najukkaminni allaffeqarnerminnut aningaasartuutigisartakkaminnut matussutissatut ukiumut 5.000 kr.-inik tapiiffigineqartarput.
Tapiissut taanna tjenestemanditut Kattuffimmut palasit ilaasortaaffigisartagaannut isumaqatigiinnissutigineqarsimavoq. Tapiissut taanna qaffanneqassappat tamanna Kattuffiup palasit ilaasortaaffigisaata siunissami Naalakkersuisunut isumaqatigiinnissutiginiartariaqarpaat. Taamaalilluni siunnersuummi taaneqartoq Kattuffinnut ilaasortaaffigisanut isumaqatigiissutissatut attuumassuteqarmat Naalakkersuisut akuerineqarnissaa innersuussutigisinnaanngilaat.
Qujanaq.
Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.
Partiit
oqaaseqartuinut, Doris Jakobsen, Siumut.
Doris
Jakobsen, Siumup
oqaaseqartua.
Inatsisartuni ilaasortap
Isak Davidsenip meeqqat palasit illuinut atasumik allaffillit innaalla-gissamut
kiassarnermullu tapiiffineqartalernissaannik siunnersuutaa, Siumumiit imatut
oqaa-seqarfigissavarput.
Siumumi
ilisimaaraarput nunatsinni palaseqarfiit iluini pisariaqartitsineq annertusoq.
Taamatullu sulisut atugassarititaanik tunngasunik
pitsanngorsaasoqartariaqartoq.
Naalakkersuisut
akissuteqaatiminni nalunaarutigaat pisortaqarfiit oqaluffinni atorfillillu
atugaannik misissuissasoq, immikkoortinneqartannginnissaat pitsaasumillu
atugaqarnissaat siunertaralugu.
Oqaatigineqartutuut
isumaqatigiissutigineqarsimavoq inigisatut allaffittut atugaq,
akilersuif-fiussanngitsoq. INI A/S-illu attartortigaannut sanilliullugu
akigititaasut appasinnerusut tapiissuteqartarneq tunngavigalugu.
Kiisalu ukiumut
tapiissutaasartoq 5000 krone qaffanneqassappat, tjenestemanditut kattuffiup
palasit ilaasortaaffigisaata Naalakkersuisunut
isumaqatigiinniussutigeqqittariaqaraa.
Naalakkersuisuniit
innersuussineq tunngavigalugu Siumumiit taamatut Isak Davidsenip
siunnersuutaanut oqaaseqarpugut. Suliallu tjenestemandit kattuffiannut
ingerlateqqinneqarnis-saa innersuussutigalugu.
Qujanaq.
Jonathan Motzfeldt, ataatsimiinnermi aqutsisoq, Inatsisartut
Siulittaasuat, Siumut.
Tulliuppoq Ane Hansen, Inuit Ataqatigiit.
Ane Hansen, Inuit Ataqatigiit oqaaseqartuat.
Qujanaq.
Inatsisartuni ilaasortap palasip Isak Davidsenip Atassummeersup siunnersuutaa palasit illuminni allaffeqaatigisut, kiassarnermut innaallagissamullu tapiiffigineqartarnissaanut tunngasoq, tjenestemanditut atorfillit kattuffiata palasit ilaasortaaffigisaasa susassaqarfigim-massuk, siunnersuuteqartumut siunnersuutigiinnassavarput kattuffumminnut isumaqatigiinni-artoqalernissaanut siunnersuunni ingerlateqqeqqullugu.
Taamatutut naatsumik oqaaseqarluta siunnersuut maani oqaluuserineqassanngitsoq inassuti-giinnassavarput.
Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.
Tulliuppoq Jakob Sivertsen, Atassut.
Jakob Sivertsen, Atassutip oqaaseqartua.
Qujanaq.
Isak Davidsenip siunnersuutaanut Atassummit imatut oqaaseqassaagut.
Siunnersuuteqartup ajornartorsiutip ukiorpaalunni palasinit naammagittaalliuutigineqrtarne-ranik saqqummiussamini oqaatigisaa, Atassummit ilumoornerassavarput.
Palasit illuminnut atasumik allaffeqartut kiassanermut innaallagissamullu nalinginnaasumik akiliisarnertik pissusissamisoortutut isigiunnaarsimammassuk, aaqqiffigineqartariaqarneranil-lu noqqaassuteqarnerat Atassummit tupiginngilarput.
Allaffiit innuttaasunik sullissinermut atorneqartut ingerlanneqarnerannut aningaasartuutinik pisortat akiliinissamut pisussaaffeqarmata.
Kiisalu palasit illuisa aamma allaffittut atorneqartarnissaannik aaqqissuussisimaneq, ullumik-kut pissutsinut naleqqukkunnaarsimavoq.
Soorlu palasit inunnit ajornartorsiuuteqartunit saaffigineqartarnerat oqaloqatigineqarusuttar-nerallu nalinginnaalersimavoq. Taamaattumik illugisap ilaqutariinni najugaqarfiutigaluni inunnik ajornartorsiuteqavissunik, oqaloqateqartarnermut atorneqartarnerat allatut aaqqiiffigi-neqartariaqarpoq. Aaqqiiffigineqartariaqartoq Atassummit isumaqarfigaarput.
Siunnersuuteqartup saqqummiussaa imaannaanngimmat isumaqatigiinninniartarnermut tapu-tartuunnagu, immikkut aaqqiiffigineqartariaqarpoq siunnersuutillu ukiamut aappassaaneer-neqarnissaata tungaanut, aaqqiissutaasinnaasumik Naalakkersuisut suliniuteqarnissaat Atassummit innersuussutigaarput.
Qujanaq.
Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.
Tulliuppoq Palle Christiansen, Demokraatit.
Palle Christiansen, Demokraatit oqaaseqartuat.
Demokraatinit isumaqanngilagut inatsisartunut tamanna apeqqut apeqqutigineqartussaq, kisiannili Naalakkersuisunut apeqqutigineqaannarsimasariaqartoq.
Demokraatinilli isumaqarpugut tassunga tunngasut eqqartorneqartariaqartut, atorfinnut tunngasut pillugit palasit tulliani isumaqatiginninnialerpata.
Demokraatinit innersuussutigaarput siunnersuut apeqquteqaatitut Nalakkersuisunut tunniun-neqassasoq.
Qujanaq.
Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.
Tulliuppoq Anthon Frederiksen, Kattusseqatigiit.
Anthon Frederiksen, Kattusseqatigiit.
Inatsisartunut ilaasortap Isak Davidsenip siunnersuutaa Kattusseqatigiit sinnerlugit imaattu-mik oqaaseqarfigissavara.
Kattusseqatigiit sinnerlugit siunnersuut paasilluarpara, minnerunngitsumik nunatsinni palasis-saaleqinerup sapinngisamik anigornissaa qaangerniarlugu, palasinut ullumikkut atugassariti-taasut arlallit iluarsineqarnissaat isumaqarama avaqqukkuminaatsoq.
Naak Naalakkersuisut akissuteqaamminni oqaluuserisap immikkut illuinnartutut isigisariaqar-tup, kattuffiit isumaqatigiinninniartarnerannut innersuutiinnaraluaraat.
Tassami palasit ilaat maannakkut najugaqartitaanerannut tunngatillugu, pinngitsooratik inissi-amik aalajangersimasumik najugaqartussaatitaanerat ilaatigut palasit ilaannut aamma atugarli-ortitsisarmata, minnerunngitsumik palasinut soraarninngortussanut aamma erloqisitsisarlutik.
Taamaattumik atorfiit pillugit inatsit maanna aamma allanngortinniarneqartoq iluatsillugu inatsisip taassumap, aamma palasinut atugassaritaasut tassuunaarlugit iluarsineqarnissaat pillugu, palasit peqatigiiffiata tusarniarneqarnissaa Kattusseqatigiit sinnerlugit kaammattuuti-gissavara.
Tassami isumaqarpunga nunatsinni palasissaaleqineq taama annertugisoq, matumani jornar-torsiut kattuffimmut miloriutiinnarneqarsinnaanngitsoq.
Taamaammat siunnersuut taperserlugu inassutiginiarpara, siunnersuut inatsisartut ukiamut ataatsimiinnissaanut kinguartinneqassasoq, suliassallu aappassaaneerneqarnissaanut susassa-qartut tamarmik tusarniaaffigineqassasut. Palasinut atugassarititaasut sukumiisumik aaqqiivi-gineqarnissaat anguniarlugu.
Taamatut siunnersuuteqarlunga imaluunniit taamatut oqaaseqarlunga siunnersuut taperserlugu susassaqartunut tusarniaaffigineqarnissaa inassutigaara.
Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.
Tulliuppoq siunnersuuteqartoq Isak Davidsen, Atassut.
Isak Davidsen, siunnersuuteqartoq, Atassut.
Siullermik Naalakkersuisut akissutaanut qujavunga, aammalu partiit Kattusseqatigiillu oqaa-seqaataanut. Kiisalu Kattusseqatigiinnut Atassummullu tapersiinerannut aamma qujavunga.
Erseqqissarusuppara ataatsimilluunniit palasit isumaqatigiinniunneqartarnerannut aningaasar-siaannut, kiisalu tapisiaqartitaanerannut una attuumassuteqanngimmat palasit allaffeqartitaa-nerat. Aamma tupigilluinnaqqissaarpara Naalakkersuisut akissuteqaammini isumaqatigiinni-unneqartarneq tassani taakkartormagu, tuppallersaatipalaatullu taagorlugu.
Nalunngeqqeqqissaartariaqaraluarpaat Naalakkersuisut palasit inaat allaffeqarfiilu KIIIP-ip aqutarimmagit, KIIIP-illu iluarsassappata suliassaralugit. Palasit peqatigiiffiata tjeestemandil-luunniit peqatigiiffiata tamanna susassarinngilluinnarpaat. Tassani KIIIP-i naalagaavoq. Iluarsaassinissamullu oqartussaalluni.
Taamaattumik ilungersunarpoq palasit massakkut sineriassuarmi atugaat eqqaaginnaraanni, palasit oqaloqateqartariaqartarput allaffimminni, ilaqutariit illuini, ilaqutariinnik tamanik ilaatigut aliasuuteqartunik tusarnaartitsiffiusartunik.
Taamaattumik maluginiaqqunaqaaq aappassaaneernissaanulluunniit sukumiisumik Naalakker-suisut misissuissasut, palasit allaffiisa palasit ilaqutariit illuiniik peersinneqarnissaat KIIIP-ip qangarsuarli sulissutigilermagit, sumut tamakku killinnersut.
Qujavunga tamanut akissutigineqartunut. Aammalu immikkut qutsavigisakka taakkua qutsavigeqqippakka uani tapersiisut, aamma palasit tamarmik nuannaarutigingaassavaat.
Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.
Ilageeqarnermut Naalakkersuisoq.
Arkalo Abelsen, Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq, Atassut.
Inatsisartuni ilaasortaq Isak Davidsen, siunnersuutit paasikutsoorparput. Aammalu uanga akissuteqaatinni Naalakkersuisut sinnerlugu oqaatigaara, misissuinerit uanga qullersaqarfin-ninngaanniit pisortaqarfinninngaaniit taakkua ingerlanneqartut suli ingerlapput. Aammalu neriorsuutigissavara ulluinnarni ilissi palasit atukkasi, taakkua tassa misissorneqaqqissaassap-put aammalu aaqqiissutissat assigiinngitsut taakkua isumagineqarlutik.
Partiininngaanniit oqaaseqartut tikkuartorpaat ilumooqqissaartumik aammami siunnersuute-qartup nammineq, piffinni assigiinngitsuni pissutsit assigiinngitsorujussuupput. Oqaluffiit imannak aaqqissuussaapput oqaloqatiginnittarfeqarlutik aammalu palasit illuisa ilaat immikkut aaqqitaallutik, immikkut oqaloqatiginniffeqarsinnaallutik.
Kisianni tamakkiisumik palaseqarfinni assigiinngitsuni pissutsit maannakkut misissorlugit ingerlanneqareersut, taakkua qulaajassavaat sutigut-una piaartumik aaqqiiniuteqartoqartaria-qartoq, aammalu suut-ukua ungasinnerulaartoq eqqarsaatigalugu aaqqinniutiginiarneqartut.
Ilisimaqqissaarpara ullumikkut palasissaaleqineq aammalu oqaluffinni sulisussaaleqineq qanoq annertutigisoq. Taamaattumik aamma ukua eqqartorneqartut attuumassuteqarluinnarne-rat taanna nassuerutigissavara uani saqqummiunneqartumut.
Kisianni tassa uagut qullersaqarfitsinninngaanniit suliaq pimoorullugu ingerlanneqarpoq, taanna ingerlaniarlu taavalu taakkua misissuinerit qulaajagaat assigiinngitsut saqqummiunne-qarumaarput, ukiamut ataatsimiinnissamut.
Qujanaq.
Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.
Taamaalilluni oqaluuserisaq taanna naammassivoq, tassa palasit aningaasartuutaat allaffin-nullu tunngasut isumaqatigiinniutissatut peqatigiiffiit aqqutigalugit iluarsiniarneqarnissaat innersuussutigineqarpoq amerlanerusunit.
Aammalu tassunga ilanngullugu palasit illuisa iluarsarneqartarnerannut apeqqutit misississorluarneqarnissaat aamma Naalakkersuisunut innersuussutigineqarluni. Taannalu aamma Naalakkersuisup neriorsuutigaa tamanna suliarineqarumaartoq.