Attaveqarfissaq
Inatsisartut
+299 34 50 00
inatsisartut@inatsisartut.gl
Maani Inatsisartut nittartagaanni paasissutissarpassuupput, ujarlerniarneq ajornartorsiutaasinnaalluni. Allakkiamik aalajangersimasumik ujarleruit ujarlernissannulluunniit ilitsersorneqarusukkut Allattoqarfik ikiuukkusuttorujussuuvoq.
Inatsisartut pillugit paasissutissat
Inatsisartuni sulineq, inatsisiliorneq Inatsisartulluunniit pillugit apeqqutissaqaruit Allattoqarfimmi sulisut attaveqarfigisinnaavatit sukkasuumillu akineqarlutit.
Suulluunniit apeqqutigisinnaavatit
Ilinniartuuguit eqqartuussissuserisuuguilluunniit, tusagassiortuuguit nutaarsiassanilluunniit malinnaasuuguit Inatsisartut sulinerat eqqarsaatigalugu paasissutissat piviusut pillugit akissutissarsinissannut ikiorneqarsinnaavutit.
Allattoqarfiulli naalakkersuinikkut apeqqutit pillugit akissutissarsinissannut ikiorsinnaanngilaatsit, taakkumi naalakkersuinermik sulialinnit akineqartariaqarmata. Kisiannili ilaasortanut ataatsimiititalianulluunniit susassaqartunut qanoq attaveqarnissannut ikiorneqarsinnaajuarputit.
Kikkut tamarmik Allattoqarfimmut apeqquteqarsinnaapput. Apeqqutissaqaruit tunuarsimaassanngilatit - akissaqqaarpatsigit. Allattoqarfiup akisinnaassanngikkaluarpatit saaffissannut eqqortumut ingerlaqqinnissannut ikiorneqarumaarputit.
Pingaartumik suliassaqarfiit uku iluini apeqqutinut Allattoqarfik akissuteqarsinnaavoq:
- Inatsisiliornerup ingerlasarnera
- Inatsisartuni inatsisissatut siunnersuutit suliallu aalajangersimasut – ullumikkut siusinnerusukkullu
- Nunatsinni naalakkersuinikkut ingerlatsinermi kikkut sunikuuppat
Allattoqarfiulli malittarisassat qanoq paasineqarnissaannik nassuiaanermik, sulianik suliarinninnermik inatsisilerinikkullu siunnersuinermik ikiorsinnaanngilaatit.
Allattoqarfimmi sulisut attaveqarfigineqarsinnaajuarput ingerlaqqiffissarlu Inatsisartut allattoqarfianni sulisut toorlugu attaveqarfigineqarnissaannut paasissutissat takuneqarsinnaallutik, soorlu aamma inatsisartut@inatsisartut.gl-imut paasissutissanik pissarsiniarluni qarasaasiakkut allattoqarsinnaasoq.