Kalaallit Nunaanni Inatsisartut

Ullut ataatsimiiffiusut arfersaneq arfineq-aappaat, pingasunngorneq oktoberip 24-at 2001, nal. 13:10

 Oqaluuserisassani immikkoortoq 41

Ittoqqortoormiini maannakkut imeqarfiusumit tatsimiit allamit attaviilinissaq pillugu aalajangiiffigisassatut siunnersuut.

(Anders Andreassen)

(Aappassaaneernera)

Ataatsimiinnermik aqutsisoq: Ole Lynge, Inatsisartut Siulittaasuat, Inuit Ataqatigiit.  

Ole Lynge, Inatsisartut Siulittaasuat, Inuit Ataqatigiit.

Tassanilu malugeqqussavara tassa aappassaaneerneqarnissaanut atatillugu Inatsisartut aningaasaqarnermut ataatsimiitialiaa aamma isumaliutissiissuteqarmat isumaqatigiissumik. Qinnuteqartoqarsimanngilaq ataatsimiitialiamit oqaaseqartoqarnissaanut. Apeqqutigissavara allanik oqaaseqarfiginiarneqarnersoq. Naamik taamaappasinngilaq.

Tassa siunnersuummut oqaatigineqassaaq taasissutiginissaani Naalakkersuisut attaveqarnermut pilersuinermullu aamma ineqarnermut ataatsimiititaliaata siunnersuutip itigartinneqarnissaanik Naalakkersuisut isumaqatigigaat.

Taamatullu aningaasaqarnermut ataatsimiitialiap isumaliutississiissumini oqaatigaa isumaqatigiillutik itigartinneqarnissaanut taamannak iluseqarluni aalajangiiffigisassatut siunnersuut isumaqataasut qinnuigissavakka nikueqqullugit.