Ullut ataatsimiiffiusut 22-at, pingasunngorneq 7. november 2001, nal. 15:35

Oqaluuserisassami immikkoortoq 57

Illoqarfiit nunaqarfiillu 2000-it inorlugit inullit eqqakkanut kuuffinnut sanaartornermut tunngatillugu aningaasalersuisarnikkut immikkut aaqqissuussiffigineqarnissaat pillugu aalajangiiffigisassatut siunnersuut.

(Augusta Salling)

(Aappassaaneernera)

 

Ataatsimiinnermik aqutsisoq: Finn Karlsen, Siulittaasoqarfimmi ilaasortaq, Atassut.

Finn Karlsen, Siulittaasoqarfimmi ilaasortaq, Atassut.

Tassa tassunga tunngatillugu Naalakkersuisut akissuteqqarnerminni itigartitsissutigineqar

nissaa inassutigigaat. Amerlanerussuteqartullu itigartitsinissaq isumaqatigalugu.

Aamma taamaasilluni Ataatsimiititaliamut ingerlateqqinneqarnissaa kissaatigineqarsimanngilaq, taamaammat amerlanerussuteqartut itigartitseqqusinerat apeqqutigissavara kikkut isumaqatigineraat.