Kalaallit Nunaanni Inatsisartut

Oqaluuserisassani immikkoortoq 07-2		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Ataasinngorneq 28. februar 2000 14.17

 

Oqaluuserisassani immikkoortoq 7

 

Tusagassiuisarnermi akisussaassuseqarneq pillugu Kalaallit Nunaannut inatsimmut Namminersornerullutik Oqartussat oqaaseqaataannut atatillugu aalajangiiffigisassatut siunnersuummut Kultureqarnermut Ilinniartitaanermullu Ataatsimiititaliap isumaliutissiissutaa.

(Naalakkersuisut Siulittaasuat)

(Aappassaaneerneqarnera)

 

Ole Lynge, ataatsimiinnermik aqutsisoq, Inatsisartut Siulittaasuat:

 

Erseqqissalaassavara tassani siunissami eqqoqqissaartumik saqqummilaassappata ataatsi-miititaliap kissaatigisimanngimmagu suleriaatsini §17 immikkoortoq 4 naapertorlugu qinnutigisimanngimmagu isumaliutissiissut oqaasiinnarmik maani oqaluttarfimmi saqqummiunneqassasoq.

Taamaattumik aamma maluginiaqqussuarput Naalakkersuisut tamatumunnga akissuteqareersimagaluartut aamma maanngaanniit siulittaasoqarfimminngaanniit pisariaqarsorinanngimmat Naalakkersuisut akissuteqaamminnik saqqummiussinissaat. Tassami aamma pisussaaffili-gaanngillat pinngitsooratik akissuteqaammik saqqummiussinissaat.

Tassa suleriaaserput malillugu maannakkut apeqqutigissavara immikkoortoq 7, tusagassiuisarnermut akisussaassuseqarneq pillugu Kalaallit Nunaanni inatsimmut Namminersornerullutik Oqartussat oqaaseqaataannut aalajangiissutissatut siunnersuut taamatut iluseqartillugu kikkut akuersaarneraat.

26-it. Tassa najuuttut tamarmik. Akerliusoqaranilu taasinngitsoortoqanngilaq.

Oqaluuserisaq naammassivoq.