Kalaallit Nunaanni Inatsisartut

Oqaluuserisassani immikkoortoq 14-2		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Sisamanngorneq 2. marts 2000 nal. 13.06

 

Oqaluuserisassani immikkoortoq 14.

 

Aalisariuteeqqanik Q-23-nik kiisalu Q-30-nik siullernik piginnittut aaqqiivigineqarnissaata piviusunngortinneqarnissaanik Inatsisartuni aalajangiiffigisassatut siunnersuut.

(Mikael Petersen)

(Aappassaanneerneqarnera)

Ataatsimiinnermik aqutsisoq, Ole Lynge, Inatsisartut Siulittaasuat:

Aappassaaneernissaanut kissaateqartoqarsimanngilaq. Isumaliutissiissuteqartut imaluunniit Naalakkersuisut oqaaseqarfigeqqikkumallugu. Taamaattumik ullormut oqaluuserisassatut immikkoortoq 14-imi siunnersuuteqartuuvoq Mikael Petersen. Inatsisartullu aningaasaqarnermut ataatsimiititaliaat 25. februar 2000-imeersumi isumaliuutissiissuteqarpoq. Ataatsimiititaliaq isumaliutissiissummi allannguutissatut siunnersuuteqarpoq. Oqaaseqarumasoqanngippat ingerlaannarluta taasissaagut. Inatsisartut suleriaasianni aalangersakkat naapertorlugit allannguutissatut siunnersuutit siulliullugit taasissutigineqartussaapput. Taamaammallu aningaasaqarnermut ataatsimiititaliap allannguutissatut siunnersuutaa siulliullugu taasissutigissavarput. Aningaasaqarnermut ataatsimiititaliap allannguutissatut siunnersuutaanut isumaqataasut qinnuigissavakka nikueqqullugit.

31. Tassa Inatsisartut tamarmik.

Tassalu taamatut ataatsimiititaliap inassuteqaataa tamarmiusut akuersissutigaat. Akerliusoqan-ngilaq taasinngitsoortoqaranilu.

Maanna Mikael Petersenip aalajangiiffigisassatut siunnersuutaa maanna ilusileriigaatut iluseqartillugu taasissutigissavarput. Malugeqqussavaralu Aningaasaqarnermut Ataatsimiititaliap isumaqatigiittup inassutigigaa Mikael Petersenip aalajangiiffigisassatut siunnersuutaa allannguutissatut siunnersuutip akuersissutigineqarnerata kingorna ilusilerikkamisut iluseqarluni akuer-sissutigineqassasoq. Mikael Petersenip siunnersuutaata maanna ilusileriikkamisut iluseqarluni akuersissutigineqarnissaanut isumaqataasut qinnuigissavakka nikueqqullugit.

Ataatsimiinnermik aqutsisoq, Anthon Frederiksen, Kattusseqatigiit, Siulitt. ilaasortaq:

Allannguutissatut siunnersuut akuersissutigineqarpoq Inatsisartunit ilaasortanit tamanit. Taava paasinarpoq siunnersuut itigartinneqartoq allannguutissatut siunnersuut akuersissutigineqarmat.

Ole Lynge, Inatsisartut Siulittaasuat:

Tassa taanna taamaanngilaq. Taanna erseqqissaateqarfigilaarpara. Qinnuteqartoqarsimanngilaq isumaliuutissiissut saqqummiunneqassasoq taamaattumik saqqummiunneqanngilaq. Uani erseqqissaatigisinnaavara Aningaasaqarnermut Ataatsimiititaliap isumaqatigiissup taama oqaaseqarluni Inatsisartuni ilaasortap Mikael Petersenip Inatsisartut aalajangiiffigisassatut siunnersuutaa allannguutissatut siunnersuutip ilanngullugu nassiunneqartup akuersissutigine-qarnerata kingorna isikkumisut isikkoqarluni akuersissutigineqarnissaa inassutigissagaat. Tassalu taanna. Tassa suleriaatsigut malillugit pinngitsoorata taasissutissat marluugaangata tamaasa taasissutigisartussaavagut. Massakkut uani inassutigineqartutuut aningaasaqarnermut ataatsimiititaliap isumaqatigiittup inassutigaa Mikael Petersenip aalajangiiffigisassatut siunnersuutaa allannguutissatut siunnersuutip akuersissutigineqarnerata kingorna tassa siuliani ilusileriikkamisut iluseqarluni akuersissutigineqassasoq. Taamaattumik apeqqutigaara Mikael Petersenip siunnersuutaatut taama ilusileriikkamisut iluseqarluni akuersissutigineqarnissaannut isumaqa-taasut qinnuigissavakka nikueqqullugit.

31. Tassa tamarmiusut. Tassalu akerliusoqanngilaq isumaqataanngittoqaranilu.

Oqaluuserisaq naammassivoq.