Oqaluuserisassani immikkoortoq 2 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ulloq ataatsimiiffik siulleq, arfininngorneq 14.
december 2002, nal. 11:04
Ataatsimiinnermik aqutsisoq: Jonathan Motzfeldt,
Inatsisartut Siulittaasuat, Siumut.
Jonathan Motzfeldt, ataatsimiinnermik aqutsisoq, Inatsisartut Siulittaasuat,
Siumut.
Maannalu ullormut oqaluuserisassatut siunnersuutigineqartut
naatsumik nassuiaatigissavakka Inatsisartut taakkulu ataatsimiititaliaat
inississinnaaqqullugit Naalakkersuisullu qinigaasinnaaqqullugit
iliuuserineqartussat pisariaqartut taakku malillugit suliarineqarput.
Inatsisartunut siulittaasoqarfik Naalakkersuisullu qinigaareerpata ullormut
oqaluuserisassanik immikkoortunik allanik siunnersuuteqartoqassasoq soorunami
takorloorneqarsinnaavoq.
Taamaattoqarpat taava Inatsisartut
isummerfigisariaqarpaat. Maannamuugallartoq siunnersuutigineqassaaq ullormut
oqaluuserisassatut agguaanneqartoq tunngavigalugu ataatsimiinneq ingerlassasoq.
Ullormut oqaluuserisassanut ukununnga uparuaallunilu oqaaseqartoqassagaluarpat
Inatsisartut ullormut oqaluuserisassanut ataatsimiititaliarigallagaanik
pilersitsisoqarnissaa isumagissavara.
Ullormut
oqaluuserisassatut siunnersuutigineqartunut uparuaassutissaqartoqarnerluni?
Taamaassimanngilaq.