Oqaluuserisassani immikkoortoq 3 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ataatsimiinnermik aqutsisoq: Jonathan Motzfeldt,
Inatsisartut Siulittaasuat, Siumut.
Jonathan Motzfeldt, ataatsimiinnermik aqutsisoq, Inatsisartut Siulittaasuat,
Siumut.
Maannakkut tikipparput qinersineq pillugu nassuiaat.
Kalaallit Nunaanni Inatsisartunut qinersisarneq pillugu Inatsisartut inatsisaat
nr. 9, 31. oktober 1996-imeersoq kingusinnerusukkut allannguutitalik
naapertorlugu Inatsisartunut Ilaasortaq ukiuni sisamani atuuttussanngorlugit
qinerneqartarput. Piffissaq qinigaaffik ullormi qinersivimmi aallartittutut
naatsorsuutigineqarpoq.
Qinersinermut ataatsimiititaliaq qinersinermut
allattaavimmut allattuissaaq, tassani oqaatigineqassallutik kikkut
qinigaasimasut. Kiisalu qinersinermut atatillugu pisut sukumiisumik
saqqummiunneqarnerat.
Qinersinermut ataatsimiititaliap qinersinermut
allattaavik allattuiffigineqarsimasoq sinnissussanut allattuiffimmik
ilaqartinneqartoq Inatsisartunut ilisimatitsisissutitut nassiutissavaa.
Qinersinermut ataatsimiititaliap aalajangigai
allanngortinneqarsinnaassanngillat.
Qinersinermut
allattuiffik ilisimatitsissutinik agguaanneqarsimavoq qinersinermut
allattaavimmik Inatsisartunut Ilaasortatut qinigaasut taakkulu sinniisussaasa allassimaneri
innersuussutigaakka. Taamaalillutalu ullormut oqaluuserisassani immikkoortup
taassuma oqaluuserineqarnera taamaalilluta naammassivarput. Qujanaq.