Oqaluuserisassani immikkoortoq 07 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ataatsmiinnermik aqutsisoq: Jonathan Motzfeldt,
Inatsisartut Siulittaasuat, Siumut.
Jonathan Motzfeldt, ataatsimiinnermik aqutsisoq, Inatsisartut Siulittaasuat,
Siumut.
Inatsisartut suleriaasianni §3
naapertorlugu maanna siulittaasup tulliinik sisamanik Inatsisartut
siulittaasuat peqatigalugu inatsisartuni siulittaasoqarfissaat piusussanik
qinersissaagut. Siulittaasup tullianik qinersineq pissaaq
agguaaqatigiissitsilluni qinerseriaaseq *Doltip periusia malillugu
atorneqartartoq. Atassut, Demokraatit, Kattusseqatigiillu Inatsisartut
Siulittaasuata tulliinik qinersinermut atatillugu taaseqatigiittarnissamik
isumaqatigiissuteqartut oqaatigineqassaaq, tassa Atassut, Demokraatit
Kattusseqatigiillu.
Oqaatigineqassaaq Inatsisartut Siulittaasuata inissaq
ataaseq siulleq partiit pissarsiarisassaa taaseqatigiittarnissamulluunniit
isumaqatigiissuteqartut pissarsiarisassaat siulittaasup pissarsiarissammagu.
Maannalu Inatsisartut Siulittaasoqarfiani siulittaasup
tulliisa atuuffissaannut qinigassanngortitat sinniisussallu
nalunaarutigineqarnissaat qinnutigissavara.
Taava Siumup gruppeata siulittaasua Jørgen
Wæver-Johansen oqaaseqassaaq.
Jørgen Wæver-Johansen, Siumup oqaaseqartua.
Siumut sinnerlugu nalunaarutigissavara
Siulittaasoqarfimmi ilaasortassatta aappaat tassaassammat Simon Olsen,
sinniisussaralugu Ole Dorph. Kingusinnerusukkut allannguuteqarsinnaanera
ilaasortat tungaatigut ilisimatitsissutigeriissavara.
Jonathan Motzfeldt, ataatsimiinnermik aqutsisoq, Inatsisartut
Siulittaasuat, Siumut.
Tulliuppoq Inatsisartuni ilaasortaq
Ane Hansen, Inuit Ataqatigiit.
Ane Hansen, Inuit Ataqatigiit oqaaseqartuat.
Ataqqinartoq Inatsisartut
siulittaasuat Inatsisartunut Ilaasortat Naalakkersuisussallu Inuit
Ataqatigiinninngaaniit Inatsisartut siulittaasoqarfiannut inassutigaarput
Aqqaluk Lynge, sinniisussaralugu Henriette Rasmussen.
Jonathan Motzfeldt, ataatsimiinnermik aqutsisoq, Inatsisartut Siulittaasuat,
Siumut.
Tulliuppoq Inatsisartunut Ilaasortaq Finn Karlsen,
Atassut.
Finn Karlsen, Atassutip oqaaseqartua.
Atassumminngaaniit Inatsisartut
Siulittaasoqarfiani ilaasortassatut inassutigaarput Finn Karlsen,
sinnissussaralugu Augusta Salling.
Jonathan Motzfeldt, ataatsimiinnermik aqutsisoq, Inatsisartut siulittaasuat,
Siumut.
Tulliuppoq Inatsisartuni ilaasortaq
Per Berthelsen, Demokraatit.
Per Berthelsen, Demokraatit oqaaseqartuat.
Qujanaq. Tassa Demokratinit
landstingimi Inatsisartuni ilaasortani siulittaasutut gruppeformanditut uanga
nalunaarutigissavara Demokraatit tungaaninngaaniit inassutigineqarmat
Inatsisartut Siulittaasoqarfianni sassartitassatut piukkunneqarmat, uanga Per
Berthelsen sinniisussaralugu Astrid Fleischer Rex.
Jonathan Motzfeldt, ataatsimiinnermik aqutsisoq, Inatsisartut Siulittaasuat,
Siumut.
Taava matuma kingorna præsidiami ilaasortaalersussat
tassaalerput:
Simon Olsen, sinniisussaralugu Ole
Dorph.
Finn Karlsen, sinniisussaralugu Augusta Salling.
Aqqaluk Lynge, sinniisussaralugu Henriette Rasmussen.
Per Berthelsen, sinniisussaralugu Astrid Fleischer Rex.
Taakku qinigaasut aamma tamaasa
pilluaqquagut, pilluaqquakka, suleqatigiilluarnissaanullu aamma qilanaarlunga
suleqatigissallugit.