Oqaluuserisassani immokkoortoq 33-2 |
|
||
Siullermeerneqarnera | Aappassaanneerneqarnera | Aappassaanneerneqarnerata nanginnera | Pingajussaaneerneqarnera |
Ataasinngorneq 20. oktober nal.
Ataatsimiinnermik aqutsisoq: Inatsisartut Siulittaasuata tullia Finn Karlsen.
Naimángitsoq Petersen (A), ataatsimiititaliap siulittaasorigallagaa:
Radiukkut fjernsynikkullu aallakaatitsisarnerit pillugit Inatsisartut peqqussutaata llanngortinneqarneranik Inatsisartut peqqussutissaattut siunnersuut peqqussutissatut siunnersuutip aappassaaneerneqarneranut saqqummiunneqartoq.
Oqallisiginninnermi Inatsisartut Kultureqarnermut Ilinniartitaanermullu Ataatsimiititaliaata ilaasortarai: Naimángitsoq Petersen (A), ataatsimiititaliap siulittaasugallagaa, Knud Sĝrensen (A) Ruth Heilmann (S) Laannguaq Lynge (S), (Kristine Raahauge peqquteqarluni peqannginnerani sinniisuutut ilaasortaq) aamma Manasse Berthelsen (IA).
Inatsisartut Kultureqarnermut Ilinniartitaanermullu Ataatsimiititaliaata peqqussutissatut siunnersuut Inatsisartuni siullermeerneqareermat peqqussutissatut siunnersuut oqaaseqaatitaalu misissuataarpai.
Tamatuma kingorna ataatsimiititaliap isumaqatigiissup radiukkut fjernsynikkullu aallakaatitsisarnerit pillugit peqqussutissami ' 10-p ima oqaasertalerneqarnissaa inassutigissavaa:
' 10 KNR siulersuisunit arfineq-marlunnik ilaasortalimmit siulersorneqassaaq.
Imm. 2. Siulersuisut siulittaasuat naalakkersuisunit toqqarneqassaaq, ilaasortat tallimat inatsisartunit toqqarneqassapput, ilaasortaq ataaseq KNR-imi suleqataasunit aalajangersimasumik atorfilinnit toqqarneqassaaq. Ilaasortanut inatsisartunit toqqarneqartunut tamanut inuttut toqqakkamik sinniisussamik toqqaasoqartassaaq.
Imm. 3. Ilaasortat toqqarneqassapput ukiuni sisamani ilaasortassatut, siullermik piffissami 1. januar 1991-imiit 31. december 1994-imut. Piffissap qaangiutinnginnerani toqqaasussaatitaasut taamaallaat siulersuinut ilaasortamik sinniisussamilluunniit taarsiisinnaapput siulersuisunut ilaasortaq imaluunniit sinniisussaq ilaasortanngorsimasoq siulersuisutut akisussaaffimmik annertuumik sumiginnaasimappat, allatuulluuniit siulersuisutut sulinissaminut naleqqukkunnaarsimappat.
Imm. 4. Sinniisussaq inatsisartunit toqqarneqartoq aalajangersimasumik siulersuisunut ilaasortatut siulersuisunut ilaasortanngorpat inatsisartut sinniisussamik nutaamik toqqaassapput.
Imm. 5. Inatsisartunut ilaasortat siulersuisunut ilaasortaasinnaanngillat.
Imm. 6. Siulersuisut siulittaasup tullissaa akunnerminni toqqartassavaat.
Taama inassuteqarluni siunnersuut Inatsisartunut oqallisigeqqitassanngortinneqarpoq maanisullu isikkoqarluni aappassaaniigassanngortinneqarluni.
Konrad Steenholdt, Kultureqarnermut Ilinniartitaanermullu Naalakkersuisoq:
Inatsisartut Kultureqarnermut Ilinniartitaanermullu Ataatsimiititaliaata aappassaaneerinnissamut isumaliutissiissuseqarpoq, tassani Naalakkersuisut siunnersuutaannut naleqqiullugu allannguutissatut siunnersuut isumaqatigiiffiusoq saqqummiunneqarpoq.
Ataatsimiititaliap allannguutissatut siunnersuummini ' 10-mi imm. 2-p oqaasertalernerani siullertut erseqqissarpaa siulersuisuni ilaasortanut sinniisussatut inatsisartunit toqqanerqartut inuttut toqqakkatut sinniisussaasut. Allannguutissatut siunnersuutikkut tassuuna ataatsimiititaliap kissaatigisimavaa erseqqissarneqassasoq sinniisussat ilaatigut tassaassasut siulersuisuni ilaasortanut aalajangersimasunut sinniisussaasut ilaatigullu sinniisussat ataatsimeeqataasinnaassasut siulersuisuni ilaasortaq pisinnaanani nalunaaraangat.
Aappassaanik imm. 3-mi periarfissiisoqarpoq sinniisussap ilaasortanngorsimasup siulersuisutut akisussaaffimmik annertuumik sumiginnaasimasup allatulluunniit siulersuisutut sulinissaminut naleqqunnaarsimasup taarserneqarnissaanut. AIlaasortanngorsimasoq@ imatut paasineqarpoq sinniisussaq siulersuisuni ilaasortamut sinniisussatut toqqarneqarsimasoq sinniisuuffigisami pisinnaannginnerminik nalunaaruteqartarnerani siulersuisuni ilaasortatut ikkuttarsimasoq pineqartoq.
Ilanngullugu ataatsimiititaliap imm. 3-mi erseqqissarpai piffissaq suna siulersuisunut ilaasotat taakkulu sinniisussaasa qinigaaffigineraat.
Ataatsimiititaliap imm. 4-mut siunnersuutaani aalajangersarneqarpoq sinniisussaq inatsisartunit toqqarneqartoq aalajangersimasumik siulersuisuni ilaasortatut siulersuisuni ilaasortanngorpat inatsisartut sinniisussamik nutaamik toqqaassasut.
Ataatsimiititaliap imm. 5-imut 6-imullu siunnersuutaat peqqussummut atuuttumut naleqqiullugit allannguuteqartinneqanngillat.
Ataatsimiititaliap siunnersuuutitut saqqummiussai ataatsimut isigalugu maleruaqqusanik suli ersarinnerulersitisut naammagisimaarlugit Naalakkersuisut oqaatigissavaat. Taamaattumik Naalakkersuisut Inatsisatunut inassutigissavaat siunnersuut ataatsimiititaliamit ilusilerneqarnini iluseralugu pingajussaaniigassanngortinneqassasoq.
Ruth Heilmann, Siumup oqaaseqartua:
Imatut Siumumiit peqqussutissamik
allannguutissamik siunnersuuteqassaagut aappassaaneerneqarnerani
saqqummiutat:.
' 1.
Radiukkut fjernsynikkullu
aallakaatitsisarnerit pillugit inatsisartut peqqussutaanni nr. 3, 17. Maj 1990-imeersumi
inatsisartut peqqussutaatigut nr. 5, 2. Maj 1996-imeersukkut kingullermik
allanngortinneqartumi imatut allanngortinneqartumi imatut
allanngortitsisoqassaaq:
' 10 imatut oqaasertalerneqassaaq:
' 10. KNR siulersuisunit qulingiluanik ilaasortalimmik
kultureqarnermut naalakkersuisumit toqqarneqartunit aqunneqassaaq. Ilaasortat
arfinillit naalakkersuisunut ilaasortamit toqqarneqassapput taakkuullutillu
tusagassiuuuteqarnermut, kultureqarnermut aqutsisoqarnermullu tunngatillugu
ilisimasalittut ilaasortaasussat. Ilaasortaq ataaseq najukkani radioqarfiit
tv-qarfiillu Kattuffiannit (FTV-R-miit) toqqarneqassaaq. Ilaasortaq ataaseq
KNR-p nunap immikkoortuini immikkoortortaqarfiini aalajangersimasumik
sulisunit toqqarneqassaaq ilaasortarlu ataaseq KNR-imi aalajangersimasumik
sulisunit toqqarneqassalluni. Ilaasortat akornannit naalakkersuisunut
ilaasortap siulittaasoq siulittaasullu tullia toqqassavai.
Imm. 2.
Ilaasortamik tunuartoqartillugu piffissap
toqqagaaffiup sinneranut ilaasortassamik nutaamik toqqaasoqartassaaaq.
Imm. 3.
Inatsisartunut ilaasortat siulersuisunut
ilaasortaasinnaanngillat.
Imm. 4.
Toqqaanerit ukiunut sisamanut
atuutissapput, imaalilluguli piffissap toqqagaaffiup nalaani toqqaasussatut
oqartussaasup siulersuisunut ilaasortaq sakkortuumik siulersuisunut
ilaasortatut akisussaaffimminik sumiginnaasimasoq allatulluunniit
siulersuisunut ilaasortaaginnarnissaminut naleqqukkunnaarsimasoq
taarsersinnaagaa. Imaaliinnarlugu toqqaaqqinneq ataasiaannrtumik pisinnaavoq.
' 2.
Inatsisartut peqqussutaat ulloq 1.
November 1997 atortuulissaaq.
Peqqussutissap
pingajussaaneerneqannginnerani allannguutissamik siunnersuutip innersuussutigissavarput
Inatsisartut Kultureqarnermut Ilinniartitaanermullu Ataatsimiititaliaani suliareqqinneqarnissaa.
Anders Nilsson, Atassutip oqaaseqartua:
Atassumminngaanniik
nalunaarutigissavarput Siumup siunnersuutaa saqqummiunneqartoq
isumaqatigigatsigu, tassa bestyrelse-p KNR-TV-mi sulisussap akisussaaffii naalakkersuinermut
tunngassuteqartunut erseqqissaaffigineqarmata.
Manasse Berthelsen, Inuit Ataqatigiit:
Siullermik Inuit Ataqatigiit-niit
Kultureqarnermut Ilinniartitaanermullu Ataatsimiititaliaq qutsavigissavarput
uuma peqqussutissamut allannguutissatut siunnersuutip suliarinerani piffissaq
atorfissaqartinneqartoq atorsimammagu, apeqqutaatinnagu suliarineqarnissaata
ullulerneqarnera, sukumiisumimmi peqqissaarullugulu suliarisimammagu.
Naalakkersuisut peqqussutissamut allannguutissatut siunnersuutaa Kultureqarnermut,
Ilinniartitaanermullu Ataatsimiititaliap erseqqissaatai ilanngullugit Inuit
Ataqatigiit-ninngaanninngaanniit isumaqatigaavut.
Peqqussutissamut allannguutissatut
siunnersuutit novemberip aallaqqaataani atulersussaapput, inatsisinillu atortitsisarnermut
paasinnittaaserput najoqqutaralugu Inuit Ataqatigiiniit imatut
oqaaseqarfigissavarput:
Kalaallit Nunaata Radioa-ni
siulersuisut aatsaat novemberip aallaqqaataa kingorna 1997-p siulersuisutut
sulinerminni sakkortuumik sumiginnagaasimagunik siulersuisuunerminniik aatsaat
tunuartinneqarsinnaapput. Oqaluuserisamili 49-mi Naalakkersuisoq
akissuteqaammini ima oqarpoq: "Tamatuma kinguninngua KNR-p siulersuisuinut
ilaasortat Inatsisartunik toqqartukkat taarserneqarnissaat pillugu Naalakkersuisut
Inatsissartunut inasssutertit saqqummiuteqqissavaat." Issuaaneq naavoq.
Peqqussut kingumoortumik
atortinneqalissappat Inuit Ataqatigiinninngaanniit akuerisinnaanngilluinnarparput,
maanimi inatsisiliornitsinni ileqquusariaqanngimmat, ajorsorisatsinnillu
nassaarluta inatsisiliupallattassagutta kingumut atuutilersitassatinnik.
Nunarput inatsinik tunngaveqarluni toqqissisimasumik ineriartussappat
nunatsinnut tulluutinngilluinnartutut Inuit Ataqatigiit -ninngaanniit
isigaarput. Taamaammat Naalakkersuisut siunnersuuteqarniarunik KNR-mi
siulersuisut tunuartinniarlugit novemberip aallaqqaataata siornali pisimasunik
eqqarsarluartariaqarput, nunatsinnimi
inatsisiliorneq ataqqineqarluni siunissami ingerlanissaa
innarlerneqassan-ngippat.
Taamatut oqaaseqarluta Inuit
Ataqatigiit -ningaanniit taamatut isikkoqarluni pingajussaanneerneqarnissaa
inassutigissavarput.
Bjarne Kreutzmann, Akulliit Partiiat:
Immikkoortup 33-p aappassaaneerneranut
oqaaseriniakkakka tassa imaapput siullermeerinninnermi oqaatsikka
innersuullugit inassutiginiarlugu siunersuut taama isikkoqarluni pingajussaaneernerminut
ingerlanissaa, uanili allannguutissamik siunnersuuteqartoqarnera tunngavigalugu
taanna ilasuteqartittariaqarpara imaalillugu, taanna allannguutissatut siunnersuut
suliami uani siuliani eqqartukkatsinnut taputartuullugu allannguutissamik
siunnersuuteqarneq siunnersuummut allamut oqallinnermi oqaatsinnut
qaningaarmata, tassanngaluunniit tigusaasorinarlutik, taamaattumik
allannguutissatut siunnersuut isumaqatigilluinnaqqissaarpara
eqqartoreernikuugakku suliassamut allamut siunnersuummut tunngatillugu
oqallinnermi, taamaattumik naatsumik oqaatigilluaannarlugu allannguutissatut
siunnersuutigineqartoq inassutigissavara akuerineqaqqullugu.
Anthon Frederiksen, Kattusseqatigiit:
Peqqussutip allanngortinneqarnissaanut
siunnersuutip siullermeerneqarnerani oqaaseqaatikka innersuussutigalugit
Kultureqarnermut, Ilinniartitaanermullu Ataatsimiititaliap isumaliutissiissutaanut
aammalu Naalakkersuisut akissuteqaataanut imatut oqaaseqassaanga:
Siullermik ' 10
imm. 3 assorsuaq
eqqarsarnartoqartippara, tassami peqqussutinik inatsisinilluunniit siunissami
kingumoortumik atortussanngortinneqartussanik akuersissuteqartoqartalernissaq
pissusissamisuunngilaq akuerineqarsinnaananilu, taamaattumik ' 10 imm. 3 -ata
allan-ngortinneqarnissaa matumuuna siunnersuutigissavara imm. 3-milu
oqaaseqatigiit uku: Issuaaneq aallartippoq: "Siulermik piffissami januarip
aallaqqaataani 1991-miik december 31-nut 1994-mut." Isuuaaneq naavoq
imatut allanngortinneqassasut: Piffissami Inatsisartunut qinigaaffiup iluani.
Kiisalu suliap siullermeerneqarnerani oqallinnermut atatillugu ilaatigut
eqqaaneqartoq, tassalu Inatsisartuni Partiit Kattusseqatigiillu tamarmik
immikkut siulersuisunut aallartitaqalersinnaanerisa periarfissinneqarnissaat.
Uggornarpoq ' 10 imm. 2-mi periarfissinneqarsimanngimmat.
Taakkua saniatigut peqqussutissamut allannguutissatut siunnersuutit
tunngaviatigut isumaqatiginarput.
Taamatut oqaaseqarlunga peqqussutissatut
siunnersuutip allanngortinneqarnissaanut Kattusseqatigiit-niit
allannguutissatut siunnersuut ilanngullugu akuersissutigineqassappat
peqqussutissatut siunnersuut akuerseqataaffigissavara. Taamaattumik
allannguutissatut siunnersuut matumuuna siulittaasumut tunniuppara.
Konrad Steenholdt, Kultureqarnermut,
IlinniartitaanermutmIlageeqarnermullu Naalakkersuisoq:
Oqaasqartunut qujavugut, kisianni tassa
malugaara Siumut-minngaaniit taavalu Atassut-minngaanniit tapersserneqartumik immikkut
illuinnartumik allannguutissamik siunnersuuteqartoqartoqartoq, tamatumalu
pisariaqartissavaa siunnersuutip taassuma ataatsimiititaliami oqaluusereneqarnissaa
misissorneqarlunilu, taannarpiarlu tunngavigalugu inatsisivut malillugit
imaattariaqassaaq inatsisissap siunnersuutip uuma aappassaaneerneqarnera
unikkallartariaqartoq, taamaalillunilu immikkut ukua siunnersuutaasut
ataatsimiititaliami nalilersoqqinneqassallutik. Ajuusaarutigalugu
oqaatigilaarlara kalaallisuuani qallunaatuanilu nutsernerani qimanneqarsimasoq
uani ilanngutilaartariaqassammat, tassa oqaaseqatigiit ' 10-mut tunngatillugu oqaaseqatigiit aappaanni: Ilaasortat arfinillit
Nalakkersuisuni ilaasortamik toqqarneqassapput, taakkuullutillu tusagassiuteqarnermut,
kultureqarnermut, aqutsisoqarnermut inuussutissarsiuteqarnermullu ilisimasalittut
ilaasortaasussat.
Tassa taannaana una
inuussutissarsiuteqarnermut taanna ajoraluartumik kalaallisuuani allortoorneqarsimasoq, taanna
utoqqatsissutigaara. Erseqqissumik oqaatigilaarlara nutserisuninngaanniit
akuliarminneqarsimammat, tassa taamatut Naalakkersuisut sinnerlugit
oqaaseqarlunga inassutigissavara uuma suliap aappassaaneerneqarnerata
unitsikkallarneqarnissaa, taamaalilluni ataatsimiititaliami
suliareqqinneqarniassammat siunnersuutip nutaap matumani saqqummiunneqarnera
tunngavigalugu.
Ruth Heilmann, Siumut:
Uanga qummukkarninnut peqqutigaara
taamatut allannguutissamik siunnersuuteqarnerput Siumut- minngaanniit
ilassilluarneqarnera Atassut-miit aammalu Akulliit Partiiat -nit
oqaatiginiaannarlugu aammalu ataatsimiititaliami suliarineqarnissaani
suleqataanissarput qilanaaralugu.
Manasse Berthelsen, Inuit Ataqatigiit:
Siullermik tupigutsanngitsoornera
oqaatigissavara unami suliaq siullermik maani suliarineqarpoq september-ni
25-ani, tassa ullut 25-it qaangiupput siullermeerneqaramili. Uani
isumaliutissiissutitsinni ataatsmiititaliami Atassut -kut Siumut -kormiullu
atsioqataapput, taavalu aamma massakkut siunnersuuteqarlutik allarluinnarmik.
Tassani uulikullannalaanngitsuunngilaq
siunnersuumminni siunnersuutigimmassuk Naalakkersuisut arfinilinnik
toqqaasassasut sinnerilu kattuffiit peqatigiiffiillu sinnissaannik
ilaasortaqartitsiniarmata. Uani uullikullattuulaarnitsinni peqqutaanerpaavoq
Inatsisartut toqqaasarnerat
qimakkiartuaarneqarmat. Inatsisartuninngaanniit pissaaneq Inatsisartut
ingerlataat akisussaassuseqarluni, taanna Naalakkersuisunut noorarnerat taanna
Inuit Ataqatigiit -ninngaanniit sakkortunerpaamik uparuartariaqarparput.
Finn Karlsen, Siulittaasoqarfimmut
ilaasortaq, ataatsimiinnermik aqutsisoq:
Tassa oqallittunut tunngatillugu
siunnersuutinut allannguutissat arlariit tigusimagatsigit, taamaattumik
taassuma oqaluuserineqarnera tamaannga unittariaqarpoq, taamaasilluni
ataatsimiititaliamut uterteqqinneqartariaqassalluni siunnersuutit
allannguutissat suliarineqarniassammata. Taava taamaasilluni imm. 33-p
oqaluuserineqarnera tamaannga naavoq.
Oqaluuserisaq naammassivoq.