Oqaluuserisassani immikkoortoq 17-2 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ataasinngorneq 26. oktober 1998 nal. 15.42
Ataatsimiinnermik aqutsisoq: Anders
Andreassen, Inatsisartut Siulittaasuat.
Hans Enoksen, Ineqarnermut Ataatsimiititaliap siulittaasua:
Tassa immikkoortoq taanna 17
innersuussutigissavarput massakkut oqaluuserisassaninngaanniit
tunuartinneqarallassasoq, ataatsimiititaliami massakkut eqqartorsimanngilarput,
kommuniminngaannit paasiniagassat allallu pissutigalugit. Ataatsimiititaliap
isumaqatigiissup taanna innersuussutigaa upernaamut ataatsimeeqqinnissamut
kinguartinneqassasoq.
Daniel Skifte, Aningaasaqarnermut Ineqarnermullu
Naalakkersuisoq:
Inatsisartut Ineqarnermut
Ataatsimiititaliaat Inatsisartut Siulittaasoqarfiannut saaffiginnissuteqarpoq
oqaluuserisassani immikkoortoq 17 kinguartinneqaqqullugu IPK-p KANUKOKA-llu
tusarniaarnermi akissuteqarnissaminnut sivikippallaamik
periarfissaqartinneqarnerminnik naammagittaalliuteqarneri saaffiginnissummut
tunngavilersuutigineqartut peqqutigalugit. Taamaattumillu ataatsimiititaliap
oqaluuserisassap kinguartinneqarnissaat kissaatigaa.
Naalakkersuisulli oqaatigissavaat IPK-p
28-anni KANUKOKA-llu augustip 27-anni tusarniaanermut akissuteqarsimammata
akissutaat taakkua pigineqarput. Taamaakkaluartoq Naalakkersuisut tamatuma
saniatigut akornutissaqarsorinngilaat, inissianik attartorneq pillugu
Inatsisartut peqqussutaata allanngortinneqarneranik Inatsisartut
peqqussutissaattut siunnersuutip suliarineqarnissaa ataatsimiinnissamut
tullermut kinguartinneqassasoq.
Anders Andreassen, Inatsisartut Siulittaasuat:
Tassa taamaalilluni immikkoortoq 17
kinguartinneqartutut oqaatigineqassaaq.