Kalaallit Nunaanni Inatsisartut

Oqaluuserisassani immikkoortoq 18-2		[ Ataatsimiinnerit ] [ Tilbage ] [ Op ] [ Næste ]
Siullermeerneqarnera	Aappassaanneerneqarnera		Pingajussaaneerneqarnera

Ataasinngorneq 26. oktober 1998 nal. 15.44

 

Oqaluuserisassani immikkoortoq 18

 

Inissiaatileqatigiiffimmik pilersitsineq pillugu Inatsisartut peqqussutaata allanngortinne­qarneranik Inatsisartut peqqussutissaannut siunnersuut.

(Ineqarnermut Ataatsimiititaliap siulittaasua aamma Aningaasaqarnermut Ineqarnermullu Naalakkersuisoq)

(Aappassaaneerneqarnera)

 

 

Ataatsimiinnermik aqutsisoq: Anders Andreassen, Inatsisartut Siulittaasuat.

 

Hans Enoksen, Ineqarnermut Ataatsimiititaliap siulittaasua:

Siuliani taanna eqqartugarput taamatorluinnarli aamma taanna taamatut pissuseqarfigivarput aamma inassutigerusussavarput upernaamut ataatsimeeqqinnissamut taanna kinguartinneqassa­soq.

 

Daniel Skifte, Aningaasaqarnermut Ineqarnermullu Naalakkersuisoq:

Siulittaasoq qinnuigissavara aallaqqaataaniittut naalisalaarumallugit, tassalu oqaluttuarissanngi­lara qanoq pisimasoqartoq, kisianni oqaatigissavara inissiaatileqatigiiffimmik pilersitsinissaq pillugu Inatsisartut peqqussutaata allanngortinneqarneranik Inatsisartut peqqussutissaannut siunnersuut illuliortiternermut aningaasalersuineq pillugu Inatsisartut peqqussutissaannut siunnersuutip oqaluuserisassami immikkoortoq 20-mitut saqqummiunneqartup kinguneraa, tassa oqaluuserisassap 20-usup kinguneriinnarpaa taanna.

 

Naalakkersuisullu isumaqarfigaat inissiaatileqatigiiffimmik pilersitsinissaq pillugu Inatsisartut peqqussutissaannut siunnersuutip suliarineqarnerata kinguartinneqarnissaa ajoqutissaqanngitsoq.

 

Anders Andreassen, Inatsisartut Siulittaasuat:

Taamaalilluni aamma immikkoortoq 18 kinguartinneqarpoq.