Oqaluuserisassani immikkoortoq 32-3 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Sisamanngorneq 29. oktober 1998 nal
14.05
Ataatsimiinnermik
aqutsisoq: Anders Andreassen, Inatsisartut Siulittaasuat.
Marianne
Jensen, Avatangiisinut Pinngortitamullu Naalakkersuisoq,
Siumut:
Naalakkersuisut september-ip 29-ani 1998 qimmeqarneq qitsuuteqarnerlu pillugit Inatsisartut inatsisissaannik siunnersuut saqqummiuppaat. Aappassaaneerinninnermi Inatsiseqarnermut Ataatsimiititaliap isumaliutissiissutaa inassuteqaataalu Inatsisartut ilalerpaat inatsisissatut siunnersuutip qulequtaa allanngortilaarlugu. Inatsisartut isumaqataaffigaat Inatsisartut inatsisissaata qulequtaa allanngortinneqassasoq imaalillugu: Qimmit qimuttut kiisalu qimmeqarneq qitsuuteqarnerlu pillugit Inatsisartut inatsisaat. Inatsisartut ilanngullugu kommunini qimmeqarneq pillugu ileqqoreqqusat kingusinnerpaamik taarserneqarfigisassaasa 1999-imi decemberip 31-anut siuartillugu allanngortinneqarnissaa akuersissutigaat. Akissuteqaammut matumunnga ilanngunneqarpoq Inatsisissatut siunnersuut allannguutinik taaneqartunik iluarsisaq, Naalakkersuisut sinnerlugit Inatsisartunut ilaasortanut kaammattuutigissavara Inatsisissatut siunnersuut massakkutuut isikkoqartillugu aku-ersissutigeqqullugu.
Anthon Frederiksen, Kattusseqatigiit:
Suliap siullermeerneqarnerani saqqummiussaqarninni
'-it aalajangersimasut taagorlugit
eqqaasitsissuteqarsimavunga, aammalu pissutsinut piviusunut
naapertuutinngimmata ilaasa iluarsineqarnissaat uparuareersimavara.
Taamaattumik qimmeqarneq pillugu minnerunngitsumillu kalaallit qimmiinik qimuttunik
qimmillik eqqortumik pineqarnissaat anguniarsimagaluarakku tamanna
anguneqanngimmat akerliullunga taasissuunga.
Anders Andressen, Inatsisartut Siulittaasuat:
Allanik oqaaseqartoqarnianngilaq.
Taava taasissutigissavarput,
qimmeqarneq qitsuuteqarnerlu pillugit Inatsisartut inatsisissaannut akuersisut
nikueqqussavakka: 29. Akerliusut nikueqqussavakka: 1. Taaseqataanngitsut: 0.
Taamaalilluni inatsisissaq aamma
akuerineqarpoq.
Oqaluuserisaq naammassivoq.