Oqaluuserisassani immikkoortoq 76-3 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Tallimanngorneq 30.
oktober 1998, nal. 12.13
Ataatsimiinnermik aqutsisoq: Anders Andreassen, Inatsisartut
Siulittaasuat.
Mikael Petersen, Isumaginninnermut Suliffeqarnermut
Pisortallu Suliffeqarfiutaannut Naalakkersuisoq, Siumut:
Inatsisartut
pingasunngornermi oktober-ip 21-ani ataatsimiinneranni isumaginnittoqarfiup
aqunneqarnera aaqqissuussaaneralu pillugit Inatsisartut peqqussutissaattut
siunnersuut aappassaaneerneqarmat Inatsisartut tamarmiullutik siunnersuut
aappassaaneerneqarnermisut isikkoqarluni pingajussaaneerneqarnissaminut
ingerlateqqinneqassasoq akuesissutigaat.
Taamaattumik matumani
pingajussaaneerneqarnermini Naalakkersuisut inassutigaat imaluunniit
pingajussaaneerneqarnerani Naalakkersuisut inassutigaat siunnersuut
inaarutaasumik akuersissutigineqassasoq.
Pingitsoorusunngilanga
qutsavigissallugit inunnik isumaginninnikkut inatsisitigut peqqussutitigullu
nutarterineq aallartilluarmat, qujassallunga suleqataasimasunut tamanut. Uani
peqqussutissaq nutaaq atuutilersussaq tassaavoq Nunatsinni isumaginninnikkut
aqutseriaatsimik nutaamik tunaartaqarluni ingerlatsilernissaq.
Suleqataasimasunut tamanut qujavunga.
Anders Andreassen,
ataatsimiinnermik aqutsisoq, Inatsisartut Siulittaasuat, Siumut:
Qujanaq, tassa
oqaaseqartoqarnianngilaq. Taavalu taasissutigissavarput. Isumaginnittoqarfiup aqunneqarnera
aaqqissuunneqarneralu pillugit Inatsisartut peqqussutissaannut akuersaartut
nikueqqussavakka.
Akuersaartut: 30.
Tassalu isersimasut
tamarmik taaseqataapput, akerliusoqaranilu taasinngitsoortoqanngilaq.
Taamaalilluni aamma taanna peqqussutissaq akuerineqarpoq.
Oqaluuserisaq
naammassivoq.