Oqaluuserisassani immikkoortoq 20-3 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Tallimanngorneq 29.
oktober, nal 18.57
Johan Lund Olsen, Inatsisartut Siulittaasuat,
ataatsimiinnermik aqutsisoq:
Taava piniarneq
aallaaniarnerlu pillugit inatsisartut inatsisissaattut siunnersuut, tassa aamma
pingajussaaniigassaavoq, tassani Naalakkersuisut Siulittaasuat
oqaaseqarniarpoq.
Jonathan Motzfeldt,
Naalakkersuisut
Siulittaasuat:
Naalakkersuisut sinnerlugit
nalunaarutigissavara piniarneq aallaaniarnerlu inatsisartut inatsisissaattut
siunnersuut matumuuna akuersissutigineqartoq, soorlu tamanna
appassaaneerinninnermi pisoq § 4 immikkoortoq 2 nr. 4-mi annikitsuinnarmik
allanngortitsisoqarluni, allannguut taanna tassaavoq oqaaseq "KNAPK"
allanngortinneqarmat "inuussutissarsiutigalugu piniartut
kattuffiisa/peqatigiiffiisa" -mik
Manna periarfissaq aamma
iluatsillugu inatsisartut aalisarnermut piniarnermut nunalerinermullu
ataatsimiititaliaani ilaasortat siulittaasualu sulilluarsimanerannut
qutsavigissavakka, ataatsimiititaliap angusaqarfiulluartumik siunnersuut
kiisalu inatsisartunut ilaasortat siunnersuutaat ataatsimiititaliamut
innersuunneqarnikkut suliarilluarmatigik. Kiisalu uani inatsisartut
ataatsimiittarfianni suliap aappassaaneerneqarnerani oqallinneq nuannersoq
aamma qutsavigissavara.
Taamaalillunga akuerineqarnissaa
aamma kajumissaarutigalugu.
Johan Lund Olsen, Inatsisartut Siulittaasuat,
ataatsimiinnermik aqutsisoq:
Ja, qujanaq. Taavalu tassa
taamatut isikkoqarluni maannakkut pingajussaaneerneqarluni isumaqataasut
qinnuigissavakka nikueqqullugit.
31.
Oqaluuserisaq naammassivoq.