Kalaallit Nunaanni Inatsisartut

Oqaluuserisassani immikkoortoq 12-2

Ataatsimiinnerit Tilbage Op Nĉste
Siullermeerneqarnera Aappassaanneerneqarnera Pingajussaaneerneqarnera

Marlunngorneq 8. maj 2001, nal. 13:00.

Oqaluuerisassani immikkoortoq 12.

Piffissami 2002/2003 naalagaaffimmit Kalaallit Nunaannut ataatsimoortumik tapiissutit pillugit inatsisip Kalaallit Nunaannut atortussanngortinneqarnissaa pillugu Namminersor­nerullutik Oqartussat oqaaseqaateqarnissaat pillugu Inatsisartut aalajangernissaannut siunnersuut

(Aningaasaqarnermut Naalakkersuisoq)

(Aappassaaneernera)

 

Ataatsimiinnermik aqutsisoq: Inatsisartut Siulittaasuat, Ole Lynge.

 

 

Ole Lynge, Inatsisartut Siulittaasuat:

Tassalu Namminersornerullutik Oqartussanut ataatsimoortumik tapiissutit pillugit inatsisissatut siunnersuut L 220, ulloq 4. april 2001 folketingimi saqqummiunneqartoq Inatsisartuni siullerme­erneqarmat Inatsisartut isumaqatigiillutik taperserpaat.

 

Aningaasaqarnermut Naalakkersuisup Namminersornerullutik Oqartussat oqaaseqaatissaata oqaasertassaanut siunnersuutaa Inatsisartut isummernerannut naapertuuttoq agguaanneqarpoq. Tassalu tamatumunnga akerliulluni oqaaseqartoqarumanngippat siunnersuut akuersissutigineqar­tutut naatsorsuutigissavara.

 

Mogens Kleist, Kattusseqatigiit:

Tassa ullormut oqaluuserisassanut tunngatillugu aatsaannguaq tupigusuutigigakku 12-lu immiko­ortoq 12-itut paasisagakku, kisianni taassuma saniatigut okt. 20, 21, 24-llu ataatsimoortinnissaat, taanna imaattorusukkatsigu oqaluuserinissaanut.

 


Ole Lynge, Inatsisartut Siulittaasuat:

Tassa Mogensi ilumoorpoq uani immikkoortut 20, 21, aamma 24, 25, tassa taakkua umiartorner­mut tunngasuupput tamarmik assigiisitaarlutik, Kunngip peqqussutaatigut atortuulersinneqartus­sat. Kissaatigineqarsimavoq ajornanngippat taakku ataatsimoortillugit sammineqarnissaat, taannalu paasisakka malillugit gruppit amerlanerit taammatut saqqummiinissaq ajorisimanngi­laat, taamaattumik tikinneqarpata ataatsimut taakkua sammineqaannarumaarput. Taavalu KNI-mut tunngatillugu immikkortoq 11-tut allassimasoq taanna immikkut oqaluuserineqartussaanngi­laq, takussutissiivoq kisianni KNI Pisiffik A/S-ip namminersortunut pisiassanngortinneqarsin­naanera pillugu nassuiaat agguaanneqareersimasoq tamanut.

 

Tassa taamaalillutik immikkoortut tullinnguuttuni immikkoortoq 8, 9 aamma 10 taakkuupput annerusumik KNI-mut tunngassuteqartut. Tassa kisianni immikkoortoq massakkut immikkoortoq sammisattsinni 32-mut tunngasunik Naalakkersuisut Siulittaasuat oqaaseqarumavoq.

 

Aa, naamik, utoqqatserpunga.

 

Tassa taamaalillugu immikkoortoq aatsaannguaq saqqummiussaq paaasivara immikkoortoq 32-mut aalajangerneq akerlilerneqanngitsoq, tassa tamanit akuersissutigineqarpoq. Tassalu piffissa­mi 2002-mi 2003-milu naalagaaffimmiit Kalaallit Nunaannut ataatsimoortumik tapiissutit pillugit inatsisip Kalaallit Nunaannut atortussanngortinneqarnissaa pillugu Namminersornerul­luitk Oqartussat oqaaseqaateqarnisaat pillugu Inatsisartut aalajangernissaannut siunnersuut, taamaalilluni akuerineqarpoq.