Oqaluuserisassani immikkoortoq 103 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ullut
ataatsimiiffiusut arfineq pingajuat, 13. marts 2003, nal. 13:05.
Ole
Thorleifsen,
apeqquteqartoq, Siumut.
Una
apeqquteqaat Bent Frederiksen-iminngaanniit tigunikuuara, taavalu Pilersuisup A/S-ip
kiffartuussinerannut tunngatillugu.
Tullianik
65 mio.-inik nalilinnik Namminersornerullutik Oqartussat Pilersuisoq A/S-imut
tapiissuteqarunik piumasarisariaqarpaat Upernaviup nunaqarfiini naatsorsuutit
tamarmik Upernaviup illoqarfiani suliarineqartalissasut.
Ullumikkut
nunaqarfiit naatsorsuutaat Aasianni suliarineqartarput tamatumalu
kingunerisarpaa akiligassat akileriikkat akilersinniarneqaqattaartarmata,
ilaatigut qaammatit sisamat tikillugit, pissutigalugu naatsorsuutit
misissoqqissaarneqareeraangata aatsaat, akiliutit akiligassaqarfiusunut
apuussinnaasarmata.
Siusinnerusukkut
nunaqarfiit naatsorsuutaat illoqarfimmut toqqaannarallarmata akiliutit,
pingaartumik kommunimut, INI A/S-imut, Nukissiorfinnut il.il. piaartumik
apuuttarput ujartuisarnersuillu taamanikkut akuttusoorujussuupput.
Ullumikkut
Pilersuisoq A/S sipaarniarluni naatsorsuutit illoqarfimmi allami
suliaritittarpai. Naalakkersuisut piumasaqaateqassapput 64 mio. Kr.
Nunaqarfimmiut sullinneqarnerannut pitsaasuunissaanut akiliutaammata, pitsaasumik
sullinneqassasut.
Qunajanaq.
Isak
Davidsen, ataatsimiinnermi
aqutsisoq, sinniisussaq siulleq, Atassut.
Akissuteqassaaq
Inuussutissarsiornermut Naalakkersuisoq.
Finn
Karlsen, Inuussutissarsiornermut
Naalakkersuisoq, Atassut.
Qujanaq.
Siullermik
erseqqissaatigilaassavara aalajangiiffigisassatut siunnersuutitut siullermik
saqqummernikuugaluarami, taanna massakkut apeqqutinngornikuummat. Taanna uannut
oqaatigineqarpallammat aalajangiiffigisassatut siunnersuut, kisianni tassa
apeqqutaavoq.
Naalakkersuisut
Inatsisartunut ilaasortap Ole Thorleifsenip apeqqutaanut qujapput, tassani
ersersinneqarmat minnerunngitsumik Upernavimmi eqqaanilu akiligassat
akilersinniarneqartarnerat eqqarsaatigalugu pissutsit kipiluttunarsinnaasartut.
Naalakkersuisut
Pilersuisoq A/S-imut attaveqarneri marloqiusaapput, tassa naalakkersuisut
ingerlatseqatigiiffimmik piginnittuupput, tamatumalu saniatigut aamma
Pilersuisoq A/S-imit kiffartuunneqarnissaminnik isumaqatigiissuteqarlutik.
Ingerlatseqatigiiffiup aqutsisuni aaqqissuussaaninilu aqqutigalugit
suliassarpassuarnik akikinnerpaamik naammassinninniartussaavoq. Aatsaat
taamaaliornikkut aktiaateqarluni ingerlatseqatigiiffiit pillugit inatsisini
piumasaqaatit aamma Naalakkersuisut ingerlatseqatigiiffimmut naatsorsuutigisaat
ingerlatseqatigiiffiup naammassisinnaavai.
Naalakkersuisut
malugeqqussavaat Pilersuisoq A/S-imit kiffartuunneqarnissamik
isumaqatigiissummi pineqarmata nunaqarfinnik isorliunerusunillu nioqqutissanik
pilersuinerup attanneqarneranut aningaasartuutit akilerneqartarnerat.
Ingerlatseqatigiiffiup, aktiaateqarluni ingerlatseqatigiiffiusup
namminersortup, naatsorsuuseriveqarnini pissarsiassaminillu
akiliisitsiniartarnini qanoq aaqqissuutissanerlugu nammineq isumagisassaraa.
Aningaasanut inatsimmi takuneqarsinnaasutut kiffartuunneqarnissamik
isumaqatigiissummi pineqarput nuaqarfinnik isorliunerusunillu nioqqutissanik
pilersuineq. Ingerlatseqatigiiffiup naatsorsuuseriviata
akiliisitsiniartarfiatalu sumi inissisimanissaa pillugu ilassutitut
isumaqatigiinniarnikkut kiffartuuunneqarnissamik isumaqatigiissutip
annertusisinneqarnissaanik Naalakkersuisut pilersaaruteqanngillat.
Naalakkersuisut
piginnittutut soorunami soqutigisaraat ingerlatseqatigiiffiup innuttaasunik
sullissinerata pitsaasuunissaa. Taamaattumik inatsisartunut ilaasortap
aalajangiiffigisassatut siunnersuutaa aallaavigalugu minnerunngitsumik
Upernavimmi akiliisitsiniartarneq pillugu ilaarsortap oqaaseqaatai
ingerlatseqatigiiffimmut naalakkersuisut ingerlateqqippaat, qularnaarniarlugu
ingerlatseqatigiiffiup aqutsisuisa ajornartorsiummik ilisimaarinnilernissaat.
Naalakkersuisut soorunami naatsorsuutigaat inatsisartunut ilaasortap
saaffiginnissutaa tunngavigalugu ingerlatseqatigiiffiup aqutsisuisa pineqartoq
suliassatut tigujumaaraat.
Naluneqanngitsutut
on-line atorlugu nunaqarfimmiut akiliisalersinnaanissaat sulissutigineqarpoq.
Naatsorsuutigineqarpoq taamaasiortoqarneratigut Inatsisartuni ilaasortap
ajornartorsiutit tikkuartugai aaqqiiffigineqassasut sullissinerup
pitsanngoriartinneqarneratigut.
Taamaalillugu
Naalakkersuisut neriuutiga apeqqut naammaginartumik
akissuteqarfigisimassallugu.
Isak
Davidsen, ataatsimiinnermi
aqutsisoq, sinniisussaq siulleq, Atassut.
Apeqquteqartoq
Ole Thorleifsen, Siumut.
Ole
Thorleifsen,
apeqquteqartoq, Siumut.
Naalakkersuisumut
qujavunga taamannak apeqquteqaaterput tigulluarmagu, taamaattumillu
naatsorsuutigaara tassuunga ajornartorsiutip ? qarnissaa, taavalu aamma misissorluarneqarnissaa
Naalakkersuisuninngaanniit. Taamannak sullissineq, taamannak iluseqartillugu
akueriinnarsinnaannginnatsigu, taavalu aamma
aaqqiisoqanngippat soorunami aamma malersukaassavarput.
Qujanaq.
Isak
Davidsen, ataatsimiinnermi
aqutsisoq, sinniisussaq siulleq, Atassut.
Taamaalilluta
apeqquteqaat siulleq immikkoortoq 103 naammassivarput.