Oqaluuserisassani immikkoortoq 105 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ullut ataatsimiiffiusut aqqaneq tallimaat,
sisamanngorneq 27. marts 2003 nal. 13:54
Doris
Jakobsen, apeqquteqartoq,
Siumut.
Qujanaq.
Naluneqanngitsutut
ukiut tamaasa Tips-ernermi sinneqartoorutit aningaasat pulje-nut pingasunut
agguaanneqartarput.
50%-ii
timersornernut tamanit peqataaffigineqarsinnaasunut (pulje A)
9,1 %-ii piukkunnaatillit pikkorinnerillu timersornerinut (pulje A)
Katillugit 59,1% timersornermut
13,6%-ii meeqqat inuusuttullu pillugit siunertanut (pulje B)
27,3% tamanut iluaqutaasussamik siunertanut allanut, ilanngullugit kulturinut tunngasunut (pulje C)
Ukiuni kingullerni aningaasat Kalaallit Nunaanni meeqqat inuusuttullu timersornermik siunertaqanngitsunut sullinneqarnerannut tipsernikkut isertitanik tapiissutinik pulje B-mut tapiissutaasartut annikippallaarujussualersimapput, tamaatullu meeqqat inuusuttullu suliniaqatigiiffiini suliniutit pitsaasut killilersuiffigineqarsimallutik. Naak meeqqanik inuusuttuaqqanillu suliniutit tamakkua nunatsinni annertuumik pisariaqartinneqaraluartut.
Tamanna tunngavigalugu Naalakkersuisumut apeqquteqaatigaara, ukiuni kingullerni tallimani tipsernermi aningaasat sinneqartoorutit pujlenut pingasunut agguaanneqartartut qanoq amerlatigisunik sinneqartooruteqartarnersut, amigartooruteqartarnersulluunniit.
Taamatut Kultureqarnermut, Ilinniartitaanermut Ilageeqarnermullu Naalakkersuisumut apeqquteqaateqarlunga, neriuppunga apeqquteqaatikka ilassineqarluarumaartut.
Qujanaq.
Isak Davidsen, ataatsimiinnermi aqutsisoq, sinniisussaq siulleq, Atassut.
Akissuteqassaaq Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq.
Arkalo Abelsen, Akissuteqassaaq Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq, Atassut.
Qujanaq.
Tassa aatsaaginnannguaq maani Inatsisartuni iseratta Inatsisartuni ilaasortap Doris Jakobsenip oqarfigivaanga apeqquteqaataa paasisimanngikkipput, aammalu taanna akissut nassiutereernikuusoq takunikuusarsi taanna saneqqutsisoq.
Taamaattumik Doris Jakobseni qinnuivigissavara allakkanik allakkanik ersarissunik nassikkumaaraatigut, taava uagu akikutsoorumaarpagut paaserusutai.
Qujanaq.
Isak Davidsen, ataatsimiinnermi aqutsisoq, sinniisussaq siulleq, Atassut.
Naalakkersuisunut apeqquteqaatit pillugit § 36, immikkoortoq 3-mi allassimasoqarpoq: Naalakkersuisut apeqqut akissuteqarfigisinnaanagu nalunaarpata suliarinera taamaalilluni naammassineqassaaq.
Naalakkersuisut apeqquteqartorlu kisimik oqaaseqarsinnaatitaapput, ataatsimiinnermili aqutsisoq naliliippat immikkut pissuseqartoqartoq allat oqaaseqarsinnaapput.
Kisianni taanna tunngavigalugu apeqqut una maanga unittariaqassaaq.
Taamaalilluta 105-mi apeqqutigineqartoq tassuunga unikkallarpoq.