Oqaluuserisassani immikkoortoq 108 |
|
||
| Siullermeerneqarnera | Aappassaanneerneqarnera | Pingajussaaneerneqarnera | |
Ullut ataatsimiiffiusut aqqaneq tallimaat,
sisamanngorneq 27. marts 2003 nal. 13:54.
Athon
Frederiksen, apeqquteqartoq,
Kattusseqatigiit.
Tassa taakkua
ersarissumik paatsoorneqarsinnaanngitsumillu
nassuiaateqarfigineqarnissaat kissaatigaara utoqqaat
ilaannit nalornisoqartarlunilu paatsuungasoqartarmat.
Taakkununngalu ilanngullugu
aamma apeqqutiginiarpara; utoqqaat, innarluutillit
sulisinnaajunnaarnersiutillillu ukiup naalernerani sapaassuit atuunnerini,
tassa juullip qaammataani ‑ ukiup tullianut qaammammusiat
annikillineqartussanngorsimangaangata piffissami pineqartumi nalunaaruteqartarnerup piffissamut allamut nuunneqarsinnaanera
inatsisitigut qanoq periarfissaqarpa?
Isak
Davidsen,
ataatsimiinnermi aqutsisoq, sinniisussaq siulleq, Atassut.
Akissuteqassaaq
Ilaqutariinnermut Naalakkersuisoq.
Ruth
Heilmann, Ilaqutariinnut
Peqqissutsimullu Naalakkersuisoq, Siumut.
Ja qujanaq.
Pisortanit
pensionisiat pillugit malittarisassat atuuttut naapertorlugit isertitat
akileraaruteqaataasussat allat ‑ tassa saniatigut isertitat ‑
annertussusai naapertorlugit pensionisiat tunniunneqartartut
iluarsineqartussaapput. Isertitat allat tassaasinnaapput sulinermit
akissarsiat, tjenestemanditut soraarnerussutisiat, sanalukkanit
kalaalimineerniarfinnilluunniit tunisanit isertitat, erniatigut isertitat
il.il.
Tassa imaappoq
ilanngaat aalajangersimasoq kisimiittunut 8.000 kr.‑iusoq, aappariinnut
ataatsimut akileraaruteqartinneqartunut 16.000 kr.‑iusoq kiisalu
isertitatut B‑itut kisimiittumut saniatigut isertitarisinnaasat 5.000 kr.‑iusut
aappariinnullu ataatsimut akileraaruteqartinneqartunut 10.000 kr.‑iusut
akileraaruteqaataasussaanngitsut ilanngaatigereerlug‑it kisimiittumut
28.0‑00 kr.‑it, aappariinnut 42.0‑00 kr.‑it sinnerlugit
isertitaqarlutik siusinaartumik utoqqalinermilu pensionisialinnut pensionisiat
ikilisikkiartuaarneqartarput. Pensionisiat saniatigut isertitat
akileraaruteqaataasussat kisimiittumut 172.000 kr.‑it
aappariinnullu 265.0‑00 kr.‑it qaangerneqarsimappata
pensionisiat piivinneqartarput.
Aningaasat
pineqartut 28.000 kr.‑iusut kiisalu 42.000 kr.‑iusut isertitassatut
killiliussaannaapput taamaalillunilu isertitat akileraaruteqaataasussaanngitsut
pineqaratik.
Ukiup siuliani
inaarutaasumik naatsorsuineq tunuliaqutaralugu kommunip pensionisialinnut
nalunaaruteqarnissaanut tunngatillugu ukiup naaneranit siusinnerusukkut
kommunip pensionisialinnut ilisimatitsinissaa akornutissaqanngilaq.
Inaarutaasumik naatsorsuineq aggustimi pigineqalersarpoq taamaattumillu
kommunit juullip qaammataa sioqqullugu pensionisiat appartinneqarsinnaanerat
pillugu nalunaaruteqarnissaminnut periarfissaqarput.
Tamannali
kommunit ataasiakkaat namminneerlutik aaqqittussaavaat.
Qujanaq.
Isak
Davidsen,
ataatsimiinnermi aqutsisoq, sinniisussaq siulleq, Atassut.
Anthon
Frederiksen Kattusseqatigiit.
Athon
Frederiksen, apeqquteqartoq,
Kattusseqatigiit.
Akissuteqaammut
qujanaq.
Soorlu
apeqquteqarninni oqaatigigiga taakkua akileraaruteqaataasussaanngitsutut
oqaatigineqartartut 28.000 koruunit aammalu 42.000 koruunit
paatsuungassutigineqartarsimasut, utoqqarnit ataasiinnaanngitsunik. Kisianni
tassa akissuteqaammi oqaatigineqarpoq aningaasat pineqartut taakku 28.000
koruuniusut kiisalu 42.000 koruuniusut isertitassatut killiliussaannaapput.
Taamaalillunilu
isertitat akileraaruteqaataasussaanngitsutut pineqaratik.
Soorunami una apeqquteqarfik
oqallinnerusussaanngimmat, kisianni eqqarsaatigeqqikkumaarpara qanoq suliassap
ingerlateriaqqissinnaanera periarfissaqarsinnaanersoq.
Qujavunga
akissuteqaammut.
Isak
Davidsen,
ataatsimiinnermi aqutsisoq, sinniisussaq siulleq, Atassut.
Ilaqutariinnermut
Naalakkersuisoq.
Ruth
Heilmann, Ilaqutariinnut
Peqqissutsimullu Naalakkersuisoq, Siumut.
Ja, aamma
akissutigineqartumut apeqquteqartoq qujammat aamma uanga qujavunga.
Tassa uani
naatsumik erseqqissarlugu imaappoq tassa 28.000 koruunit kisermaamut, taavalu
aappariinnut 42.000 koruunit taakku isertitatut allatuulli
akileraaruteqaataasussaapput pension-it tamakkiisut pigiinnarlugit.
Kisiannili
taakku qaangeraanni tigusartakkat tassa pension-it tassa
appariartortinneqalersinnaapput, taakkua qaangeraanni aatsaat.
Ja, qujanaq.
Isak
Davidsen,
ataatsimiinnermi aqutsisoq, sinniisussaq siulleq, Atassut.
Taamaalilluni
apeqquteqaat naammassivoq.