Oqaluuserisassani immikkoortoq 120 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ulloq
ataatsimiiffiusut aqqarnat, sisamanngorneq 20. marts 2003 nal. 14:08.
Ole
Thorleifsen,
apeqquteqartoq, Siumut.
Timmisartukkut
inunnik angallatsineq maannakkut aaqqissuussivigineqarsimavoq angalaniartunut
pisarialerujussuarmik. Nunaqarfimmioq nunaqarfimmut sanilinut tikeraarniaruni
illoqarfimmut ingerlaqqaartariaqarpoq, nunaqarfimmut siunnerfimmut
ingerlaniassaguni. Ilaatigut illoqarfimmi unnuisariaqartarpoq, tamannalu
aningaasartuutinut annertusaasarluni. Ingerlanermut ataatsimut aningaasartuut
taamaalilluni marloriaatinngortarpoq, angallanniarnermilu qulimiguulimmi
inissanik aamma tamanna annertuumik tigooraasarluni. Taamaammat
apeqqutiginiarpara pissutsit taamaattut qanoq naalakkersuisunit
aaqqiiviginiarneqarnersut?
Qujanaq.
Isak Davidsen, ataatsimiinnermi aqutsisoq,
sinniisussaq siulleq, Atassut.
Attaveqaqatigiinnermut,
Avatangiisinut Ineqarnermullu Naalakkersuisoq.
Mikael
Petersen,
Attaveqaqatigiinnermut, Avatangiisinut Ineqarnermullu Naalakkersuisoq, Siumut.
Qujanaq.
Nunaqarfiit
timmisartuussivigineqartarnerat Naalakkersuisut ingerlaavartumik
naleqqussarniartuarpaat tamatumuuna ilaasorineqartartut kissaatigissagaat
sapinngisamik naammassisinnaajumallugit. Taamaakkaluartoq ilaasorineqartartut
sapinngisamik amerlanerpaat kiffartuunnissaannut aningaasatigut Naalakkersuisut
periarfissaat killeqarput. Tamatuma ilaatigut ajoraluartumik kinguneraa
orniguffigineqarsinnaasut mikinerit akornanni toqqaannartumik ilaasunik
angallassinissamut aningaasat amigaataanerat.
Tassunga
atatillugu eqqaasitsissutigineqassaaq kiffartuunneqarnissamik
isumaqatigiissutitigut bilitsip akiviata 90 %-ia namminersornerullutik
Oqartussanit akilerneqartarmat. Aningaasatigut killissarisat iluini
timmisartuussisarnerup qanoq ililluni pitsaanerulersinneqarnissaanut
siunnersuutaasinnaasut soorunami Naalakkersuisut aammaffigaat tamatumanilu
soqutigisallit oqaloqatigisarnissaat qilanaaralugu.
Isak Davidsen, ataatsimiinnermi aqutsisoq,
sinniisussaq siulleq, Atassut.
Ole
Thorleifsen apeqquteqartoq.
Ole
Thorleifsen,
apeqquteqartoq, Siumut.
Angallannermut
Naalakkersuisop akissutaanut qujavunga.
Kisiannili
erseqqissaatigerusuppara 1999 siorna angallanneq eqaannerujussuusimammat,
tassami qulimiguulik Upernavimmiit ingerlaartilluni ? Upernavimmut aqqusaarsinnaasarpoq,
taavalu ilaasussat Nuugaatsialiartut aqqusaartinneqarsinnaasarlutik
ajornaquteqanngitsumik.
Kisiannili
maanna Nuugaatsialiarniaraanni soorlu Upernavik eqqaaninngaanniit
nunaqarfimmiit, taava ingerlasariaqarpoq Upernavimmut ingerlasinnarluni
unnuisinnarluni taava ingerlaqqilluni Ilulissanut, Ilulissani unnuisinnarluni
taava aatsaat Qaarsuarsunnut ingerlasinnarluni Uummannap eqqaanut Nuugaatsiamut
apississinnaalluni.
Pissutsit
taamaattut aaqqinniarnissaat inassutigerusuppara Naalakkersuisumut.
Qujanaq.
Isak Davidsen, ataatsimiinnermi aqutsisoq,
sinniisussaq siulleq, Atassut.
Attaveqaqatigiinnermut,
Avatangiisinut Ineqarnermullu Naalakkersuisoq.
Mikael
Petersen,
Attaveqaqatigiinnermut, Avatangiisinut Ineqarnermullu Naalakkersuisoq, Siumut.
Erseqqissaassutigissavara
aamma oqaatigereeratsigu Naalakkersuisuninngaanniit aaqqiissutaasinnaasut
pitsanngoriaataasinnaasut eqqumaffiginiaratsigit. Aammalu kiffartuussinissamut
isumaqatigiissutit nutarternissaannut atatillugu taakkartorneqartut soorunami
eqqumaffiginiarsarissavagut. Kisianni eqqaamassavarput tassa soorunami
annertunerusumik kiffartuussinerit ilaneqassappata, aamma tamakku tamarmik
aningaasamik naleqarmata. Kisianni periarfissat atagu takulaartigit.
Isak Davidsen, ataatsimiinnermi aqutsisoq,
sinniisussaq siulleq, Atassut.
Taamaalilluni
Naalakkersuisumut apeqquteqaat, tassa immikkoortoq 120 naammassivarput.