Kalaallit Nunaanni Inatsisartut

Oqaluuserisassani immikkoortoq 14-2

Ataatsimiinnerit Tilbage Op Nęste
Siullermeerneqarnera Aappassaanneerneqarnera Pingajussaaneerneqarnera

Ullut ataatsimiiffiusut aqqaneq tallimaat, ataasinngorneq 6. maj, nal.

Oqaluuserisassaq immikkoortoq 14

Umiarsualivimmiinnarmut akileraarutit pillugit Inatsisartut inatsisaata allanngortinneqarneranik Inatsisisartut inatsisissaattut siunnersuut.

(Aningaasaqarnermut Naalakkersuisoq)

(Aappassaarneernera)

 

Augusta Salling, Aningaasaqarnermut Naalakkersuisoq, Atassut.


Qujanaq. Akileraartarnermut akitsuutinullu ataatsimiititaliap inatsisissatut siunnersuut sukumiisumik suliarisimammagu, tamakkiisumillu tapersersorsimammagu, Naalakkersuisut sinnerlugit qujassuteqarfigissavara.

 

Siunnersuummi aammalu ataatsimiititaliap isumaliuutissiissutaani takuneqarsinnaasutuut Inatsisartut siunnersuut attuumassuteqartunik tamanik suleqateqarnikkut, silittumik tunngavilersugaavoq.

 

Tamatumattaarlu saniatigut siunnersuut ilaatigut 2001-mi ukiakkut Inatsisartut ataatsimiinneranni politikkikkut anguniarneqartunut tulluuttuulluni.

 

Akileraarutinik allannguinerup akileraarutillu annertussusiata sunniutigiumaagassaat ataatsimiititaliap nalunaarutigeriigaattut Naalakkersuisuni ingerlaavartumik kingusinnerpaamillu ukiut marlut qaangiunneranni nalilersorneqassapput.

 

Taama oqaaseqarlunga siunnersuutip saqqummiunneqartup taama iluseqarluni pingajussaaneerneqarnermini aaliangiutivinneqarnissaa, Naalakkersuisut sinnerlugit inassutigissavara.

 

 

Daniel Skifte, ataatsimiinnermik aqutsisoq.

Oqaaseqarumasoqarnerluni? Naamik taava taamaalilluni siunnersuut apeqqutigissavara kikkut isumaqatigineraat?

 

Qinnuigissavakka inissilluaqqullugit.

 

26.

 

Tassalu najuuttut tamarmik, taamaattumik apeqqutit marluk kingulliit apeqqutigissanngilakka.