Ullut ataatsimiiffiusut arfersaneq pingajuat, ataasinngorneq majip 13-iat 2002, nal. 13:53

Oqaluuserisassaq immikkoortoq 15

Raajanut akitsuutit pillugit Inatsisartut inatsisaata allanngortinneqarneranik Inatsisartut inatsisissaatut siunnersuut.

(Aningaasaqarnermut Naalakkersuisoq)

(Pingajussaannerneqarnera)

 

Daniel Skifte, ataatsimiinnermik aqutsisoq, Inatsisartut siulittaasuat, Atassut.

Tassani apeqqutigissavara saqqummiussisisoqarumanersoq. Naamik saqqummiussisoqarumasoqanngilaq.

 

Taamaalilluta taasissussanngorpugut. Tassalu Inatsisartuni amerlarnerussuteqartut aappassaaneerneqarnerani inatsisissatut siunnersuut raajaafgiftimut tunngasoq taanna aamma Naalakkersuisut siunnersuut isumaqatigaat. Taannalu tunngavigalugu taamatut isikkoqarluni akuersissutigineqarnissaa maannakkut taasissutigissavarput.

 

Allannguutissamik siunnersuuteqatoqanngilaq. Taamaattumik maannakkut taamatut iluseqarluni akuersissugitineqarnissaa apeqqutigissavara. Siunnersuummut taamatut iluseqarluni akuersissutigineqarnissaanut isumaqataasut qinnuigissavakka nikueqqullugit.

 

16.

 

Siunnersuummut akerliusut qinnuigissavakka nikueqqullugit.

 

12.

 

Taavalu isumaqataanatilluunnit akerliunngitsut qinnuigissavakka nikueqqullugit.

 

Soqanngilaq.

 

Taamaalilluni inatsisissaq taamatut isikkoqarluni akuersissutigineqarpoq. Maannakut immikkoortoq 23-mut killippugut.