Kalaallit Nunaanni Inatsisartut

Ullut ataatsimiiffiusut arfersaneq tallimaat, pingasunngorneq 15. maj 2002 nal. 09:55.

Oqaluuserisassaq immikkoortoq 28

Ulluunerani paaqqinittarfiit, ulluunerani angerlarsimaffiit, paaqqinniffiit il.il. pillugit Inatsisartut peqqussutissaattut siunnersuut.

(Pingajussaaneernera)

Daniel Skifte, ataatsimiinnermik aqutsisoq, Inatsisartut siulittaasuat, Atassut.

Aappassaaneerinninnermi peqqussutissatut siunnersuut maanna iluserisamisut iluseqartoq Inatsisartut taperserpaat allannguutissatut siunnersuummik saqqummiussisoqanngilaq. Taamaattumillu peqqussutissatut siunnersuut maanna ilusimisut iluseqartoq maanna inaarutaasumik taasissutigissavarput.

Peqqussutissatut siunnersuummut maanna iluserisamisut iluseqartumut isumaqataasut qinnuigissavakka nikueqqullugit. 23.

Peqqussutissatut siunnersuummut maanna iluserisamisut iluseqartumut akerliusut qinnuigissavakka nikueqqullugit. 7

Taavalu taasisinnaasut tamarmik taasereermata apeqqut kingulleq oqaatigissanngilara. Taamaalillunilu ulluunerani paaqqinnittarfiit ulluunerani angerlarsimaffiit, paaqqinniffiit il.il. pillugit Inatsisartut peqqussutissaattut siunnersuut akuersissutigineqarpoq.