Samling
1. september 2004 EM 2004/31
Bemærkninger til forordningsforslaget
Almindelige bemærkninger
1. Formålet med ændringsforslaget
Landsstyret ønsker at nærmere regulering vedrørende sundhedspleje til børn og unge skal kunne ske i bekendtgørelsesform. Derfor foreslås det, at § 11 og § 12 i landstingsforordning om sundhedsvæsenets ydelser m.v. udgår og der skabes hjemmel til, at Landsstyret kan fastsætte regler om sundhedspleje i en bekendtgørelse.
2. Ændringsforslagets hovedindhold
Ændringsforslaget bevirker, at der skabes hjemmel til, at Landsstyret kan fastsætte regler om sundhedspleje i bekendtgørelsesform.
§§ 11 og 12 ophæves, hvorefter Kapitel 4 omhandler tilbud om helbredsundersøgelser, sundhedspleje og vaccinationer til børn og unge og giver Landsstyret bemyndigelse til at udarbejde de nærmere regler herfor.
3. Ændringsforslagets økonomiske og administrative konsekvenser
Ændringsforslaget indeholder ikke økonomiske eller administrative konsekvenser.
4. Høring af offentlige myndigheder og organisationer m.v.
Ændringsforslaget har været i høring hos:
Økonomidirektoratet
Administrationsdirektoratet
Direktoratet for Kultur Uddannelse, Forskning og Kirke
Familiedirektoratet
Sundhedsvæsenets Kystledelse
Dronning Ingrids Hospital
Embedslægeinstitutionen
Center for Sundhedsuddannelser (PI)
KANUKOKA
Sundhedskartellet (PK/PPK)
Grønlands Lægekredsforening
Tandlægeforeningen
Pædagogernes fagforbund i Grønland (PiP)
Lærernes fagforening i Grønland (IMAK)
Grønlands Arbejdsgiverforening
Høringsparterne havde ingen bemærkninger.
Bemærkninger til forordningsforslagets enkelte bestemmelser
Til § 1
Til nr. 1 og 2.
Det foreslås, at § 10 i den gældende landstingsforordning om sundhedsvæsenets ydelser m.v. bliver udvidet med et nyt stykke efter stk.1, som tilbyder gratis sundhedspleje til børn og unge under og i den skolepligtige alder. Dette tilbud har hidtil været beskrevet i § 11 og § 12 som nu ophæves.
Da det ikke er hensigten at forringe børn og unges adgang til sundhedspleje, bliver der i § 10 stk. 3, givet hjemmel til, at Landsstyret kan udstede en bekendtgørelse, der omfatter reglerne for både helbredsundersøgelser og sundhedspleje. Tidligere var der ikke hjemmel til, at Landsstyret fastsatte regler om sundhedspleje. Reglerne herom er alene fastsat i § 11 og § 12 som nu ophæves.
Til § 2
Det foreslås, at ændringsforslaget træder i kraft den 1. februar 2005.
1. september 2004 UKA 2004/31
Peqqussutissatut siunnersuummut nassuiaatit
Nalinginnaasumik nassuiaatit
1. Allannguutissatut siunnersuutip siunertaa
Meeqqat inuusuttuaqqallu peqqinnissakkut sullinneqarnerat pillugu maleruagassiat erseqqinnerusut nalunaarutitut iluseqartinneqarsinnaanissaat Naalakkersuisut kissaatigaat. Taamaattumik Peqqinnissaqarfiup sullissineri il.il. pillugit peqqussummi § 11 aamma § 12 atorunnaarsinneqassasut peqqinnissakkullu sullinneqarneq pillugu maleruagassanik nalunaarutikkut Naalakkersuisut aalajangersaasinnaanissaannut inatsisitigut tunngavissat pilersinneqassasut siunnersuutigineqarpoq.
2. Allannguutissatut siunnersuutip imai pingaarnerit
Allannguutissatut siunnersuutip kingunerissavaa peqqinnissakkut sullinneqarneq pillugu maleruagassat nalunaarutitut ilusilerlugit Naalakkersuisunit aalajangersarneqarsinnaanerinut inatsisitigut tunngavissat pilersinneqarnissaat.
§§ 11 aamma 12 atorunnaarsinneqassapput, tamatumalu kingorna Kapitali 4-p imarilissallugit meeqqat inuusuttuaqqallu peqqissusaannik misissuinissamik, peqqinnissakkut sullinneqarnissamik akiuussutissinneqartarnissamillu neqerooruteqartarnissat, tamatumanilu maleruagassat erseqqinnerusut Naalakkersuisunit aalajangersarneqarsinnaalissallutik.
3. Allannguutissatut siunnersuutip aningaasaqarnikkut allaffissornikkullu kingunissai
Allannguutissatut siunnersuut aningaasaqarnikkut allaffissornikkullu kinguneqassanngilaq.
4. Pisortani oqartussat kattuffiillu il.il. tusarniaavigineqarnerat
Allannguutissatut siunnersuut ukunani tusarniaassutigineqarpoq:
Aningaasaqarnermut Pisortaqarfik
Aqutsinermut Pisortaqarfik
Kultureqarnermut, Ilinniartitaanermut Ilisimatusarnermut Ilageeqarnermullu Pisortaqarfik
Aalisarnermut, Piniarnermut Nunaqarfinnullu Pisortaqarfik
Ilaqutariinnermut Pisortaqarfik
Peqqinnissaqarfiup Peqqissaaveqarfinnik Aqutsivia
Dronning Ingridip Napparsimmavissua
Peqqinnissakkut Nakkutilliisoqarfik
Peqqissaanermik Ilinniarfik (PI)
KANUKOKA
Peqqinnissaq Pillugu Kattuffiit (PK/PPK)
Kalaallit Nunaanni Nakorsat Peqatigiiffiat
Kigutilerisut Peqatigiiffiat
Kalaallit Nunaanni Perorsaasut ilinniarsimasut Peqatigiiffiat (PiP)
Kalaallit Nunaanni Ilinniartitsisut Peqatigiiffiat (IMAK)
Kalaallit Nunaanni Sulisitsisut Peqatigiiffiat
Tusarniaavigineqartut oqaaseqaateqanngillat.
Peqqussutissatut siunnersuummi aalajangersakkanut ataasiakkaanut nassuiaatit
§ 1-imut
Nr. 1-imut 2-mullu.
Siunnersuutigineqarpoq Peqqinnissaqarfiup sullissineri il.il. pillugit peqqussummi atuuttumi § 10 imm. 1-ip kingornatigut immikkoortumik nutaamik ilanngussisoqassasoq, tamatumani meeqqat inuusuttuaqqallu aammalu suli atualinngitsut atuartussaatitaasutullu ukiullit peqqinnissakkut sullinneqarnissamut akiliutitaqanngitsumik neqeroorfigineqalissallutik. Taamatut neqerooruteqarneq maannamut § 11-mi aamma § 12-imi maanna atorunnaarsinneqartuni nassuiarneqarpoq.
Meeqqat inuusuttuaqqallu peqqinnissakkut sullinneqarnissaminnut pisinnaatitaanerat ajornerulersinneqassasoq siunertarineqanngimmat peqqissutsimik misissuinissaq peqqinnissakkullu sullinneqarnissaq pillugit maleruagassanik imaqartumik Naalakkersuisut aalajangersaasinnaanerat § 10, imm. 3-mi inatsisitigut tunngavissinneqassaaq. Peqqinnissakkut sullinneqarneq pillugu malittarisassanik Naalakkersuisut aalajangersaasinnaanissaat siusinnerusukkut inatsisitigut tunngavissaqarsimanngilaq. Tamatumunnga malittarisassat taamaallaat § 11-mi aamma § 12-imi maanna atorunnaarsinneqartuni aalajangersarneqarput.
§ 2-mut
Siunnersuutigineqarpoq allannguutissatut siunnersuut 1. februar 2005-imi atuutilersinneqassasoq.