Samling
20120913 09:27:12
UPA 2003/111
3. april 2003
Illoqarfiit mikinerit inuerukkiartortut inissaaleqiffiunngitsullu Namminersornerullutik
Oqartussat ingerlatsiveqarfiisa ilaasa iluaqutissartalimmik Nuummiit nutserfigineqarnissaat
pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Anthon Frederiksen, Kattusseqatigiit)
Inatsisartunut ilaasortap Anthon Frederiksenip Namminersornerullutik Oqartussat ingerlatsiveqarfiisa ilaasa Nuummiit illoqarfinnut mikinernut nuunneqarnissaannik apeqquteqaataa aallaavigalugu Siumumiit oqallinnissamut qilanaarpugut.
Maannamut Namminersornerullutik Oqartussat ingerlatsiveqarfiisa ilai sinerissamut siammaqqapput, taamaattumillu Siumumiit Naalakkersuisut akissutaat naammagisimaarparput.
Siumumiit pingaartikkatsigu erseqqissarusupparput nunatsinni tamani inuussutissarsiutit
ineriartortinneqarnissaat, tamannalu ersarilluinnartumik Inatsisartut aningaasaqarnermut inatsisissaata oqallisiginerani oqariartuutigisaqattaarparput. Isumaqarpugut illoqarfiit mikinerit
allaffeqarfinnik nuussivigineqarnerisigut, ajornartorsiutaannik qaangiisinnaanngitsugut. Kisiannili
ajornartorsiummik innersuussineratut ittut Siumup iluani oqallisigisareerpagut, tamatumalu
kingunerisaanik inuussutissarsiornermik siuarsaanissamik pimoorussinissamik Naalakkersuisunut
oqariartuuteqaqattaarpugut. Upperigatsigu illoqarfiit minnerusut inuussutissarsiornikkut siuarsaa-
vigineqarnerisigut ajornartorsiummik qaangiisinnaaneq. Siumumiit inuussutissarsiornikkut
nunap immikkoortukkuutaarlugu agguartaarneqarnissaa suli kaammattuutigissavarput, taamaalilluni
nunap immikkoortuini susassaqartut qitiusumit akuleruffigineqaratik inuussutissarsiornikkut
kommunet peqatigalugit siuarsaanissamut pilersaarusiorsinnaassammata.
Inuiaqatigiinni tamani inuussutissarsiutitigut ilaquttanik atugarissaartitineq ornigunartinneqartarpoq
taamaattumillu pingaarluinnarpoq, Siumup siunnerfiata, inuussutissarsiutinik siuarsaanissap
pimoorunneqarnissaa. Inuiaqatigiinni ilaqutariit toqqissisimasut inooqataanissaat Siumup
anguniartuarpaa, sulili annertunerusumik aamma sulissutigerusuppaa.
Ilanngulluguli erseqqissarusupparput Siumumiit Naalakkersuisunut kaammattuutigigatsigu
saneqqunneqarsinnaangitsutullu isigalugu sulisut ilinniarsimanngitsut allallu sumiiffimmiit sumiiffimmut, noorusuttarnerat aningaasaliiffigissagaat, tassami ilinniarsimasut kisimik periarfissinneqartariaqanngimmata suliffissaminnik akiliutsillutik nuuttarsinnaanerat.
Tassani maluginiartariaqarpoq illoqarfinnut annernut nuussinnaanissaq kisimi pineqanngimmat,
aamma illoqarfinnut minnernut, nunaqarfinnulluunniit suliffissaqarfiusunut inissaqarfiusunullu nuunniarsinnaaneq ilanngunneqarmat.
Ole Thorleifsen
Siumut
Ordførerindlæg(Siumut)-1
DANSK TEKST MANGLER Partiit oqaaseqaataat(Siumut)-1
INATSISARTUNI ILAASORTAATITAT/ LANDSTINGSGRUPPEN UPA 2003/111
3. april 2003
Illoqarfiit mikinerit inuerukkiartortut inissaaleqiffiunngitsullu Namminersornerullutik
Oqartussat ingerlatsiveqarfiisa ilaasa iluaqutissartalimmik Nuummiit nutserfigineqarnissaat
pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Anthon Frederiksen, Kattusseqatigiit)
Inatsisartunut ilaasortap Anthon Frederiksenip Namminersornerullutik Oqartussat ingerlatsiveqarfiisa ilaasa Nuummiit illoqarfinnut mikinernut nuunneqarnissaannik apeqquteqaataa aallaavigalugu Siumumiit oqallinnissamut qilanaarpugut.
Maannamut Namminersornerullutik Oqartussat ingerlatsiveqarfiisa ilai sinerissamut siammaqqapput, taamaattumillu Siumumiit Naalakkersuisut akissutaat naammagisimaarparput.
Siumumiit pingaartikkatsigu erseqqissarusupparput nunatsinni tamani inuussutissarsiutit
ineriartortinneqarnissaat, tamannalu ersarilluinnartumik Inatsisartut aningaasaqarnermut inatsisissaata oqallisiginerani oqariartuutigisaqattaarparput. Isumaqarpugut illoqarfiit mikinerit
allaffeqarfinnik nuussivigineqarnerisigut, ajornartorsiutaannik qaangiisinnaanngitsugut. Kisiannili
ajornartorsiummik innersuussineratut ittut Siumup iluani oqallisigisareerpagut, tamatumalu
kingunerisaanik inuussutissarsiornermik siuarsaanissamik pimoorussinissamik Naalakkersuisunut
oqariartuuteqaqattaarpugut. Upperigatsigu illoqarfiit minnerusut inuussutissarsiornikkut siuarsaa-
vigineqarnerisigut ajornartorsiummik qaangiisinnaaneq. Siumumiit inuussutissarsiornikkut
nunap immikkoortukkuutaarlugu agguartaarneqarnissaa suli kaammattuutigissavarput, taamaalilluni
nunap immikkoortuini susassaqartut qitiusumit akuleruffigineqaratik inuussutissarsiornikkut
kommunet peqatigalugit siuarsaanissamut pilersaarusiorsinnaassammata.
Inuiaqatigiinni tamani inuussutissarsiutitigut ilaquttanik atugarissaartitineq ornigunartinneqartarpoq
taamaattumillu pingaarluinnarpoq, Siumup siunnerfiata, inuussutissarsiutinik siuarsaanissap
pimoorunneqarnissaa. Inuiaqatigiinni ilaqutariit toqqissisimasut inooqataanissaat Siumup
anguniartuarpaa, sulili annertunerusumik aamma sulissutigerusuppaa.
Ilanngulluguli erseqqissarusupparput Siumumiit Naalakkersuisunut kaammattuutigigatsigu
saneqqunneqarsinnaangitsutullu isigalugu sulisut ilinniarsimanngitsut allallu sumiiffimmiit sumiiffimmut, noorusuttarnerat aningaasaliiffigissagaat, tassami ilinniarsimasut kisimik periarfissinneqartariaqanngimmata suliffissaminnik akiliutsillutik nuuttarsinnaanerat.
Tassani maluginiartariaqarpoq illoqarfinnut annernut nuussinnaanissaq kisimi pineqanngimmat,
aamma illoqarfinnut minnernut, nunaqarfinnulluunniit suliffissaqarfiusunut inissaqarfiusunullu nuunniarsinnaaneq ilanngunneqarmat.
Ole Thorleifsen
Siumut