Samling
DANSK TEKST MANGLER
ATASSUT 27. marts 2003
Isak Davidsen UPA 2003/114
Nunatsinni timmisartunut suluusalinnut mittarfiit imminut akilersinnaasumik ingerlasut, inuutissarsiornermut takornariaqarnermullu Nunatta aningaasaqarniarneranut iluaqutaasumik tallineqarnissaat pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Anthon Frederiksen, Kattusseqatigiit)
Inatsisartunut ilaasortap Anthon Frederiksenip apeqquteqaat aallaavigalugu oqallisissiaanut ATASSUT-mit imaattumik oqaaseqaateqassaagut.
ATASSUT-mit oqallisissiaq paasilluarsinnaagaluarlugu Naalakkersuisut akissuteqaataanni takuneqarsinnaavoq ukiamut ataatsimiinnissamut Naalakkersuisut pilersaaruteqartut mittarfinnik tallilerisinnaanermik misissuisimanermut tunngasumik saqqummiussiniarlutik, taassuma utaqqinissaa ATASSUT-mit pisariaqartutut oqaatigiumavarput.
ATASSUT-mit Anthon Frederiksenip oqallisissiaa siusinnerusukkut Inatsisartuni oqallittareernermi annertuumik eqqartorneqartartoq nalunngilluinnarparput.
Taamaattorli Naalakkersuisunit oqallisissiap uuma suliaralugu ingerlanneqalereersimanera pitsaasutut isigaarput.
Annertunerusumillu oqaaseqarfiginagu ukiamut Naalakkersuisut saqqummiussinissaat qilanaarluta utaqqiumavarput.