Samling
20120913 09:27:12
Sulisinnaasut 63-nik ukioqalereersimasut qanoq atorluarneqarsinnaanerat pillugu apeqquteqaat.
Inuit 63-nik ukioqalereersimasut sulisinnaasut pillugit Henriette Rasmussen-ip apeqquteqaateqarnera Demokraatinit nuannaarutigaarput. Inuit ullumikkut soraarninngorsimasut sulerusussuseqaraluarnerat takussaanerugaluttuinnarpoq, immaqa ilaatigut piffissaq tamaajunngikkaluartoq.
Namminersortut pisortallu suliffeqarfiutaat utoqqalaanerusunut politikkeqartariaqaraluarput, sulisut ataasiakkaat peqqissusiat isiginiarlugit utoqqaanerusut suliassanik neqeroorfigineqarsinnaasartunngorlugit. Takorloorneqarsinnaavoq suliffiup sivisussusissaa pillugu isumaqatigiissutit, soorlu sapaatip akunneranut ulloq ataatsimiit sapaatip akunnerani ullunut tallimanut sivisussuseqarsinnaasumik, taamaalillutik nalunaaquttap akunneri suliffissap ullut tamarluinnaasa arfineq pingasuusarnissaat pisariaarutsillugu.
Ullumikkummi aamma inuit ukioqqortussusertik tunngavigalugu inuiaqatigiinni agguataagaareerput, takuinnartigik: meeraaqqeriviit, meeqqeriviit, atuarfiit, ilinniarfiit, suliffeqarfiit utoqqaallu illui.
Tamatuma kingunerisimavaa utoqqaat meeqqanut attaveqarunnaarsimanerat, attaveqatigiinneq inuup perorsagaanerani pingaaruteqaqisutut Demokraatinit isumaqarfigisarput. Taamaattumik imminut ungasillisimanerup annikillisaavigineqarnissaata oqaloqataaffiginissaa peqataaffigerusoqaarput, soorlu inuit utoqqalinersiutillit meeraaqqerivinni / meeqqerivinni / atuarfinni / ilinniarfinni ullormut nalunaaquttap akunnialunnguini imaluunniit sapaatip akunneranut ulluni arlalialunnguani sulisarsinnaanissamut periarfissiivigineqarnissaat, tassa utoqqaap nammineq kissaatigisaa peqqissusialu naapertorlugit. Tamanna meeqqat utoqqaallu inuuniarnerannut iluaqutaassagaluarpoq, kiisalu Demokraatini isumaqarpugut angajulliit inuunermik ingerlassilluarnerat inuunermik peqqinnarnerusumik tunisisassagaluartoq, taamaalillunilu peqqinnissaqarfimmut isumaginninnermullu akikillisaataassagaluarluni.
Inuuneq naallugu ilinniarfiuvoq, kalaallit taamatut oqartarpugut, aammattaaq tassaavoq Demokraatit tungaannit aallartitseqataaffigerusutarput, isumaqaratta nutaanik ilinniagaqarneq inuit unittuunnginnissamut aqqutissiuuttarai peqatigitillugulu malinnaaniarnissamut periarfissiivigisarlugit. Ullumikkummi utoqqarpassuit atorfissaqartinneqanngittutut, nattaqqallisaarlutillu malinnaaniarsarisutut misigisimasarput.
Henriette Rasmussen-ittaaq inuit paaqqutarineqartariaqartut, sulisut soraarnerussutisiallu eqqaasimavai. Soraarnerussutisiaqalerumaartussat qanoq amerlatigiumaarnissaat takussutissiorluarneqarpat kiisalu nunassittarnissamut tunngassuteqartut paasinarnerulersinneqarpata, taava utoqqarnik paaqqutarinniffiliornissat / ornittagassaliornissat ajornannginnerusumik pilersaarusiorfigineqarsinnaalissapput aammalu sulisussat piffissaagallartillugu ilinniartitaanissaat ajornannginnerusumik pilersaarusiorneqarsinnaalissalluni.
Soraarnerussutisiat pillugit innersuussutigissavara Per Skåning-ip Demokraatineersup sapaatip akunnerani kingullermi inimi maani saqqummiussaa. Saqqummiussami tassani Demokraatinit isumaqarpugut soraarnerussutisiat pillugit aaqqissuussinissap pilersaarusiorfigineqarnissaanut massakkut piffissanngortoq, tassa pisortanit soraarnerussutisiat, nammineq katersorlugit soraarnerussutisiat kiisalu soraarnerussutisianut aningaasaateqarfiit aaqqissuussinissami eqqarsaatigineqarlutik.
Taamatut oqaaseqarluta neriuppugut oqallilluartoqassasoq, aammalu kissaatigalutigu siunnersuutip aningaasanut ataatsimiititaliamut, avatangiisinut attaveqaateqarnermullu ataatsimiititaliamut kiisalu ilaqutarinnut peqqinnissamullu ataatsimiititaliamut ingerlateqqinneqarnissaa.
Astrid Fleischer Rex
Demokraatit
Ordførerindlæg(Demokrater)1
DANSK TEKST MANGLER Partiit oqaaseqaataat(Demokraatit)-1
Nuuk 2.april 2003-04-03 UPA 03/96 Sulisinnaasut 63-nik ukioqalereersimasut qanoq atorluarneqarsinnaanerat pillugu apeqquteqaat.
Inuit 63-nik ukioqalereersimasut sulisinnaasut pillugit Henriette Rasmussen-ip apeqquteqaateqarnera Demokraatinit nuannaarutigaarput. Inuit ullumikkut soraarninngorsimasut sulerusussuseqaraluarnerat takussaanerugaluttuinnarpoq, immaqa ilaatigut piffissaq tamaajunngikkaluartoq.
Namminersortut pisortallu suliffeqarfiutaat utoqqalaanerusunut politikkeqartariaqaraluarput, sulisut ataasiakkaat peqqissusiat isiginiarlugit utoqqaanerusut suliassanik neqeroorfigineqarsinnaasartunngorlugit. Takorloorneqarsinnaavoq suliffiup sivisussusissaa pillugu isumaqatigiissutit, soorlu sapaatip akunneranut ulloq ataatsimiit sapaatip akunnerani ullunut tallimanut sivisussuseqarsinnaasumik, taamaalillutik nalunaaquttap akunneri suliffissap ullut tamarluinnaasa arfineq pingasuusarnissaat pisariaarutsillugu.
Ullumikkummi aamma inuit ukioqqortussusertik tunngavigalugu inuiaqatigiinni agguataagaareerput, takuinnartigik: meeraaqqeriviit, meeqqeriviit, atuarfiit, ilinniarfiit, suliffeqarfiit utoqqaallu illui.
Tamatuma kingunerisimavaa utoqqaat meeqqanut attaveqarunnaarsimanerat, attaveqatigiinneq inuup perorsagaanerani pingaaruteqaqisutut Demokraatinit isumaqarfigisarput. Taamaattumik imminut ungasillisimanerup annikillisaavigineqarnissaata oqaloqataaffiginissaa peqataaffigerusoqaarput, soorlu inuit utoqqalinersiutillit meeraaqqerivinni / meeqqerivinni / atuarfinni / ilinniarfinni ullormut nalunaaquttap akunnialunnguini imaluunniit sapaatip akunneranut ulluni arlalialunnguani sulisarsinnaanissamut periarfissiivigineqarnissaat, tassa utoqqaap nammineq kissaatigisaa peqqissusialu naapertorlugit. Tamanna meeqqat utoqqaallu inuuniarnerannut iluaqutaassagaluarpoq, kiisalu Demokraatini isumaqarpugut angajulliit inuunermik ingerlassilluarnerat inuunermik peqqinnarnerusumik tunisisassagaluartoq, taamaalillunilu peqqinnissaqarfimmut isumaginninnermullu akikillisaataassagaluarluni.
Inuuneq naallugu ilinniarfiuvoq, kalaallit taamatut oqartarpugut, aammattaaq tassaavoq Demokraatit tungaannit aallartitseqataaffigerusutarput, isumaqaratta nutaanik ilinniagaqarneq inuit unittuunnginnissamut aqqutissiuuttarai peqatigitillugulu malinnaaniarnissamut periarfissiivigisarlugit. Ullumikkummi utoqqarpassuit atorfissaqartinneqanngittutut, nattaqqallisaarlutillu malinnaaniarsarisutut misigisimasarput.
Henriette Rasmussen-ittaaq inuit paaqqutarineqartariaqartut, sulisut soraarnerussutisiallu eqqaasimavai. Soraarnerussutisiaqalerumaartussat qanoq amerlatigiumaarnissaat takussutissiorluarneqarpat kiisalu nunassittarnissamut tunngassuteqartut paasinarnerulersinneqarpata, taava utoqqarnik paaqqutarinniffiliornissat / ornittagassaliornissat ajornannginnerusumik pilersaarusiorfigineqarsinnaalissapput aammalu sulisussat piffissaagallartillugu ilinniartitaanissaat ajornannginnerusumik pilersaarusiorneqarsinnaalissalluni.
Soraarnerussutisiat pillugit innersuussutigissavara Per Skåning-ip Demokraatineersup sapaatip akunnerani kingullermi inimi maani saqqummiussaa. Saqqummiussami tassani Demokraatinit isumaqarpugut soraarnerussutisiat pillugit aaqqissuussinissap pilersaarusiorfigineqarnissaanut massakkut piffissanngortoq, tassa pisortanit soraarnerussutisiat, nammineq katersorlugit soraarnerussutisiat kiisalu soraarnerussutisianut aningaasaateqarfiit aaqqissuussinissami eqqarsaatigineqarlutik.
Taamatut oqaaseqarluta neriuppugut oqallilluartoqassasoq, aammalu kissaatigalutigu siunnersuutip aningaasanut ataatsimiititaliamut, avatangiisinut attaveqaateqarnermullu ataatsimiititaliamut kiisalu ilaqutarinnut peqqinnissamullu ataatsimiititaliamut ingerlateqqinneqarnissaa.
Astrid Fleischer Rex
Demokraatit