Samling
Dansk tekst mangler
Politik-ikkut suliniaqatigiiffik ATTAVIITTUT KATTUSSEQATIGIIT KANDIDATFORBUNDET
|
||
Anthon Frederiksen UPA-2003/35-01 |
ulloq 10. marts 2003 |
Piginneqatigiilluni inissiat pillugit inatsisartut peqqussutaata allanngortinneqarneranik inatsisartut peqqussutissaattut nr. xx, ulloq 2003-meersussatut siunnersuut.
Piginneqatigiilluni inissiat pillugit Inatsisartut peqqussutaata nr. 1, 31. oktober 1991-imeersup kingornalu 1997-imi, 2001.-imi aammalu kingullermik 21. maj 2002-meersukkut allanngortinneqartup allannguutissaatut siunnersuutit Kattusseqatigiit sinnerlugit imaattumik oqaaseqaateqarfigissuakka:
Kattussseqatigiit sinnerlugit paasisinnaalluarpara; piginneqatigiillutik inissiaatilittut peqatigiiffinnut tapersiinissamik neriorsuuteqartoqarsinnaaneranut piumasaqaatinik peqqussummi allannguutissatut siunnersuutigineqartut, kisianni eqqarsarnartoqartippara; sanaartornermi tapersiinissamut neriorsuuteqarnermiit sanaartukkat ukiut pingasut qaangiutsinnagit naammassereersimanissaannik piumasaqarneq, tassa ilaatigut sikusartuni sanaartornermik kinguaattoortoqarsinnaanera matumani eqqarsaatigalugu, taamaattumik § 9-imi imm. 3-ip eqaannerusumik aaqqinneqarsinnaanera Naalakkersuisunut aammalu attaveqaqatigiinnermut ineqarnermullu ataatsimiititaliami nalilersuiffigilluarneqarnissaa inassutingaara, taamaattumik imm. 5-imi immikkut illuinnartuni imm. 3-imi piffassaliunneqartut sanioqqunneqarsinnaanerisa periarfissaqartitsisinnaanerat ilanngunneqarmat pissusissamisoortutut isingaara.
Taamatut oqaaseqarlunga allannguutissatut siunnersuut akuersaarlugu attaveqaqatigiinnermut ineqarnermullu ataatsimiititaliami suliarineqarnissaa inassutingaara.