Allattoqarfiup aaqqissuussaanera


2021-mi aggustip aallaqqaataani aallartittumik Inatsisartut Allattoqarfianni allaffissornikkut nutaamik aaqqissuussaaneq atuutilerpoq.

 

Allattoqarfik maanna pisortaaneqarfeqalerpoq, pisortaanerit ataanni immikkoortortat arlaqarsinnaallutik. Tamatumunnga atatillugu ulluinnarni sulinermi pisortat marlunnik nutaanik amerlineqarsimapput – Ataatsimiititaliat allattoqarfiannut allaffimmi pisortaq kiisalu Sulisoqarnermut allaffissornermullu immikkoortortami nutaamik pilersinneqartumi immikkoortortami pisortaq.

 

Taamatuttaaq atorfinnut taaguutit nutaat atulersinneqarput - Allattaanermut, maanna Pisortatut taaguuteqalersumut, kiissalu Allattoqarfiup pisortaanut, maanna Pisortap tulliatut taaguteqalersumut.

 

Allattoqarfiup allaffeqarfittut ilisarnaatigai:

  • Inatsisartunut ilaasortanik qaffasissumik pitsaassusilimmik sunniuteqarluartumillu sullissineq
  • Innuttaasumut sammisumik ammasumik ingerlatsinissamik sulissuteqarneq
  • Aaqqissuussaanerup nalitsinni pissutsinut naleqqussartuarnera

 

 

Pisortaaneqarfiup Allattoqarfik Inatsisartullu eqqarsaatigalugit inissisimanera suliassaalu:

  • Pisortaaneqarfimmut ilaasortaappit Pisortaq ataaseq, Pisortap tullia ataaseq Sulisoqarnermullu immikkoortortami pisortaq ataaseq
  • Pisortap tulliata immikkoortortamilu pisortap Pisortaq qullersaraat
  • Pisortaaneaqarfiup akisussaaffeqarfia tassaavoq Allattoqarfiup sulinera tamarmiusoq allaffissornikkullu aqutsineq qulliunerusoq
  • Pisortaaneqarfiup suliassai inissisimaneralu piffissap ingerlanerani ineriartortinneqartuassapput

 

 

Pisortaaneqarfiup naalakkersuinermik suliannut atassuteqarnera:

  • Pisortaaneqarfik Inatsisartuni allaffissornikkut aqutsinermut qullersaapput
  • Pisortaaneqarfik peqataassaaq Inatsisartut suliffeqarfittut eqqarsaatigalugit pissutsit pitsaasuunissaasa qularnaarneqarnissaannut qinikkallu aalajangiissartutut inissisimanerminni ikorfartorneqartutut misigisimanissaannut
  • Pisortaaneqarfik suliassat qulaajarneqarnerinut erseqqissarneqarnerannullu peqataanermigut naalakkersuinikkut aalajangiisinnaassuseqarneq ikortussavaa

 

 

Pisortaaneqarfik tunngaviusumik najoqqutassat uku aallaavigalugit sulissaaq:

  • Pitsaassuseqarluartumik suliatigut ikiuinissaq sullissinissarlu
  • Avatangiisinut sukkasuumik eqqortumillu attaveqartarnissaq
  • Suliffeqarfiup pissanganartuunissaata sulissutigineqarnissaa
  • Pisortani suliffeqarfiup ineriartortinneqarnissaanut peqataanissaq

 

 

Allaffimmi immikkoortortanut tamanut ataatsimut najoqqutassat:

  • Oqaloqatigiittarpugut mamarliinata
  • Ataatsimut sulianut namminerlu immikkoortortamut akisussaassuseqarpugut
  • Akisussaassuseqarluta kiffaanngissuseqarluta sulivugut
  • Aaqqissuussaanermi tamarmi suliassat sukkasuumik naammassisaqarfiulluartumillu suliarineqartarnissaannut peqataavugut
  • Aaqqissuussanermi tamarmi attaveqaqatigiinneq pitsaasoq qularnaarniarparput

 

Immikkoortortani assigiinngitsuni suliassaqarfinnut allanut sunniuteqartussanik aalajangiisoqassatillugu inaarutaasumik aalajangiisoqartinnagu pisortaaneqarfimmut pisariaqartumik ataqatigiissaarinissaq attaveqartarnissarlu qularnaarneqassaaq.

 

 

Taaneqarsinnaasut allat:

Qulequttat aaqqissuussaaneq eqqarsaatigalugu ungasinnerusoq isigalugu pisoqarfiusussat pillugit pisortaaneqarfik pisariaqartitsineq malillugu aqutsisoqatigiinnik ataatsimeeqateqartassaaq.


 

Ilanngussaq:

Aaqqissuussaanermut takussutissiaq