Oqaluuserisassani immokkoortoq 12-3 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Pingasunngorneq 29. Oktober 1997,
nal. 15.00
Ataatsimiinnermik Aqutsisoq:
Siulittaasoqarfimmi Ilaasortaq, Hans Enoksen, Siumut
Laannguaq Lynge, Siumut,
Ataatsimiititaliap Siulittaasua:
Marlunngornermi oktobarip 21-ianni
1997 1997-imut inatsisartut ilassutitut aningaasaliissutinut inatsisissaasa
aappaannut siunnersuut Inatsisartut aappassaaneerpaat. Aningaasaqarnermut
ataatsimiititaliap allannguutissanut siunnersuutinut katillugit
aqqaneq-marluusunut inassuteqaatai Inatsisartunit ilalerneqarput.
Tamatuma kingorna Inatsisartut
siulittaasuat allannguutissatut siunnersuummik saqqummiussaqarpoq. Taanna
Suleriaatsimut Ataatsimiititaliamit suleriarineqarsimavoq, akuersissutigineqarnissaalu
inassutigalugu. Oktobarip 23-iani 1997 naalakkersuisut allannguutissatut
siunnersuutinik 17-inik saqqummiussaqarput. Taakkunannga marluk
tjenestemanditut atorfiit amerlassusiligaanerisa allanngortinneqarnissaannut
siunnersuutaapput.
Allannguutissatut siunnersuutinut
Aningaasaqarnermut Ataatsimiititaliap inassuteqaataasa aningaasaqarniarnikkut
sunniutissai ilanngussami normu 1-imi takuneqarsinnaapput.
Aningaasaqarnermut ataatsimiititaliap
oqaatigiumasai makkuupput:
Aningaasaqarnermut ataatsimiititaliaq
1997-imut ilassutitut aningaasaliissutinut inatsisissat aappaata
pingajussaaneerneqarnissaanut imaattunik oqaasissaqarpoq:
Aappassaaneerinninnermi
ikittuinnarnik allannguutissatut siunnersuuteqartoqarneranut naammagisimaarinninnini
Aningaasaqarnermut Ataatsiimiititaliap uteqqissavaa. Aammattaaq
Ani-ngaasaqarnermut Ataatsimiititaliap aningaasanut inatsisissamut
ilassutitullu aningaasaliissutinut inatsisissamut siunnersuutinut
tunngatillugu Inatsisartunut ilaasortat apeqqutaannut allaganngorlugu
naalakkersuisut akissuteqaateqarsimanerannut tapersersuinini ersersikkusuppaa.
Aningaasaqarnermut Ataatsimiititaliaq isumaqarpoq taamatut iliuuseqartarnerit
Inatsisartut naaalakkersuisullu pitsaasumik suleqatigiinnerannut
sunniuteqaqataasartut.
Aningaasaqarnermut Ataatsimiititaliap
paasivaa allannguutissatut siunnersuutit saqqummiunneqartut suliassaqarfiit
allanngorterneqarnerannut peqqammersumut annertuumik tunngassuteqartut,
taamaammallu Aningaasaqarnermut Ataatsimiititaliaq taakku saqqummiunneqarnerannut
paasinnippoq.
1997-imut ilassutitut
aningaasaliissutinut inatsisit aappaata allannguutissatut siunnersuutinik
matumani pineqartunut Aningaasaqarnermut Ataatsimiititaliap inassutaanik
ilaqartup Inatsisartut akuersissutiginninneratigut 1997-imut ilassutitut
aningaasaliissutinut inatsisit aappaata 1997-imut Ingerlatsinermut,
Sanaartornermut Taarsigassarsisitsisarnermullu missingersuutini, IST-mi,
angusat 12,233 mio. kr-inik pitsanngoriartissavai. Taamalilluni 1997-imut
inernera tassaalissaaq 152.246.000 kr.-inik amigartooruteqartoqarnera.
Naalakkersuisut ilaatigut kontumut
pingaarnermut 10.01.21-imut, tassa Qarasaasiat atorlugit inatsisinik
ujarlerfissiaq, allannguutissatut siunnersuuteqarput. 1997-imut ilassutitut
aningaasaliissutinut inatsimmut siullermut assingusumik
siunnersuuteqartoqarsimavoq, tassani Ani-ngaasaqarnermut Ataatsimiititaliap
siunnersuutip akuersissutigineqannginnissaa inassutigalugu. Aningaasaqarnermut
Ataatsimiititaliap kaammattuutigaa akikillisaasoqarsinnaanerata misissorneqarnissaa
siunertaralugu siunnersuut naliliivigeqqinneqassasoq. Tassani Aningaasaqarnermut
Ataatsimiititaliap internettiinnarmut sanilliullugu aningaasaliineq
akikinnerpaamik naammattumillu aaqqiinerunersoq misissussallugu
pisariaqarsoraat.
Naalakkersuisut maanna
allannguutissatut siunnersuuteqaqqipput. Tassunga atatilllugu Ani-ngaasaqarnermut
Ataatsimiititaliap nalileeqqinnissamik kissaatigisaa missingersuutinut
ilan-ngussakkut naammasseriarneqarpoq. Kisiannili Aningaasaqarnermut
Ataatsimiititaliap nali-leeqqinnerup missingersuutinut ilanngussami pinissaa
akuerisinnaanngilaa, soorluttaaq Aningaasaqarnermut Ataatsimiititaliap
taamaattumik qinnuteqarneq ilassutitut aningaasaliissutinut inatsisip
pingajussaaneerneqarnerani saqqummiunneqarnera isumaliornartoqartikkaa.
Aningaasaqarnermut Ataatsimiititaliap
paasivaattaaq missingersuutinut ilanngussami internettimik aaqqiinerup
ujarlernermut atortunik pitsassuarnik peqannginneranik oqartoqarnera pissusiviusunut
naapertuutinngimmat. Aammattaaq Aningaasaqarnermut Ataatsimiititaliap
qarasaasiat atorlugit inatsisinik ujarlerfissiami marluinnik oqaaseqarluni
sulisoqarsinnaaneranik, Namminersornerullutik Oqartussat allaffissorneranni
pingaaruteqartorujussuusussamik, atortup qularnaarinissaata
uppernarsarneqarnissaa maqaasivaa.
Tamatuma saniatigut Aningaasaqarnermut
Ataatsimiititaliap qarasaasiat atorlugit inatsisinik ujarlerfiliornermut
aningaasartuutissat maluginiartariaqartumik qaffasilluinnarsorai. Tassunga
atatillugu qarasaasiat atorlugit inatsisinik ujarlerfiliorniarnerup
aallaqqaammut eqqarsaatigineqartutut naalakkersuisut Inatsisartullu
allaffissornikkut ingerlatsiveqarfiisa suleqatigiinnerisigut pinissaata
aningaasartuutit suli qaffasinnerulerneranik kinguneqarsinnaasorineqarnera
Aningaasaqarnermut Ataatsimiititaliap aarleqqutigaa.
Siunnersuutip akuerineqannginnissaa
Aningaasaqarnermut Ataatsimiititaliap inassutigimmagu qarasaasiat atorlugit inatsisinik ujarlerfiliornerup ujarliutinut
tunngatillugu internettimit aaqqiissuteqarnermit akikinnerunerata
pitsaaneruneratalu, kiisalu qarasaasiat atorlugit inatsisinik ujarlerfiup
marluinnik oqaaseqarluni suliffigineqarsinnaanerata, uppernarsarneqarnissaa
siunertaralugu siunnersuutip nalileqqinneqarnissaa Aningaasaqarnermut
Ataatsimiititaliap kaammattuutigissavaa; nalileeqqinneq nassuiaatinngorlugu
Aningaasaqarnermut Ataatsimiititaliamut akuerisassanngorlugu nassiunneqassaaq.
Naalakkersuisut
nalileeqqinnissaminnut periarfissaqaqqullugit, immaqalu aaqqiissummik nutaamik
aningaasaliiffigineqarnissamik qinnuteqaatitalimmik
piviusunngortitsisinnaaqqullugit, Aningaasaqarnermut Ataatsimiititaliap
peqatigisaanik siunnersuutigissavaa sanaartornermut sillimmatinut, konto
pingaarneq 20.11.60, aningaasaliissutit kontumi pingaarnermi 10.01.21-imi
qinnutigineqartutut amerlatigisunik amerlineqassasut.
Qarasaasiat atorlugit inatsisinik
ujarlerfiliornissaq pillugu allannguutissatut siunnersuutip
akuerineqannginnissaanik Aningaasaqarnermut Ataatsimiititaliap
inassuteqarnerata kingunerisaanik Aningaasaqarnermut Ataatsimiititaliap
kontumi pingaarnermi 10.01.01-imi, tassa Naalakkersuisut Allattoqarfiat,
allaffissorneq, allannguutissatut siunnersuutit akuerineqarnissaat
aamma inassutigisinnaanngilaa, siunnersuummimi qarasaasiat atorlugit
inatsisinik ujarlerfiup ingerlanneqarnissaa pineqarmat.
Taamaaqataanillu Aningaasaqarnermut
Ataatsimiititaliap kontumi pingaarnermi 20.11.60-imi, Sanaartornermut sillimmatit,
allannguutissatut siunnersuutit akuerineqarnissaat inassutigisinnaanngilaa,
tamannami tassaammat qarasaasiat atorlugit inatsisinik ujarlerfiliornermut
ani-ngaasartuutit ilaasa matussuserneqarnissaannut qinnuteqaat.
Imikkoortut pingajuanni, 1997-imut
inatsisartut ilassutitut aningaasaliissutinut inatsisissaasa aappaannut
aningaasal isutissatut siunnersuutinut Inatsisartut Suleriaatsimut
Ataatsimiititaliaata allannguutissatut siunnersuutaa.
Konto
pingaarneq 01.06.10 Inuit Circumpolar Conference.
Inatsisartut
Suleriaatsimut Ataatsimiititaliaata inassutigaa, 1997-imut aningaasaliissutit 610.000
kr.-inik qaffanneqassasut, ilaatigut 1998-imi ataatsimeersuarnissap
pilersaarusiorneqarneranut atatillugu, ilaatigullu nunatta
siulittaasoqartitsinermik tigusinerata kinguneranik aningaasartuutit
amerlisimanerannut matusissutissatut.
Taava
1997-imut inatsisartut ilassutitut aningaasaliissutinut inatsisissaasa
aappaannut aningaasaliissutissatut siunnersuutinut Naalakkersuisut
allannguutissatut siunnersuutaat
Konto
pingaarneq 10.01.01, Naalakkersuisut Allattoqarfiat, taassuma iluani
allaffissorneq.
Qarasaasiat
atorlugit inatsisinik ujarlerfiup ingerlanneqarneranut aningaasaliissutit
ukiuni missingersuusiorfiusuni 300.000 kr.-inik amerlineqarnissaat
Naalakkersuisut siunnersuutigaat. Aserfallatsaaliinerup 1999-ip tungaanut
Schultz Informationimit isumagineqarnissaa naatsorsuutigineqarpoq, tamatumalu
kingorna suliassaq Namminersornerullutik Oqartussat tigussavaat. Tassanilu
allannguutissatut siunnersuut nr. 19-iniuvoq, tassunga tunngasoq.
Aningaasaqarnermut
ataatsimiititaliap inassutigaa siunnersuut akuerineqassanngitsoq, tamatumunngalu
siuliani oqaaseqaatini innersuussutigalugit.
Konto
pingaarneq 10.01.01, taassuma iluani Naalakkersuisut Allattoqarfiat,
allaffissorneq tunngasortaani.
Suliassaqarfiup
nunaminertat atorneqarnerat pilersaarusiorfigineqarneratalu oqartussaaffigineqarnerata
Aningaasaqarnermut Ineqarnermullu Naalakkersuisoqarfimmiit Naalakkersuisut
siulittaasuata suliassaqarfianut nuunneqarneranut atatillugu kontumi
pingaarnermi 20.01.01-imi, Aningaasaqarnermut Pisortaqarfik, allaffissorneq,
1997-imi aningaasaliissutit 303.000 kr.-iusut kontumut pingaarnernermut
10.01.01-imut, Naalakkersuisut Allattoqarfiat, nuunneqarnissaat
Naalakkersuisut siunnersuutigaat.
Aningaasaqarnermut
ataatsimiititaliap inassutigaa aningaasaliissutit 1997-imi 303.000 kr.-inik
qaffanneqassasut peqatigisaanillu kontumi pingaarnermi 20.01.01-imi 1997-imut
aningaasaliissutit amerlaqataannik ikilineqarlutik. Taannalu tassa
allannguutissatut siunnersuut nr. 21.
Konto
pingaarneq 10.01.02, Namminersornerullutik Oqartussat qarasaasiaqarnermut
immikkoortoqarfiat.
Allakkanik
aqutsinermut suliassanillu ingerlatsinermut atortup Scan*jourip
aserfallatsaalineqarnissaanut atugassatut ukiuni missingersuusiorfiusuni
1999-imi 2000-imilu aningaasaliissutit 200.000 kr.-inik qaffanneqarnissaat
Naalakkersuisut siunnersuutigaat.
Aningaasaqarnermut
ataatsimiititaliap inassutigaa aningaasaliissutit ukiuni missingersuusiorfiusuni
1999-imi 2000-imilu 200.000 kr.-inik qaffanneqassasut.
Konto
pingaarneq 10.01.05, Nuna tamakkerlugu pilersaarusiorneq.
Suliassaqarfiup
nunaminertat atorneqarnerat pilersaarusiorfigineqarneratalu Aningaasaqarnermut
Ineqarnermullu Naalakkersuisoqarfimmiit Naalakkersuisut siulittaasuata
suliassaqarfianut nuuunneqarnerata kingunerisaanik kontumi pingaarnermi
20.01.02-mi, Nuna tamakkerlugu pilersaarusiorneq, 1997-imi aningaasaliissutit
atorneqanngitsortaasa 530.000 kr.-isut kontumut pingaarnermut 10.01.05-imut,
Nuna tamakkerlugu pilersaarusiornermut tunngasumut, nuunneqarnissaat Naalakkersuisut
siunnersuutigaat.
Aningaasaqarnermut
ataatsimiititaliap inassutigaa aningaasaliissutit 1997-imi 530.000 kr.-inik
qaffanneqassasut peqatigisaanillu kontumi pingaarnermi 20.01.02-imi 1997-imi
aningaasaliissutit amerlaqataannik ikilineqarlutik.
Konto
pingaarneq 10.01.20, Qarasaasiaqarnermi atortunik pisinerit.
Namminersornerullutik
Oqartussat pisortaqarfiini allakkanik aqutsinermut suliassanillu ingerlatsinermut
atortuliinissamut aningaasaliissutit 1997-imi 1.300.000 kr.-inik, ukiumilu
missingersuusiorfiusumi 1998-imi 1.200.000 kr.-inik qaffanneqarnissaat
Naalakkersuisut siunnersuutigaat.
Aningaasaqarnermut
ataatsimiititaliap inassutigaa aningaasaliissutit 1997-imi 1.300.000 kr.-ini,
ukiumilu missingersuusiorfiusumi 1998-imi 1.200.000 kr.-inik qaffanneqassasut.
Konto
pingaarneq 10.01.21 Qarasaasiat atorlugit inatsisinik ujarlerfissiat.
Qarasaasiat
atorlugit inatsisinik ujarlerfissiornissamut 1997-imi aningaasaliissutit
2.925.000 kr.-inik qaffanneqarnissaat Naalakkersuisut siunnersuutigaat.
Aningaasaqarnermut
ataatsimiititaliap inassutigaa siunnersuut akuerineqassanngitsoq, tamannalu
pillugu siuliini oqaaseqaatini innersuussutigalugit. Naalakkersuisut nalileeqqinnissaminnut
periarfissaqaqqullugit, immaqalu aaqqiissummik nutaamik
aningaasaliiffigineqarnissamik qinnuteqaatitalimmik
piviusunngortitsisinnaaqqullugit, Aningaasaqarnermut Ataatsimiititaliap
peqatigisaanik inassutigaa sanaartornermut sillimmatinut, konto pingaarneq
20.11.60, aningaasaliissutit kontumi matumani qinnutigineqartutut
amerlatigisunik amerlineqassasut.
Konto
pingaarneq 10.06.17, Nioqqutissiassanik ineriartortitsineq, Nanortalik.
Nanortallip
kommuniani puisit neqaannik tunisassiat ineriartortinneqarneranni
sanaartugassat pilersaarusioqqaarneqarnissaannut kontumut matumunnga 1997-imi
kontumit pingaarnermit 20.11.50-imit, Ingerlatsinermut sillimmatit, 1.000.000
kr.-it atugassiissutigineqarnissaat Naalakkersuisut siunnersuutigaat.
1997-imut aningaasanut inatsimmi 5 mio. kr.-it Nanortalimmi suliniutinut
immikkoortinneqarput, 1997-imullu ilassutitut aningaasaliissutinut inatsimmi
siullermi 4 mio. kr.-it Nanortalimmi misiligutitut nioqqutissiassanik
ineriartortitsinermut immikkoortinneqarlutik.
Aningaasaqarnermut
ataatsimiititaliap inassutigaa aningaasaliissutit 1997-imi 1.000.000 kr.-inik
qaffanneqassasut peqatigisaanillu kontumi pingaarnermi 20.11.50
aningaasaliissutit amerlaqataannik ikilineqarlutik,
Konto
pingaarneq 20.01.01, Aningaasaqarnermut Pisortaqarfik, taassuma iluani
allaffissorneq.
Suliassaqarfiup
nunaminertat atorneqarnerat pilersaarusiorfigineqarneratalu Aningaasaqarnermut
Ineqarnermullu Naalakkersuisoqarfimmiit Naalakkersuisut siulittaasuata
suliassaqarfianut nuunneqarnerata kingunerisaanik kontumi matumani 1997-imi
aningaasaliissutit 303.000 kr.-iusut kontumut pingaarnermut 10.01.01-imut,
Naalakkersuisut Allattoqarfiat, nuunneqarnissaat Naalakkersuisut
siunnersuutigaat.
Aningaasaqarnermut
ataatsimiititaliap inassutigaa aningaasaliissutit 1997-imi 303.000 kr.-inik
ikilineqassasut peqatigisaanillu kontumi pingaarnermi 10.01.01-imi
aningaasaliissutit amerlaqataannik ikilineqarlutik.
Konto
pingaarneq 20.01.02 Nuna tamakkerlugu pilersaarusiorneq.
Suliassaqarfiup
nunaminertat atorneqarnerat pilersaarusiorfigineqarneratalu Aningaasaqarnermut
Ineqarnermullu Naalakkersuisoqarfimmiit Naalakkersuisut siulittaasuata
suliassaqarfianut nuunneqarnerata kingunerisaanik kontumi matumani 1997-imi
aningaasaliissutit atorneqan-ngitsoortut 530.000 kr.-isut kontumut
pingaarnermut 10.01.05-imut, Nuna tamakkerlugu pilersaarusiorneq,
nuunneqarnissaat Naalakkersuisut siunnersuutigaat.
Aningaasaqarnermut
ataatsimiititaliap inassutigaa aningaasaliissutit 1997-imi 530.000 kr.-inik
ikilineqassasut peqatigisaanillu kontumi pingaarnermi 10.01.05-imi 1997-imi
aningaasaliissutit amerlaqataannik ikilineqarlutik.
Konto
pingaarneq 20.11.50, Ingerlatsinermut sillimmatit.
1997-imi
aningaasaliissutit 1.000.000 kr.-inik ikilineqarnissaat naalakkersuisut
siunnersuutigaat, kontumi pingaarnermi 10.06.17-imi, Nioqqutissianik
ineriartortitsineq, Nanortalik, siunnersuut pissutigalugu, tassani Nanortallip
kommuniani puisit neqaannik tunisassiat ineriartortinneqarneranni
sanaartugassat pilersaarusioqqaarneqarnissaannut 1.000.000 kr.-it qinnutigineqarlutik.
Aningaasaqarnermut
ataatsimiititaliap inassutigaa aningaasaliissutit 1997-imi 1.000.000 kr.-inik
ikilineqassasut peqatigisaanillu kontumi pingaarnermi 10.06.17-imi 1997-imi aningaasaliissutit
amerlaqataannik qaffanneqarlutik.
Konto
pingaarneq 20.11.60, Sanaartornermut sillimmatit.
Qarasaasiat
atorlugit inatsisinik ujarlerfissamut aningaasartuutit ilaasa
matussuserneqarnissaannut atugassanik aningaasaliissutit 1997-imi 2.000.000
kr.-inik ikilineqarnissaat Naalakkersuisut siunnersuutigaat.
Aningaasaqarnermut
ataatsimiititaliap inassutigaa siunnersuut akuerineqassanngitsoq, tassa
ataatsimiititaliap qarasaasiat atorlugit inatsisinik ujarliummik pilersitsinissap
akuerineqarnissaanik ataatsimiititaliap inassuteqannginnerata kingunerisaanik.
Tassani takuneqarsinnaavoq Aningaasaqarnermut Ataatsimiititaliap siuliani
oqaaseqaatai kiisalu allannguutissatut siunnersuut nr. 19.
Konto
pingaarneq 30.01.01, Isumaginninnermut, Suliffeqarnermut Pisortallu Suliassaqarfiutaannut
Pisortaqarfik, tassa allaffissornermut tunngasut.
1997-imi
allaffissornikkut aningaasaliissutit 334.000 kr.-iusut kontumit pingaarnermit
70.01.01-imit, Takornariaqarnermut, Angallannermut, Niuernermut
Attaveqaatinullu Pisortaqarfik, oqartussaaffeqarfiit allanngortiterneqarnerisa
kingunerisaannik kontumut matumungna nuunneqarnissaat Naalakkersuisut
siunnersuutigaat.
Aningaasaqarnermut
ataatsimiititaliap inassutigaa aningaasaliissutit 1997-imi 334.000 kr.-inik
qaffanneqassasut peqatigisaanillu kontumi pingaarnermi 70.01.01-imi 1997-imi
aningaasaliissutit amerlaqataannik ikilineqarlutik.
Konto
pingaarneq 30.01.02, Ataatsimoorluni sillimmasiissutit eqqarsaatigalugit immikkoortitsineq.
Naalakkersuisut
siunnersuutigaat 1997-imi upernaakkut ataatsimiinnermi Inatsiseqarnermut
Ataatsimiititaliap isumaliutissiissutaanut atatillugu inunnit isertitakitsunit
akiitsutoqqat akilersinniarneqannginnissaannik partiit oqaaseqartuisa
ersersitsinerisa malitsigisaanik aningaasaliissutit 1997-imi 6.000.000
kr.-inik ukiumilu missingersuusiorfiusumi 1998-imi 2.000.000 kr.-inik
qaffanneqassasut. 1997-imut aningaasaliissutissatut qinnuteqaatikkut
taamaalilluni matussuserneqassaaq aalisartunit piniartunillu il.il. ukiunut
1994-imut 1995-imullu akiliutissanik akiliisitsiniartoqannginnissaa,
aningaasallu taakku landskarsimit matussuserneqassasut. Ukiumut
missingersuusiorfiusumut 1998-imut aningaasaliissutissatut qinnuteqaatit
killiliussatut aningaasaliissutaapput ukiunut siusinnerusunut
akiliutissaagaluanut akilersinneqanngitsunut matussutissatut.
Aningaasaqarnermut
ataatsimiititaliap inassutigaa aningaasaliissutit 1997-imi 6.000.000 kr.-inik
ukiumilu missingersuusiorfiusumi 1998-imi 2.000.000 kr.-inik qaffanneqassasut.
Konto
pingaarneq 40.12.30 Ilinniarfinnik sanaartorneq.
Naalakkersuisut
siunnersuutigaat suliassami 060.52.001-imi, Inerisaaviup/Pilersuiffiup allineqarnera
aammalu allanngortiterneqarnera, sanaartornerup ingerlarngata allannguuteqarnerata
malitsigisaanik aningaasaliissutit 1997-imi 1.400.000 kr.-inik
ikilisinneqassasut ukiumilu missingersuusiorfiusumi 1998-imi 1.400.000
kr.-inik qaffanneqarlutik.
Aningaasaqarnermut
ataatsimiititaliap inassutigaa aningaasaliissutit 1997-imi 1.400.000 kr.-inik
ikilisinneqassasut ukiumilu missingersuusiorfiusumi 1998-imi 1.400.000 kr.-inik
qaffanneqarlutik.
Konto
pingaarneq 50.01.01, Inuussutissarsiornermut Pisortaqarfik, allaffissorneq.
Naalakkersuisut
siunnersuutigaat suliassaqarfinnik allanngortiterinerup kingunerisaanik
1997-imut allaffissornermut aningaasaliissutit 148.000 kr.-it kontumit
pingaarnermut matumunnga kontumit pingaarnermit 70.01.01-imut,
Takornariaqarnermut, Angallannermut, Niuernermut Attaveqaatinullu
Pisortaqarfik, allaffissorneq, nuunneqassasut,
Aningaasaqarnermut
ataatsimiititaliap inassutigaa 1997-imut aningaasaliissutit 148.000 kr.-inik
qaffanneqassasut peqatigisaanillu kontumi pingaarnermi 70.01.01-imi 1997-imut aningaasaliissutit
taamaaqataannik ikilineqarlutik. Allannguutissatut siunnersuut nr. 30 aamma
takoqquneqarpoq.
Konto
pingaarneq 70.01.01, Takornariaqarnermut, Angallannermut, Niuernermut
Attaveqaatinullu Pisortaqarfik, allaffissorneq.
Naalakkersuisut
siunnersuutigaat suliassaqarfinnik allanngortiterinerup kingunerisaanik kontumi
matumani 1997-imut allaffissornermut aningaasaliissutit 334.000 kr.-it kontumut
pingaarnermut 30.01.01-imut, Isumaginninnermut, Suliffeqarnermut Pisortallu
Suliassaqarfiutaannut Pisortaqarfik, allaffissorneq, nuunneqassasut
Aningaasaqarnermut
ataatsimiititaliap inassutigaa aningaasaliissutit 1997-imi 334.000 kr.-inik
ikilisinneqassasut peqatigisaanillu kontumi pingaarnermi 30.01.01-imi 1997-imut
aningaasaliissutit taamaaqataannik qaffanneqarlutik.
Konto
pingaarneq 70.01.01, Takornariaqarnermut, Angallannermut, Niuernermut
Attaveqaatinullu Pisortaqarfik, allaffissorneq.
Naalakkersuisut
siunnersuutigaat suliassaqarfinnik allanngortiterinerup kingunerisaanik
1997-imut allaffissornermut aningaasaliissutit 148.000 kr.-it kontumit
pingaarnermit matumannga kontumut pingaarnermut 50.01.01-imut,
Inuussutissarsiornermut Pisortaqarfik, allaffissorneq, nuunneqassasut.
Aningaasaqarnermut
ataatsimiititaliap inassutigaa aningaasaliissutit 1997-imut 148.000 kr.-inik
ikilisinneqassasut peqatigisaanillu kontumi pingaarnermi 50.01.01-imi
aningaasaliissutit taamaaqataanik qaffanneqarlutik.
Immikkoortut
tallimaat isumaliutissiissummi 1997-imut inatsisartut ilassutitut aningaasalii
sutinut inatsisissaasa aappaannut aningaasaliissutissatut siunnersuutinut
Aningaasaqarnermut Ataatsimiititaliap allannguutissatut siunnersuutaa
Konto
pingaarneq 20.11.60, Sanaartornermut sillimmatit.
Kontumut
pingaarnermut 10.01.21-imut, Qarasaasiat atorlugit inatsisinik ujarlerfissap,
allan-nguutissatut siunnersuutip akuerineqannginnissaanik Aningaasaqarnermut
Ataatsimiititaliap inassuteqaataanut atatillugu Aningaasaqarnermut
Ataatsimiititaliap kaammattuutigaa naalakkersuisut nalileeqqissasut
uppernarsarniarlugu qarasaasiat atorlugit inatsisinik ujarlerfissamik matumani
aaqqiiniarneq internet atorlugu aaqqiinermit akikinnerusoq
ujarliutaasinnaaneralu pitsaanerusoq, kiisalu inatsinik ujarlerfissianik
oqaatsit marluk atorlugit ujarlertoqarsinnaanersoq. Nalileeqqinneq
aningaasaqarnermut ataatsimiititaliamit nassuiaatitut akuersissutigisassatut
nassiunneqassaaq.
Naalakkersuisut
nalileeqqinnissamut pisariaqarpallu aaqqiinermut nutaamut aningaasaliissutissamik
qinnuteqaatitalimmik piviusunngortitsisinnaanerannut periarfissinniarlugit
aningasaqarnermut ataatsimiititaliap siunnersuutigaa konto-mi pingaarnermi
matumani 1997-imi aningaasaliissutit 2,925 mio. kr.-nik qaffanneqassasut
konto-mi pingaarnermi 100121-mi qinnuteqaatigineqartunut naapertuuttumik.
Isumaliutissiissummi imm. 6-mi 1997-mi inatsisartut ilassutinut aningaasaliissutinut
inatsisissaata aappaannut siunnersuummi tjenestemand-itut atorfiit
amerlassusiligaanissaanut Naalakkersuisut allannguutissatut siunnersuutaat.
Konto
pingaarneq 300101, Isumaginninnermut Suliffeqarnermut Pisortallu
Suliassaqarfiutaannut Pisortaqarfik. Naalakkersuisut siunnersuutigaat
suliassaqarfiit allanngortinneqarnerisa kingunerisaanik akissaateqarfiit
36-ianni allaffiup pisortaatut atorfimmik pilersitsisoqassasoq. Aningaasaqanermut
ataatsimiititaliap inassutigaa siunnersuut akuersissutigineqassasoq.
Konto
pingaarneq 700101, Takornariaqarnermut Angallannermut Niuernermut Attaveqaatinullu
Pisortaqarfik. Naalakersuisut siunnersuutigaat suliassaqarfiit
allanngortinneqarnerisa kingunerisaanik akissaateqarfiit 36-ianni allaffiup
pisortaatut atorfimmik atorunnaarsitsisoqassasoq. . Aningaasaqanermut
ataatsimiititaliap inassutigaa siunnersuut akuersissutigineqassasoq.
Aningaasaqarnermut
ataatsimiititaliap kaammattuutai tikippakka.
Kaammattuut
nr. 5. Qarasaasiat atorlugit inatsisinik ujarlerfissap nalileqqinneqarnera.
Aningaasaqarnermut ataatsimiititaliap kaammattuutigaa allannguutissatut
siunnersuut nr. 19-imut atatillugu. Qarasaasiat atorlugit inatsisinik
ujarlerfissanik pilersitsinissamik siunnersuut nalileqqinneqassasoq
uppernarsarniarlugu qarasaasiat atorlugit inatsisinik ujarlerfissanik matumani
aaqqiiniarneq internet atorlugu aaqqiinermik akikinnerusoq,
ujarliutaasinnaaneraneralu pitsaanerusoq kiisalu kiisalu inatsinik
ujarlerfissianik oqaatsit marluk atorlugit ujarlertoqarsinnaanersoq.
Nalileeqqinneq aningaasaqarnermut ataatsimiititaliamit nassuiaatitut
akuersissutigisassatut nassiunneqassaaq.
Landskarsip
aningaasaqarniarneranut takussutissiaq iluarsisaq pillugu. Isumaliutissiissummi
matumani inassutigineqartut inatsisartuni akuersissutigineqassappata 1997-imi
ilanngaatissat allaat ilanngaatigereerlugit angusassaq 9,435 mio. kr.-nik
aningaasartuuteqarfiunerussaaq siunnersuutip aappassaaneerneqarnerata kingorna
angusamut sanilliullugu.
1997-imi
ilassutitut aningaasaliissutit inatsisip tamarmiusut angusassaq 12.233.000
kr.-nik pitsanngoriaateqartissavaa. Tamanna isumaqarpoq 1997-imi 152.246.000
kr.-niik amigartooruteqartoqassasoq.
1997-imi
inatsisartut ilassutitut aningaasaliissutinut inatsisissaasa aappaanut
siunnersuut matumani pingajussaaneerinninnermi aningaasaqarnermut
ataatsimiititaliami akuersissutigineqartussatut inassutigineqartutut
ilanngussani nr. 1, 2 3-imilu takuneqarsinnaavoq.
Taamatut
aningaasaqarnermut ataatsimiititaliap inassutigaa inatsisissatut siunnersuut
akuersissutigineqassasoq.
Ataatsimiititaliamilu
ilaasortaapput: Laannguaq Lynge, S, siulittaasoq; Knud Sĝrensen, A, Peter
Ostermann-ip kinguraartissaatut ilaasoq, tassa taanna siulittaasup tulliatut
inissisimasoq; Lars Karl Jensen, S, Anders Nilsson, A, Josef Motzfeldt, IA.
Daniel
Skifte, Aningaasaqarnermut Ineqarnermullu Naalakkersuisoq:
Naalakkersuisut
1997-imut ilassutitut aningaasaliissutinut inatsisissat aappaannut
siunnersuutip pingajussaaneerneqarnissaanut aningaasaqarnermut
ataatsimiititaliap isumaliutissiissutaa tiuguaat.
Iluarisimaarlugu
naalakkersuisut paasivaat aningaasaqarnermut ataatsimiititaliap,
naalakkersuisut siunnersuutaannut isumaqataasoq suliasaq ataaseq
eqqaassanngikkaanni.
Tamatumunngali
atatillugu naalakkersuisut ilisimasitsissutigissavaat tamatumani tassa
qarasaasiat atorlugit inatsisinik ujarlerfissianik pilersitsinissamik
siunnersuummik missingersuutitut ilanngussami nassiunneqarsimasumi suliassaq
sukumiisumik allaaserineqarsimammat. Aningaasaqarnemulli ataatsimiititaliaq
paasissutissanik sukumiinerusunik kissaateqarmat. Naalakkersuisut tamanna ataatsimiinnerup
matuma kingunninngua naammassiniarumaarpaat, neriuutigalugu suliassaq
pissusissamisut naammassineqarumaartoq.
Naalakkersuisut
maluginiaqquaat qarasaasiat atorlugit inatsisinik ujarlerfissanik
pilersitsinissaq pillugu aningaasaqarnermut ataatsimiititaliap
allannguutissatut siunnersuutaata kingunerissammagu sanaartornermut
sillimmatit 4.925.000 kr.-ninngornerat. Taakkunannga 2.925.000 kr.-nit
immikkoortinneqarlutik qarasaasiat atorlugit inatsisinik ujarlerfissap
pilersinneqarnissaanut.
Aningaasaqarnermut
ataatsimiititaliap inassuteqaataa akuersissutigineqarneratigut 1997-mi
ingerlatsinermut sanaartornermut taarsigassarsitsisarnermullu missingersuutini,
tassa IST-mi taaneqartartumi, amigartoorutit 152.246.000 kr.-ussapput, naak
Naalakkersuisut allannguutissatut siunnersuutaat IST-mik taaneqartartoq
149.636.000 kr.-ugaluartoq.
Taamatut
oqaaseqarluta naalakkersuisut matumuuna isumaliutissiissut inatsisartunut
oqaluuserisassanngortippaat.
Laannguaq
Lynge, Ataatsimiititaliap siulittaasua, Siumut:
Tassa
naalakkersuisuninngaaniik pingajussaaneerinninnissamut akissuteqaat aatsaat
ataatsimiinneq aallartilivissoq tigugatsigu, misigisimavunga naalakkersuisut
akissuteqaataat partiit oqaaseqannginneranni akissuteqarfigilaassallugu.
Tassa
naalakkersuisut oqaatigaat, ingerlatsinermut sanaartornermut
taarsigassarsitsisarnermullu missingersuummi maannakkut 152.246.000 kr.-t
amigartooruteqartoqartoq. Matumani eqqaamaneqassaaq aappassaaneerereernermi
amigartoorutit 142.711.000 kr.-ummata. Allatut oqaatigalugu 10 mio kr.
missaani amigartoorutit ilaqqissapput. Taakkulu annerusumik pinngorput Naalakkersuisut
allannguutissatut siunnersuutaata akuersissutigineqarneratigut.
Amigartoorutit
ajornerulissanngippata Naalakkersuisut allannguutissatut siunnersuutini akisunerulersitsisussamik
saqqummiussissanngillat imaluunniiit inatsisartut kajumissaarneqartariaqarput
taaneqartut akuersillutik taasissutigissanngikkaat.
Inatsisit
qitiusumik nalunaarsorsimaffiat, lovdatabasen, eqqarsaatigalugit ilumoorpoq
aningaasat sanaartugassanut pisaartugassanut sillimmatitut atugassatut
ikineqarmata. Kisiannili eqqaamasariaqarpoq Naalakkersuisut aammaarlutik
naammaginartumik nalileeqqippata aningaasanut inatsisit qitiusumik
nalunaarsorsimaffianut ikineqassapput.
Taavalu
aningaasaqarnermi ataatsimiititaliap aningaasat sanaartugassanut sillimmatinut
atugassatut ikineqaqqullugit siunnersuutigippagu amigartoorutit
amerlinavianngillat, taamaallaallu konto ikineqaannassallutik.
Ilumoorpoq
sanaartugassanut sillimmatit qaffanneqassasut kisiannili sanaartugassanut
sillimmatit ukiut naanerani atorneqanngitsoorsimasut landskarsimut
nakkaannartussaapput taamaalillutit ilapittuutaaginnartussaallutik.
Erseqqissaatigiinnarlugu taamatut oqarpunga.
Lars
Karl Jensen, Siumup oqaaseqartua:
Siumumiit
siunnersuutip siullermeerneqarnerani aappassaanneerneqarneranilu oqaaserisavut
innersuussutigalugit, Siumumiit oqaatigissavarput Aningaasaqarnermut
ataatsimiititaliap allannguutissatut siunnersuutit sukumiisumik
suliarereerlugit saqqummiussisoq maluginiaratsigu, tamannalu
nuannaarutigaarput.
Aningaasaqarnermut
ataatsimiititaliap inassuteqaatai taperserlugit Siumut sinnerlugu imatut
oqaaseqassaanga:
Siumut
isumaqarpoq qarasaasiat atorlugit inatsisinik
ujarlerfiliortoqartariaqartoq.
Siumumiilli aningaasaqarnermut ataatsimiititaliaq qarasaasiat atorlugit
inatsisinik ujarlerfiliorniarneq taamatut isikkoqarluni
akuerineqannginnissaanik inassuteqaataa isumaqatigaarput.
Siumut
isumaqarpoq qarasaasiat atorlugit inatsisinik ujarlerfiliorniarnermut
atatillugu isumannaarneqartariaqartoq qarasaasiat atorlugit inatsisinik
ujarlerfissap innuttaasunik amerlanerpaanik atorneqarsinnaanissaa, taamatullu
pingaartitsigalugu qarasaasiat atorlugit inatsisinik ujarlerfik marluinnik
oqaaseqarluni suliffigineqarsinnaanissaa anguneqassasoq kissaatigigatsigu. Tassungalu atatillugu oqaatigissavarput
Siumumi tupigalugu maluginiaratsigu, aningaasaqarnermut ataatsimiititaliaq
ilisimatinneqarsimammat qarasaasiat atorlugit inatsisinik ujarlerfiliorniarnermi
internetimik aaqqiinerup ujarlernermut atortunik pitsassuarnik
peqartoqannginnera peqqutigalugu taamaak iliornissaq
inassutigineqanngitsoq. Massakkut
qarasaasiatigut misilittakkat tunngavigalugit taamatut oqartoqarnera
tupigaarput, maanilu Namminersornerullutik Oqartussat qarasaasiaqarnermut
immikkoortortaata tamanna misissorluaqqissagaa aammaarluta inassutigissavarput.
Taamaattumik
Siumumi aningaasaqarnermut ataatsimiititaliaq isumaqatigaarput, inassutigimmagu
qarasaasiat atorlugit inatsisinik ujarlerfiliorniarneq nalileqqinneqassasoq,
akikinnerusumik, pitsaanerusumik kiisalu marluinnik oqaaseqarluni
suliffigineqarsinnaasumik siunnersuusiortoqarnissaa siunertaralugu.
Ataatsimoorluni
sillimmasiisarnerup allaffissornikkut eqarpallaarnerata kingunerisaanik atuisut
akiliutaannik akiliisitsiniartarnerup eqarpallaarnera Siumumiit
uparuartortarsimavarput, tamanna nassataqarnikuummat aalisartut piniartullu
akiligassarpassuaqalernerannik. Maannakkut
aningaasanut inatsisip allannguutaatigut tamatuma tassalu akiitsutoqqat
matussutissaannik aaqqiiniarlutik naalakkersuisut ukioq mannamut 6,0 mio.
koruuninik ukiunullu tullernut aningaasanik illikartitsiffigineqarnera
Siumumiit nuannaarutigaarput.
Taamatut
oqaaseqarluta aningaasaqarnermut ataatsimiititaliap inassuteqaatai
annertunerusumik oqaaseqarfiginagit Siumumiit isumaqatigaavut
taperserlugillu. Taamatullu
isokkoqarluni
1997-imut
inatsisartut ilassutitut aningaasaliissutinut inatsisissaasa aappaannut
siunnersuut akuerineqarnissaa inassutigalutigu.
Anders
Nilsson, Atassutip oqaaseqartua:
Aningaasanut
inatsimmut siunnersuummi matumani saqqummiunneqartumi qarasaasiani
inatsisaasivimmut tunngatillugu missingersuutitut ilanngunneqartoq imatut
oqaaseqarfigissavarput.
Paasiuminaaqaaq
sooq missingersuutitut ilanngunniagaq aatsaat pingajussaarinermi takkunnersoq
aammalu sooq ilassutitut aningaasaliissutissanut II-mut ilanngunneqarnersoq.
Imaassorinarmammi
missingersuut ilanngunniagaasoq 1998-imut aningaasanut inatsisissamut
missingersuutinik nalinginnaasumik ilanngussinermi tunniunneqarsimasariaqaraluartoq.
Taamaalli.
Missingersuutinik
ilanngussat imarisaat suli ajornerupput.
Upernaaq
ataatsimiinnermilli suliaq aallaaveqarpoq, taamani oqaatsit marluk atorlugit
qarasaasiani inatsisaasiveqalernissaq, soqutiginnittunut tamanut ammasoq,
naatsumik oqaatigalugu internetsikkoortussamik pilersitsinissaq siunertaralugu
periarfissat arlaqartut tamakkiisumik misissuiffigineqaqqaanissaat
kissaatigalugu siunnersuut aningaasaqarnermut ataatsimiititaliap itigartippaa.
Misissuinissamik
kissaatigineqartut qanoq inerneqarsimanerinik suli takusaqanngilagut.
Tamatuma
akerlianik missingersuutitut ilanngunniarneqartoq Schultzip qarasaasiani
inatsisaasiveqarnera pillugu aappiullugulu internetsikkoortitsineq
pillugu isummersuutaaluit
ilanngussorlugit saqqummiunneqarpoq. Isummersuutit taakku ilumut upperalugu
inummit ilisimasassanik pisariaqartunik ilisimasaqartumit
saqqummiussaasimasorinanngillat. Allaat inuup sukisaarsaatitut
qaapiaraluartumik qarasaasiani paasissutissaatit oqaasertaannik
ilisimannilaartup takusinnaavaa, matumani eqqunngitsumik paasissutissiisoqartoq
assigiimmik aningaasat tungaasigut aammalu softwarenut tunngasutigut
periarfissani.
Eqqortuliornerunngilaq
Inatsisartut oqaluttarfiat ajornartorsiummut pinartumut matumunnga
itisilerisumik nassuiaanissamut atussallugu. Taamaattumik Aassut-mit
missingersuusiatut ilanngunniarneqartoq attuumassuteqanngitsumit misissoqqissaartariaqarnera naalakkersuisunut inassutigiumavarput.
Naalakkersuinermik suliaqartugut aalajangiiniartarnitsinni tunngavilersusutissatut
atorfilittatsinnit paasissutissiissutaasartut pinngitsoornata
tatigisinnaasariaqarpavut.
Atassut-mi
isumaqarpugut matumani tatiginnissinnaanata.
Missingersuusiat
ilanngunniarneqartut allat oqaaseqaatissaqarfiginngilavut.
Taamatut
oqaaseqaluta siunnersuutip taamatut isikkoqarluni akuerineqarnissaa inassutigaarput.
Josef
Motzfeldt, IA-p oqaaseqartua:
Matumuuna
pingajussaaneerinninnermi Inuit Ataqatigiit ujartugassagut marlussuinnaapput:
Qarasaasiat
atorlugit paasissutissanik ujarlerfiusinnaasumik pilersitsinissamut 3 mio kr
atulersaarneqartunut tunngasuupput. Qarasaasianik atortulersornermut
pilersaarut matumani pineqartoq nutaajunngilaq. 1996-imi ukiakkut aningaasanut
inatsisissamut naalakkersuisut siunnersuuteqarnerminnili ilimasaarutigaat,
Namminersornerulluni Oqartussani qarasaasiatigut atuinermut pilersaarut ukiunut
sisamanut atuuttussaq suliarineqassasoq.
Ukioq
ataaseq qaangiutereerpoq sulili taamanikkulli ilimasaarutigineqarsimasoq
naammaginartumik naammassineqarsimannngitsutut aningaasaqarnermi
ataatsimiititaliami nalilerneqarsimalluni.
Qarasaasiatigut
atortulersorneq pilersaarusiorluakkamik ingerlanneqaruni annertuumik pisariillisaanertigut
iluaqutaasinnaavoq. Pilersaaruteqanngikkaannili nioqquteqartut
tuniniaallaqqissut aalajangiisunngortinneqaratarsinnaapput, ilaatigut
qularnanngilaq pisariaqavinngikkaluanik anigaasartupiluffiusinnaasumik.
Namminersornerulluni
Oqartussanik oqaraangatta soorunami inatsisartut naalakkersuisullu
allattoqarfii ataatsimoortillugit isumagisarpagut.
Matumanili
aningaasaleeqqusinermut naalakkersuisut noqqaassutaannut tunngatillugu
naalakkersuisunut apeqqutigissavarput, aningaasaliissutissatut
qinnuteqaatigineqartutigut inatsisartut allattoqarfiat ilanngutereerlugu
eqqarsaataasimanersoq?
Taama
oqaaseqarluta aningaasaqarnermut ataatsimiititaliap isumaliutissiissutaa
akueralugu Inuit Ataqatigiit taaseqataassagut.
Bjarne
Kreutzmann, AP:
Naalakkersuisut
allannguutissatut siunnersuutaannut Aningaasaqarnermulluunniit Ataatsimiititaliap
isumaliutissiissutaanut annerusumik oqaasissaqanngilanga.
Oqaaseqarfiginiagara
tassaavoq Naalakkersuisut allannguutissatut siunnersuutaanni imaluunniit
Aningaasaqarnermut Ataatsimiititaliap isumaliutissiissutaani
eqqaaneqarsimanngitsoq, tassaavorlu aappassaaneerinninnermi apeqqut saqqummiussimasara,
siullermeerinninnermi oqaaseqaatigisimasannik eqqaasitseqqissutaasoq uunga
tunngasoq: Tassa peqqinnissaqarfimmi missingersuusiornermi tunngaviusumik
periaatsit.
Inatsisartuni
aningaasaqarnermut inatsisissamut siunnersuutit saqqummiunneqaraangata saqqummiussiffigineqartarnerput
ilumoortoq ilaannakusiortorlu, qanorlu iliussaagut sakkortuumik
taamaassorinninngikkutta. Soorlu kisima tamanna ilungersunartutut isigigiga,
tassami ilungersunartuuvoq.
Tamanna
pissutigalugu isumaliutigaara Inatsisartut 1997-imut ilassutitut
aningaasaliissutinut inatsisissaasa aappaannut akerliullunga taaseqataasinnaanissara.
Anthon
Frederiksen, Kattusseqatigiit:
Suliap siullermeerneqarnerani,
aappassaaneerneqarneranilu Kattusseqatigiinniit oqaaseqaatikka
innersuussutigalugit, aningaasaqanermut ataatsimiititaliap
isumaliutissiissutaanut imatut oqaaseqassaanga.
Kattusseqatigiinniit
paasilluarlugu konto-ni ataasiakkaani nikisiterinerit ilaatigut naalakkersuisut
suliassaqarfiisa, naalakkersuisullu allannguuteqarnerisa kingunerisaanik
pinngitsoorneqarsinnaanngitsut aamma aningaasaqarnermut ataatsimiititaliap
inassuteqaatai, kaammattuutaalu allat immikkut tamaasa
oqaaseqarfiginngikkaluarlugit tunngaviisigut isumaqatigalugit taperserpakka.
Isumaqarpunga
immikkut nuannaarutigisariaqartoq, ataatsimoorluni sillimmasiisarnermut
atatillugu, kommuneni assigiinngitsuni ukiut kingulliit qulit ingerlaneranni
ajornartorsaiutaasimasoq, tassalu aalisartut piniartullu ataatsimoorussamik
sillimmaserneqartarnerannut atatillugu akiligassanik pisoqalisoornikunik matuma
kingorna isumakkeerneqarlutik oqilisaavigineqarsinnaalissammata.
Tassami
akiligassatoqqat taakku allaffissornikkut kukkuneq pissutigalugu, akiligassat
pineqartut ilaatigut ukiuni arlalinni nassiunneqaratik uninngasimasut,
kingusiinnakkulli ataatsikkoorlugit nassiunneqarsimasut, ilaatigut aalisartunut
piniartunullu annertuumik ajornartorsiortitsisimapput.
Taamatut
oqaseqarlunga ilassutitut aningaasaliissutissanut inatsisissap aappaata
akuersissutigineqarnissaa isumaqataaffigaara.
Daniel
Skifte, Aningaasaqarnermut Ineqarnermullu Naalakkersuisoq:
Siullermik
siulittaasup ataqqinartup pisinnaasitsineratigut neriuppunga
oqaaseqaqqaalaassallunga, tassami landsting-ip siulittaasuata oqaatigaa
pingajussaaneerilernermi suliaq una pineqartoq aatsaat ullaap tungaa
agguaanneqarsimammat taanna ilumoorpoq. Appassaanik aningaasaqarnermut
ataatsimiititaliap aamma erseqqissaatigaa taanna kingusinaarluni
agguaaneqarsimasoq. Taanna pillugu oqaaseqaqqaalaassaanga,
pissusissamisoortorigakku.
Ilisimasitsissutigissavara
Finansudvalg-ip, tassa inatsisartut ataatsimiititaliaata, isumaliutissiissutaa
ippasaq ualikkut kalaallisuua arfernup kingorna Naalakkersuisut tigummassuk.
Allatut oqaatigalugu, inatsisartut ataatsimiititaliaat kingusinaarsimapput
naalakkersuisullu taanna peqqutigalugu ullaaq qulinut suliassaq suliarisimavaat
taavalu inerniariarlugu assigiinngitsunik pisaqariarlutik agguaatsillugu.
Allatut oqaatigalugu, paasineqarsinnaammat Naalakkersuisut pisuussut kisimik
pigigaat. Taava erseqqissartariaqassavara tassani aamma aningaasqarnermut
ataatsimiititaliap ulluni marlunni kinguartoornera pisuusut ilagimmassuk
aammalu uani nutserinerit eqqarsaatigissavakka. Taanna aatsaat pilinngimmat,
taamaattumik tassunga pisuussut uteqartaartinniaannarnagu isumaqarpunga imatut
oqaaseqartariaqarlunga tassunga tapiuttumik:
Inatsisartut
allaffeqarfiat, Naalakkersuisut allaffeqarfiat Inatsisartut
siulittaasoqarfiannut siunnersuusiortariaqarput taakkualu tamatumap kingorna
siunnersuusiat immaqa Naalakkersuisunut tusarniaassutigalugit oqaaseqartillugit
taavalu siulittaasoqarfiup nammineq inatsisartunut isummerfigisassanngortillugit.
Taamaaliortuugutta taava 1980-ikkunnili ajornartorsiut taanna
qaffatsinneqartuartoq, isortornanga uanga oqaatigissavara Atassummi
sinniisussatut ilaasarallaramali aamma taamatut oqaluttarfimmi maani
oqaluttunik tusartarnikuugama. Ullumikkut aamma taamatut oqaatigineqarmat,
taava ajornartorsiut taanna immaqalu akunnermi pisuutitsisaqattaarneq
aaqqiivigineqarsinnaagaluarpoq. Aamma oqaatigissavara uanga inuttut
isertussannginnakku naliliiniarnermi partiit aamma ataasiakkaat oqaaseqaataat
aammalu qaqugukkut agguaanneqartarnerat taanna aamma uanga inuttut
nalilillaqugakku.
Taakkua
oqaattikka allaganngorlugit tunniutissavakka, suleriarnermi
qissiminneqarniassammata.
Taamatut
oqariarlunga ataatsimortumik partiit oqaasinut oqassaanga: Siumut tamakkiisumik
tapersiinera nuannaarutigigatsigu.
Atassutip
aamma taamatut tamakkiisumik tapersiinera aamma nuannaarutigaarput aalajangersimasut
taasai taaneqartut, soorlu assigiinngitsut aatsaat akissutinnut
innersuussutigissavakka
IA aamma
taamatut tapersiipput, ilaatigullu qarasaasianut atortut pillugit
paasissutissanik ujarlernerat. Taanna akissuteqarfigissavara,
aap. Taakkua paasissutissat, soorlu oqariartuutinni erseqqersinneqartut
tunniunneqassapput taamaattumik IA-mut akissutima nipeqataa aamma Atassummut
aamma tutsissavara.
IA
apeqqutaat erseqqissoq unaasoq: Inatsisartut allattoqarfiat tassunga
tunngasumik ilanngutereerlugu eqqarsaataasimanersoq, tassa qarasaasiat
atorlugit lovdatabase-mik taasagarput: Aap, aamma taanna Inatsisartut allattoqarfiat
ilanngullugu eqqarsaammi suliarineqarsimavoq. IA tapersiiumanerannut qujavugut.
AP,
tassani qularpoq, taaseqataassanerluni imaluunniit taaseqataannginnissani
erseqqissarpaa. Oqaatigissavara ilaatigut qularnerani peqqutaasimapput
peqqinnissaqarfimmi missingersuusiortarnermi tunngaviusumik periaatsit.
Tassani
oqaatigissavara qularnera isumaqarlunga qulartunngitsoorneqarsinnaasoq,
aningaasaqarnermummi ataatsimiititaliaq annertoorujussuarmik
annertoorujussuarmik sulianiarsimavoq. Annertoojusuarmillu suliniareerluni
nalilersuereerluni maannakkut siunnersuuteqarluni, taannalu siunnersuut
Naalakkersuisut isumaqatigaat ammalu taamaalillunga AP qularunnaarsissimassallugu.
Kattusseqatigiit
tamakkiisumik tapersiiumammata qujassuteqarfigaakka.
Bjarne
Kreutzmann, AP:
Siullermik
oqaaserineqartut kingulliit aallartiffigilaassavakka. Tassa uani
inatsisissamut, inatsisartut inatsisissap tapiissutissanut tunngasumi
oqaaseqarninni, eqqarsaatigisimagaluarpara aallaqqaatigissallugu pisarnertuut
uani agguaanneqarsimasoq akissuteqaat oqaaseqarfiginagu, oqaasissakka ukua
oqaatigiinnassallugit, taanna akissuteqaat isereerluta aatsaat takuatsigu. Kisianni
taamatut ilanngussimanngilara. Siullermik ullut tamaasa taamatut
oqaaseqartarusunnginnama. Aappassaanillu inatsisartut siulittaasuata taamatoq
ittoq malugalugu kinguartimmagu ullumimut siulliunnagu, aatsaat massakkut
tigusassanngorlugu taamaalilluta agguaanneqartoq taanna
paasilluarniassagatsigu, taannalu qujassutiginarpoq.
Kisianni
isumaqarpunga nassuiaataaniaraluartut, taamak ittut maani ataatsimiittarfimmi
unitsinneqartariaqartut kiminngaaneeraluarunilluunniit. Pisuutitassarsiornerit
allaffeqarfimmi sumi kinguaattoorneq pissutaanersoq allallu, isumaqarpunga
inatsisartut niaqorluutissarinngikkaat. Inatsisartut piumasaraat taamatut
pisoqaqqissanngitsoq, taava taanna kingornatigut niaqulluutigisussaanngikkaluarparput.
Allaffeqarfiit assigiingitsut imminnut pisuuteqattaanniarunik akunnerminni
oqallisigilissuk, maani ataatsimiittarfimmi pinnagu.
Taava
nappaaninnut pissutiga maannakkut tikippara. Tassa uani oqaaseqarninni
oqarpunga isumaliuutigalugu taaseqataaniarnanga, pissutigalu taallugu. Tassa
ukiorpaalussuarni taamatut peqqinnissaqarfimminngaaniit
tapiissutissarujussuarpassuarnik peqattaarneq qasseriarlugu
taagaluarluarnerlugu qatsullugu, sakkortunerusumik kingullermik
oqaaeqarfigaara.
Taavali
massakkut oqaaseqarnerma kinguninnguatigut oqarfigineqarpunga, taanna
eqqartortuagara ataatsimiititaliaminngaannik qalliusersigassatut ernersuussutigineqarsimasoq.
Taamaalillunilu taanna ajornartorsiut qaangerneqartussalluttusooq
isikkoqalertussaassasoq. Taamaattumik taanna ilumoorpat aamma naatsorsuutigaara
soorunami ilumoortoq, uannut oqaaseqartup aamma kinaassusia eqqarsaatigalugu.
Taamatut
aaqqiisoqarnialerpat, taava nangaanngilluinnarlunga taaseqataassaanga.
Anders
Andreassen, ataatsimiinnermik aqutsisoq, Inatsisartut Siulittaasuat:
Oqaluttussat
tulliit tikitsinnagit eqqaasissutigilaassavara. Soorunami suliassat
malugigaanni kingusinaalersut, taava aamma periarfissaqarmat piaartumik
nalunaarutigissallugit siulittaasoqarfimmut, taamaalilluni maani immaqa
imminnut, qanoq oqassaagut, pasilleqartaarneq taanna
pinngitsoorneqarsinnaammat. Suliassat kingusinaalerpat siulittaasoqarfik
kalerrinneqarsinnaavoq kinguartilaaqqullugu, taavalu sulittaasoqarfiup tamanna
tusaatissatut tigussavaa soorunami aammalu nalunaarutigalugu maani.
Otto Steenholdt, Atassut:
Aap, immaqa
pisariaqassanngikkaluarpoq, tassa siulittaasoqarfimmiit ilaasortatuut
tupigilluinnarakku Naalakkersuisut ilaata taamatut maanngaanniit
oqaaseqarnera.
Ullumikkut ataatsimiinnitsinni
eqqartorsimavarput inatsisartut sulinerata kinguartinneqallattaalernera
naalakkersuisoqarfimmiit amigaateqartarnerput pissutigalugu. Ullumikkorpiaq
taanna sakkortuumik oqallisigisimavarput aammalu oqaatigiinnartariaqassavara
saaffiginnissummik sakkortulaartumik Naalakkersuisunut
siulittaasoqarfimminngaanniit allagaqaratta.
Ataasiarunnaarput pappilissat pisariaqartut
takkutinngitsoortarneri, tamanna uagut ilaasortatsinnut
pingaaruteqarluinnartussaammat imaluunnit pingaaruteqarluinnarmat
ilungersortumik qinnuiginiarpatsigit taamatut soorlu formand-ip
oqaaseqarneratuut, iliuuseqartarnissaq peqqullugu kinguartooqattaarnerit
nangeqattaaraluttuinnartut qullersaqarfimminngaaniit akuersaaginnarsinnaannginnatsigit.
Jonathan Motzfeldt, Naalakkersuisut
Siulittaasuat:
Inatsisartuni sulinerput
sungiusimavarput, pingaartumik naajartulernerata nalaani atortussagut kingusissukkut
aatsaat ilaanni tigusarlugit.
Uani pineqartoq ippassaq unnukkut
naalakkersuisunut annguppoq, kisianni taamaattumik suliassat taakkua
naammassiniagassat aamma ataatsimiinnissaq aallartitsinnagu naammassiniarsimavagut.
Uagut naammagittaalliunngilagut, kisianni inatsisartut naammagittaalliorpata,
soorunami taanna inatsisartut nammineq suleriaatsiminnik ataqqinninnerissavaat
qaqugu suliumanerlutik qaqugulu suliumannginnerlutik. Taanna inatsisartut
sukkulluunniit nammineq aalajangigassaraat.
Aamma uagut malinnaaniarnerput
sapinngisamik taamaalilluni ingerlaqqissaaq, kisianni inatsisartut namminneq
qaqugu ataatsimiissanerlutik taanna aalajangertassavaat.
Tapiissutissanik aningaasartuutit
saqqummertarneri taakkua siusinnerusukkut oqaaseqarfigisimavakka. Tassani
pinngitsoorneqarsinnaanngillat inatsisitigut pitutanik aningaasartuutaasimasut,
taakku tillĉgsbevilling-itut ukiup qiteqqunnerani allatut ajornatumik
Finansudvalg-i aqqutigalugu saqqummiunneqartut isummerfigineqarnissaat, taanna
pinngitsoorneqarsinnaanngilaq inatsisitigut tunngaveqartumik taamaalilluni
aningaasartuutit pinngortarsimaneri.
Aamma AP-nut oqaatigissavara immikkut
aningaasaliissutissat taakkua, pingaartumik Finansudvalg-imi
suliarineqarsimasut inatsisartunut piinnaratik, kisianni aamma Finansudvalg-imi
suliarineqarsimasut, partiillu tassani inatsisartuni ilaasortaqarsinnaasut
tamarmik ilaasortaqarmata. Suleriaatsit tassani nakkutigineqarnerat
malloqiusamik ingerlavoq, Naalakkersuisut tassani nakkutilliinerat aammalu
Finansudvalg-ip tassuunakkut uniorpasissorinngitsumik paasissutissanillu
tamanik pissarsiniarluni sulinera. Taamaattumik taakkua isumaqarpunga uagut
tungitsinninngaaniik ernumanartutut isiginngilagut aamma Finansudvalg-i
alaatsinaallueqqissaarluni suliassani ingerlatsisutut manna tikillugu
isumaqarfigigatsigu.
Taavalu lovdatabase, qanoruna
taaguuteqarnerpoq kalaallisut, taakkua edb-nut tunngatillugu oqaatigissavara
Atassutip kaammattuutaa, immikkut attaveqanngitsumik naliliineqarnissaani, pingaartumik
aningaasartuutissat eqqasaatigalugit aammalu qularnanngilaq aamma teknik-ikkut
pitsaassuseq qanoq ittuunersoq nalilerniarlugu. Taamatut iliornissaq
inatsisartuninngaaniit kissaatigineqarpat aamma taamaappoq Finansudvalg-ip
kissaatigaa. Uagut tungitsinninngaaniik akornutissaqartinngilarput
taamaalilluni taakua nalilerluinnarneqassappata teknik-ikkut pitsaassuseq
sunaava aammalu aningaasatigut naleqquppa taamatut atsigisumik
iliuuseqarniarneq. Paatsuungasumik tassani pisoqannginnissaa aamma uagut kissaatiginngilarput.
Anthon Frederiksen, Kattusseqatigiit:
Suliassavimmut tunngasumik
oqaaseqarusunnaraluarpoq, kisianni suleriaatsimut tunngatinnerullugu
oqaaseqarniarlunga maanga qaqivunga.
Tassa siorna inatsisartuni
oqallikkatta suleriaatsip inatsisartuni allanngortinneqarnissaa pillugu,
ilaatigut aalajangerneqarpoq inatsisartut ataatsimiittarnerput
sivitsorneqassasoq. Suliassat piffissaqarfigilluarlugit aammalu atortussagut
tamaasa piffissaagallartillugu tigusarnissai ilaatigut eqqarsaatigalugu. Kisianni
sooruna suleriiaseq pitsanngunngitsoq?
Taamaattumik siulittaasoqarfik
ataqqinartoq qinnuteqarfigerusuppara suliassat, pingaartumik
naalakkersuisuninngaaneersut aammalu atortussat, pappilissat assigiinngitsut,
kingusinaartillugit siulittaasoqarfiup piffissaagallartillugu suliassat
unitsittassagai. Tassami taannaammat ulluinnarni inatsisartut sulinitsinni
qullersarput aammalu oqaluuserisassat pillugit immikkoortunik assigiinngitsuni
aaqqissuisartoq.
Daniel Skifte, Aningaasaqarnermut
Ineqarnermullu Naalakkersuisoq:
Siullermik AP-mut oqaaseqalaassaanga.
Nassuiaanneqareernikkut isumaqatigiilersimagatta, taamatut paasigakku,
qujavunga Naalakkersuisut sinnerlugit.
Aappaanik aamma oqaaseqarfigilaarusuppara
inatsisartuni ilaasortaq Otto Steenholdt, A, tupigusummat uanga taamatut
oqaaseqarsinnaagama. Aap, paasilluarpara taanna, kisianni tassa
taamaattoqariataarnissaa naatsorsuutigalugu taamaattumik allaganngorlugit
oqaatsikka tunniuppakka. Neriullunga siulittaasoqarfiup misissorluarunigit,
ajornartorsiut sumiittoq erseqqissumik takussagaa. Tassami tassani allakkami
erseqqissumik oqaatigineqarpoq, taamaattumik uani anguniagara, kingullermi
oqaluttoq soorlu Kattusseqatigiit aamma ataatigullu titarlugulusooq oqaatigaa.
Suliassaq misissorluaruni taava paasinarsissaaq taamaanngippat aamma ulluni
aggersuni upernaamulluunnit taamaaleqqissaagut. Misissortariaqartoruna
suliassaq. Qujanaq.
Taasineq:
Siullermik
taasissutigineqassaaq: Tassa konto pingaarneq 010610, ICC, tassani inatsisartut
ingerlatsinermut ataatsimiititaliaata siunnersuutigaa aningaasat 1997-imi
atugassat 610.000 kr.-nik qaffaneqassasut. Tamatumunnga pissutaapput 1998-imi
ataatsimeersuarnissaq maani Nuummi pisussaq. Kiisalu aamma ICC-ip
siulittaasoqarfiata nunatsinnut nuunneqarnera. Tassunga isumaqataasut
nikueqqussavakka: 31. Taavalu akerliusut: 0. Taaseqataanngitsut: 0.
Taava
aappassaatut taasissutigissavarput: Aningaasaqarnermut ataatsimiititaliap
isumaqatigiissup allannguutissatut siunnersuutai, tassa uani tamakkerlugit
atuanngikkaluarlugit nr. 14-minngaaniik 33 ilanngullugu. Tassungalu
isumaqataasut nikueqqussavakka: 31. Taavalu akerliusut: 0. Taaseqataanngitsut:
0.
Taava
inatsisissap pingajussaaneerneqarnermini, taamak isikkoqarluni
akuerineqarnissaanut akuersisut nikueqqussavakka: 31. Taavalu akerliusut: 0.
Taaseqataanngitsut: 0.
Oqaluuserisaq
naammassivoq.