Kalaallit Nunaanni Inatsisartut

Oqaluuserisassani immokkoortoq 38-3

[ Ataatsimiinnerit ] [ Tilbage ] [ Op ] [ Nĉste ]

Siullermeerneqarnera Aappassaanneerneqarnera Pingajussaaneerneqarnera

Ataasinngorneq 3. november 1997 nal. 14.50

 

Oqaluuserisassani immikkoortoq 38-

 

Aalisarnermut, piniarnermut nunalerinermullu tapersiissarneq pillugu Inatsisartut peqqussutaata nr. 8 ulloq 31. oktober 1996-imeersup allanngortinneqarneranik Inatsisar­tut peqqussutissaannut siunnersuut.

(Inuussutissarsiornermut, Aalisarnermut, Piniarnermut Nunalerinermullu Naalakkersuisoq).

Pingajussaaneerneqarnera.

 

 

 

Ataatsimiinnermik aqutsisoq: Inatsisartut Siulittaasuat Anders Andreassen.

 

Paaviaaraq Heilmann, Inuussutissarsiornermut, Aalisarnermut, Piniarnermut Nunalerinermullu Naalakkersuisoq:

Aappassaaneerinninnermi inatsisartut isumaqatigiissut siunnersuut nalilermassuk matumuuna siunnersuutip inaarutaasumik akuersissutigineqarnissaa inassutigaara.

 

Otto Steenholdt, Atassut:

Pingajussaaneernermi oqaaseqartoqartarnera assuarisaraluarlugu una apuutilaarallarlara oqallin­nermi tikittuagarput avataaninngaanniillu aamma ippigineqartoq uanga aamma isumaqatigil-luinnarakku. Inatsisartut taamatut soorlu Erhvervstĝttiminngaanniit atorsimasut pillugit oqaaseri­sartagaat. Ilagooq soorlu tamakkua akiligassaminnik kinguaattoortunnguit imannaannaq pigaat. Uffali aamma sineriassuarmi akiitsukkaminnik paarsilluarlutik ukiut tamaasa akiliiuartut eqqaaneqassanatik. Tamakkugooq oqallinnermi aamma eqqaamasariaqarput pitsaasumik iliortut aamma pitsaalaartumik pillugit makku uerigaluttuinnarmata akiligassaqarpallaaleraangamik isumakkeerfigineqaannartarlutik uffalu ilungersorlutik akiliiuartut eqqaaneqassanatik. Eqqortu­mik oqarmat taamaattumik maanngaanniit apuuppara aamma ilissinnut.

 

Anders Andreassen, Inatsisartut Siulittaasuat, ataatsimiinnermik aqutsisoq:

Allanik oqaasissaqartoqanngimmat taava taasissaagut. Peqqussutissamut taama isikkulimmut akuerseqataasut nikueqqussavakka. 29. Tassa isersimasut tamarmik. Taamaalilluni immikkoor­toq 38-p oqallisigineqarnera aamma naammassivoq.

 

Oqaluuserisaq naammassivoq.