Oqaluuserisassani immikkoortoq 27-3 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Ataasinngorneq 25. oktober 1999 nal.16.05
Ataatsimiinnermik
aqutsisoq:
Finn Karlsen, Siulittaasoqarfimmi ilaasortaq, Atassut.
Alfred Jakobsen, Avatangiisinut Pinngortitamullu
Naalakkersuisoq:
Kalaallit Nunanni
aalisakkanik misissuinerit aaqqissuussaanerat sulinerallu pillugit Inatsisartut
peqqussutissaattut siunnersuut, Inatsisartuni pingajussaaneerlugu
suliarineqarnissaa matumuuna Naalakkersuisut siunnerlugit saqqummiutissavara.
Peqqussutissatut
siunnersuut Inatsisartut 19. oktober 1999-imi aappassaaneerlugu suliaraat.
Oqaaseqartunit tamanit ilalerneqarpoq Naalakkersuisut peqqussutissatut
siunnersuutaat, iluarsisanik nassuiaatitalik taama isikkoqarluni
pingajussaaniigassanngortinneqassasoq.
Suliassamik Inatsisartut
akuersaartumik suliarinninnerat Naalakkersuisut siunnerlugit
qujassutigissavara. Nuannaarutigaara taamaaliornikkut sulissanik
siusinnerusukkut Kalaallit Nunaanni aalisakkanik misissuinernit
ingerlanneqartartunik Pinngortitaleriffiup ingerlatsinissaa pillugu
inatisitigut tunngavigisat taamaalillutik iluarsineqarmata.
Taama oqaaseqarlunga
inassutigissavara siunnersuut Inatsisartuni inaarutaasumik
akuersissutigineqassasoq.
Lars Karl Jensen, Siumup oqaaseqartua:
Siunnersuutip
aappassaaneerneqarnerani Siumumiit oqaatsigut innersuussutigalugit siunnersuut
taamatut isikkoqarluni akuersissutigineqarnissaa inassutigaarput.
Finn Karlsen, Atassut, ataatsimiinnermik
aqutsisoq:
Tassa paasinarpoq allamik oqaaseqarfigineqarnianngitsoq.
Taamaasilluni ullormut oqaaluuserisassaq immikkoortoq 27, Kalaallit Nunaani
aalisakkanik misissuinerit aaqqissuussaanerat sulinerallu pillugit Inatsisartut
peqqussutissaattut siunnersuut, taamatut isikkoqarluni akuerineqarnissaanut
isumaqataasut nikueqqussavakka.
23.
Najuuttut tamarmik.
Oqaluuserisaq naammassivoq.