Kalaallit Nunaanni Inatsisartut

Oqaluuserisassani immikkoortoq 40-3

[ Ataatsimiinnerit ] [ Tilbage ] [ Op ] [ Nęste ]

Siullermeerneqarnera Aappassaanneerneqarnera Pingajussaaneerneqarnera

Ullut ataatsimiiffiusut arfersaneq pingajuat, pingasunngorneq 2. april 2003 nal. 13:22.

 

 

Oqaluuserisassani immikkoortoq 40

 

Tunngaviusumik atuarfiit namminersortitat angerlarsimaffimmilu atuartitaaneq il.il. pillugit Inatsisartut inatsisissaattut siunnersuut.

(Kultureqarnermut, Ilinniartitaanermut, Ilisimatusarnermut, Ilageeqarnermullu Naalakkersuisoq)

(Pingajussaaneerneqarnera)

 

Ataatsimiinnermik aqutsisoq: Jonathan Motzfeldt, Inatsisartut Siulittaasuat, Siumut.

 

 

Per Berhelsen, Demokraatit.

Qujanaq.

 

Demokraatinit siunnersuut ilalerparput, taanngitsoorumanaguli ugguarigatsigu inatsit akuerineqarnermisut isikkoqarluni tamakkiisumik siunnerfimmut tapersersuisuunngimmat. Tamannami Demokraatinit pissasoq kissaatiginartinneqaraluarmat taamaammallu Demokraatit allannguutissatut siunnersuuteqaraluarmata, tassami namminersortitaallutik atuarfiliorniartut sanaartugassaminnut naapertuuttumik taarsigassarsisinnaanissaat ujartorneqarluni. Taamaatut iliornikkut atuisussat akiliutissaat ima appasitsigisinnaasunngorumallugu qulakkeerneqarsinnaasunngorlugu atuarfiit pineqartutut ittut atituumik inuiaqatigiinnut iluaqutiginissaat.

 

Jonathan Motzfeldt, ataatsimiinnermi aqutsisoq, Inatsisartut Siulittaasuat, Siumut.

Apeqqutigissavara allamik oqaasissaqartoqarnersoq?

Taamaanngippat taasissutigissavarput.

Tunngaviusumik atuarfiit namminersortitat angerlasimaffimmilu atuartitaaneq ilaallu ilanngullugit pillugit Inatsisartut inatsisissaattut siunnersuut taama isikkoqarluni, pingajussaaneerneqarnerani akuerineqarnissaanut isumaqataasut qinnuigissavakka nikueqqullugit.

 

22-t taaseqataapput.

 

Akerliusut qinnuigissavakka nukueqqullugit.

 

Soqanngilaq aat.

Taava taaseqataanngitsut qinnuigissavakka nikueqqullugit.

 

Arfineq pingasut taaseqataanngillat.

Taamaalilluni amerlanerusunit akuersissutigineqarpoq.