Oqaluuserisassani immikkoortoq 13-3 |
|
||
Siullermeerneqarnera | Aappassaanneerneqarnera | Pingajussaaneerneqarnera |
Sisamanngorneq
29. oktober 1998 nal. 14.08
Ataatsimiinnermik aqutsisoq: Anders Andreassen, Inatsisartut
Siulittaasuat.
Jonathan Motzfeldt, Naalakkersuisut Siulittaasuat:
Siunnersuut
aappassaaneerneqarnermini amerlanerussuteqartunit akuersissutigineqarmat
Naalakkersuisut sinnerlugit inassutigissavara siunnersuut inaarutaasumik
akuersissutigineqassasoq, aappassaaneerneqarneranut allannguutissanut
saqqummiussanik iluarsillugu.
Johan Lund Olsen, Inuit Ataqatigiit oqaaseqartuat:
Tassa aamma naatsunnguussaaq, tassa
uani sammisatsinni aappassaaneerinninnermi ikinnerussuteqarluta tassa
oqaaseqaateqarnikuuvugut, taannalu aamma soorunami maannakkut inatsisissatut
siunnersuutip uuma akuersissutigivinneqarnissaani aamma ikinnerussuteqarluta
taasiumaartussaassaagut, tassa aappassaaneerinninnermi taanna aamma
akerliuffigalugu aamma taasiffigereeratsigu.
Anders Andreassen, Inatsisartut Siulittaasuat:
Taavalu taasissaagut, Kalaallit
Nunaanni atortussiat aatsitassanit pisut pillugit suliniutit
isumagineqarnissaannut ingerlatseqatigiiffik pillugu Inatsisartut inatsisaata
allanngortinneqarneranik Inatsisartut inatsisissaannut akuersisut
nikueqqussavakka: 24. Akerliusut nikueqqussavakka: 6. Taaseqataanngitsut: 0.
Oqaluuserisaq naammassivoq.