Atorfinitsitsineq 1. April pissaaq 31. Maj tungaanut sivisunerusumiluunniit sulinissaq periarfissaassaaq.  

 

Suliassat tassaapput Siulittaasoqarfimmut, Inatsisartut ilaasortanut aamma  Inatsisartut Allattoqarfiani sulisunut kaffiliuussineq, ataatsimiittunik isumaginninneq, torersaaneq, eqqiaaneq naasunik imerterineq kiisalu pisiniarnerit. 

 

Ullut suliffiit takisarsinnaanerat kiisalu sapaatit akunnerisa naanerini sulisarnissaq naatsorsuutigisariaqarpoq, tamatumanili Inatsisartunut qanimut sullisseqataassaatit

 

Ullut suliffiusut 7.00-ip missaaniit – 17.00-ip missaanut pisarput, ullut ilai sivisunerusinnaapput.

Ilinniagaqarsimasuunissaq piumasaqaataanngilaq misilittakkat iluaqutaassapput.

 

Kalaallisut imaluunniit marluinnik oqaaseqartuunissat, ullaakkut takkutiaartarnissat nammineerlutit sulisinnaanissat kiisalu suliffimmut tunniussimasuunissat naatsorsuutigaarput. Suliffik kivitsinerpassuarnik allornerpassuarnillu ilaqarmat peqqissuunissat naatsorsuutigineqarpoq.

 

Inissaqartitsisoqanngilaq.

 

Piginnaasat malillugit akissarsiaqartitsisoqassaaq.

 

Saaffiginniffissaq qinnuteqarfissarlu kingulleq ullulerneqarpoq 22. marts 2023-mut.

 

Qinnuteqarnermi paasissutissat uku ilanngunneqassapput, atit, ukiutit, misilittakkat, mobil normu kiisalu sumi najugaqarneq.

Nammineq takkulluni imaluunniit email atorlugu saaffiginninneq ingerlanneqassaaq uunga:

Ingrid Jokumsen Jeremiassen INJOJ@ina.alla.gl  imaluunniit oqarasuaammut 34 53 31-mut sianernikkut.